މަޑިފުށި ކައުންސިލް ފުޓްސަލް ޗެލެންޖް 2026 ގައި ބައިވެރިވުމުގެ ފުރުޞަތު މިހާރުވަނީ ހުޅުވާލެވިފައެވެ. މި މުބާރާތް ފެށުމަށް ހަމަޖެހިފައިވާ ތާރީޚަކީ 15 ޑިސެމްބަރ 2026 އެވެ.

މުބާރާތުގައި ބައިވެރިވުމަށް އެދޭ ފޯމް މަޑިފުށި ކައުންސިލް އިދާރާއިން 2026 ސެޕްޓެމްބަރ 14 ވަނަ ދުވަހުން ފެށިގެން ރަސްމީ ދުވަސްތަކުގައި ލިބެން ހުންނާނެއެވެ. މި މުބާރާތުގައި ބައިވެރިވުމުގެ ފީ އަކީ -/1000ރ އެވެ. ޓީމް ބައިވެރިވުމަށް ދައްކަންޖެހޭ ފީ (1000ރ)  ދައްކާނީ މަޑިފުށި ކައުންސިލްގެ މި ދަންނަވާ އެކައުންޓަށެވެ. އަދި ފައިސާ ދެއްކުމަށްފަހު ފައިސާ ދެއްކި ކަމުގެ ސްލިޕް ފޯމާއިއެކު ހުށަހަޅަންވާނެއެވެ.

އެކައުންޓް ނަން: 1434 Revenue 1

އެކައުންޓް ނަންބަރ: 7725700429001

 މުބާރާތުގައި ބައިވެރިވުމަށް ޓީމްތައް ރެޖިސްޓްރީ ވުމުގެ ސުންގަޑިޔަކީ 2026 ނޮވެމްބަރ 01 ވަނަ ދުވަހުގެ 13:00 އެވެ.  މި މުއްދަތުގެ ފަހުން ޓީމެއް މުބާރާތުގައި ރަޖިސްޓަރީ ވުމަށް އެދޭ ނަމަ ބައިވެރި ކުރެވޭނީ -/1000ރ ޖޫރިމަނާ އާއި އެކު 05 ނޮވެމްބަރ 2026 ވަނަ ދުވަހުގެ 13:00 ގެ ކުރިންނެވެ. ޓީމް ލިސްޓް ހުށައެޅުމުގެ ސުންގަޑިޔަކީ 15 ނޮވެމްބަރ 2026 ވަނަ ދުވަހުގެ 13:00 އެވެ. އަދި ޓީމް ލިސްޓުގައި ހިމަނާ ރަށުން ބޭރު ކުޅުންތެރިޔާ ޖެއްސުމުގެ ސުންގަޑިޔަކީ 2026 ޑިސެމްބަރ 13 ވަނަ ދުވަހުގެ 10:00 އެވެ.