ދިވެހިރާއްޖޭގެ ޤައުމީ ޔުނިވަރސިޓީގެ ދަސްވެނީންގެ ޖަމުޢިއްޔާގެ ހިންގާކޮމިޓީގެ މަގާމުތަކަށް ކުރިމަތިލުމުގެ ފުރުޞަތު އަލުން ހުޅުވާލުން

ދިވެހިރާއްޖޭގެ ޤައުމީ ޔުނިވަރސިޓީގެ ޤާނޫނުގެ 44 ވަނަ މާއްދާގެ ދަށުން އެކުލަވާލާފައިވާ ޔުނިވަރސިޓީގެ ދަސްވެނީންގެ އަސާސީ ޤަވާއިދުގެ 9 ވަނަ މާއްދާއާއި 14 ވަނަ މާއްދާގައިވާ ގޮތުގެ މަތިން، ޖަމުޢިއްޔާގެ ފުރަތަމަ ދާއިމީ ހިންގާކޮމިޓީގެ މަޤާމުތަކަށް ކުރިމަތިލުމުގެ ފުރުޞަތު އަލުން އާންމުކޮށް ހުޅުވާލައިފީމެވެ. މި އިންތިޚާބުގައި ވާދަކުރުމަށް ކުރިމަތިލެވޭނީ ތަރީގައިވާ ޝަރުތު ފުރިހަމަވާ މީހުންނަށެވެ.

1. އިންތިޚާބުކުރެވޭ މަޤާމުތައް (ޖުމްލަ 7 މެންބަރުން)

1. ރައީސް (1 މަގާމު)
2. ހިންގާކޮމިޓީގެ އާންމު މެންބަރުން (6 މަގާމު)

ނޯޓު: ހިންގާކޮމިޓީގެ މަޤާމުތައް ކަމުގައިވާ ނައިބު ރައީސް، ޖެނެރަލް ސެކްރެޓަރީ، ޚަޒާންދާރު އަދި ރެޖިސްޓްރާރު އިންތިހާބުކުރާނީ އިންތިހާބުވާ އާންމު މެންބަރުންގެ ތެރެއިން ހިންގާކޮމިޓީގެ ފުރަތަމަ ބައްދަލުވުމުގައެވެ.

2. ކުރިމަތިލާ ކެންޑިޑޭޓުންގެ ޝަރުޠުތައް   

• ދިވެހިރާއްޖޭގެ ޤައުމީ ޔުނިވަރސިޓީގެ ދަސްވެންޏަކަށް (އެލަމްނައި) ވުން.
• ދިވެހިރާއްޖޭގެ ޤައުމީ ޔުނިވަރސިޓީގެ ފުލްޓައިމް މުވައްޒަފެއްކަމުގައި ނުވުން.
• ވޯޓަރ ރަޖިސްޓަރީގައި ރަޖިސްޓަރ ވެފައިވާ މެންބަރެއްކަމުގައިވުން.

ވީމާ، މި ޖަމުޢިއްޔާގެ ހިންގާ ކޮމިޓީގެ މެންބަރުކަމަށް ކުރިމަތިލައްވަން އެދިވަޑައިގަންނަވާ ފަރާތްތަކުން، ފުރިހަމަކޮށްފައިވާ އެޕްލިކޭޝަން ފޯމު 16 ސެޕްޓެންބަރު 2026 ވާ ބުދަ ދުވަހުގެ 23:59 ގެ ކުރިން އަށް އީމެއިލް ކުރެއްވުން އެދެމެވެ. މި ފޯމު އެމް.އެން.ޔޫ. ގެ ވެބްސައިޓުގައިވާ އެލަމްނައި ޕޭޖުގެ ޑައުންލޯޑް ބައިން (mnu.edu.mv/alumni)  ލިބިވަޑައިގަންނަވާނެއެވެ.

މީގެއިތުރުން، މި ޖަމުޢިއްޔާގެ ވޯޓުލާ މެންބަރެއްގެ ގޮތުގައި ރަޖިސްޓަރީ ވުމަށް އެދިވަޑައިގަންނަވާ ފަރާތްތަކުން، 16 ސެޕްޓެންބަރު 2026 ގެ 23:59 ގެ ކުރިން މެދުވެރިކުރައްވައި ރަޖިސްޓަރީ ކުރެއްވުން އެދެމެވެ.          

 07 ސެޕްޓެމްބަރ 2026