ކޯޓުގެ އަސްކަނީގެ ސީލިންގް ބަދަލުކުރުމާއި ދިޔަދޮވި ބަދަލުކުރުމުގެ މަސައްކަތް

މި ކޯޓުން ދޭ މަޢުލޫމާތާ އެއްގޮތަށް ކޯޓުގެ އަސްކަނީގެ، މިހާރު ހުރި ސީލިންގް ރޫޅައި، ޕީވީސީ ސީލިންގަށް ބަދަލުކުރުމާއި، ކޯޓުގެ ފުރާޅުގެ މިހާރު ހުރި ދަގަނޑު ދިޔަދޮވި ނަގައި، ޕީވީސީ ދިޔަދޮތްވަށް ބަދަލުކުރުމުގެ މަސައްކަތް ކޮށްދޭނޭ ފަރާތެއް ހޯދަން ބޭނުންވެއެވެ. ވީމާ، މި މަސައްކަތް އަމިއްލަ ތަކެތީގައި ކޮށްދިނުމަށް ޝައުޤުވެރިވާ ފަރާތްތަކުން ތިރީގައިވާ ގަޑިތަކަށް ކޯޓަށް ޙާޟިރުވެ މަސައްކަތަށް ބީލަން ހުށަހެޅުއްވުމަށް ދަންނަވަމެވެ. ބީލަން ހުށަހެޅުމަށް ގަޑިއަށް ޙާޟިރުނުވާ ފަރާތްތަކަށް ބީލަން ހުށަހެޅުމުގެ ފުރުޞަތު ނުދެވޭނެ ކަމުގައި ދަންނަވަމެވެ.

މި މަސައްކަތަށް ބީލަން ހުށަހަޅާނީ މި އިޢުލާނާ އެކުގައިވާ އަންދާސީ ހިސާބު ހުށަހަޅާ ފޯމުން، ނުވަތަ އަމިއްލަ ފޯމެޓެއްގައި ހުށަހަޅާނަމަ، މި އިޢުލާނާ އެކުގައިވާ އަންދާސީ ހިސާބު ހުށަހަޅާ ފޯމުގައި ހިމެނޭ ހުރިހާ މަޢުލޫމާތެއް ފުރިހަމަވާ ގޮތަށެވެ. މަޢުލޫމާތު ފުރިހަމަ ނުވާ ބީލަންތަކާއި، ހުށަހަޅަންޖެހޭ ލިޔެކިޔުން ހަމަ ނުވާ ބީލަންތަކަށް އިވެލުއޭޝަން މަރުޙަލާގައި އެއްވެސް މާކްސްއެއް ނުދެވޭނެއެވެ. މި މަސައްކަތަށް ބީލަން ހުށަހެޅޭނީ ދިވެހިރާއްޖޭގެ ޤާނޫނުތަކާއި ޤަވާއިދުތަކާ އެއްގޮތްވާ ގޮތުގެ މަތިން ރަޖިސްޓަރީ ކޮށްފައިވާ ވިޔަފާރިއެއްގެ ނަމުގައެވެ. ބީލަންތައް ހުށަހަޅަންވާނީ ހުށަހަޅާ ފަރާތުގެ ނަން ޖަހާފައިވާ ބަންދު ސިޓީއުރައެއްގައެވެ. އަދި ބީލަން ހުށަހެޅުމަށް، ވެރިފަރާތުގެ ބަދަލުގައި އެހެން ފަރާތެއް ޙާޟިރުވާނަމަ، އެކަން އަންގައިދޭ ސިޓީއަކާއި ޙާޟިރުވާ ފަރާތުގެ ކާކުކަން އަންގައިދޭ ރަސްމީ ލިޔުމެއް ހުށަހަޅަންވާނެއެވެ.