މަގުތަކާއި އިޖުތިމާޢީ ސަރަޙައްދު ބޭނުންކުރާނެގޮތުގެ އުޞޫލުގެ އިޞްލާޙް

                             މި ކައުންސިލުން އެކަށައަޅާފައިވާ އުޞޫލުތަކުގެ ތެރެއިން "މަގުތަކާއި އިޖުތިމާޢީ ސަރަހައްދު ބޭނުންކުރާނެގޮތުގެ އުޞޫލު" ގެ 5 ވަނަ މާއްދާ އަންނަނިވި ގޮތަށް އިޞްލާޙްކޮށް (އުޞޫލުގެ 1 ވަނަ އިޞްލާޙް)، އެ ބަދަލާއެކު އަލުން އާންމު ކުރަމެވެ.

             ދެ ފުރޮޅުލީ އުޅަނދުތައް (ގާޑިޔާފަދަ އުޅަނދުތައް ނޫން) ފިޔަވައި، އެއްގަމު ދުއްވާ އެހެން އުޅަނދުފަހަރު މަގުމަތީގައި ޕާކުކޮށްފައި ބެހެއްޓުމަކީ މަނާކަމެވެ. ބޭނުމެއްގައި މަގުގެ އެއް ފަރާތެއްގައި، މަގުގެ ބޭނުންކުރާ މީހުންނަށް އުނދަގޫ ނުވާނެގޮތަށް އުޅަނދުފަހަރު ބާއްވާ ބޭއްވުން މި މާއްދާއިން އިސްތިސްނާވެއެވެ. އަދި މި ގޮތަށް ބާއްވާއިރު، ބާއްވާނީ މަގު ދިގަށްވާހެން ފާރު ކައިރީގައި، ރަށް ދިގަށް ހުންނަ މަގުތަކުގައި ރަށުގެ އުތުރު ފަރާތަށް ވާގޮތަށެވެ. އަދި ރަށް ހުރަސްކޮށް ހުންނަ މަގުތަކުގައި ރަށުގެ އިރުމަތީ ފަރާތާވީ ފަޅީގައެވެ.