މިހާރަކަށް އައިސް ގޭގޭގައި އުފެދޭ ފަތްކުންޏާއި ބަދިގެ ކުނި ވަލުތެރެއަށާއި ދަނޑުބިންތަކަށް އުކާކަން މިކައުންސިލަށްވަނީ ފާހަގަކުރެވިފައެވެ. " ކުނި އުކާލުމާއި ކުނިނައްތާލުމާއި އެކަންކަމަށް ފީ ނެގުމުގެ އުސޫލު" ގައި ކުނިކޮށި ނޫން އެހެނިހެންތަންތަނަށް އެއްވެސް ބާވަތެއްގެ ކުނި އުކުމަކީ މަނާކަމެކެވެ. ވީމާ ހެދިފައިވާ އުސޫލާއި އެއްގޮތަށް އަމަލުކުރުމަށް ހުރިހާ ރައްޔިތުންނަށް އިލްތިމާސް ކުރަމެވެ. އަދި ގެވަޅުތަކުގައި އުފެދޭ ކުނި ވެސް އުސޫލުގައިވާގޮތަށް ކުނިކޮށްޓަށް އުކާލުމަކީ ގެވަޅުގެ ވެރިފަރާތުގެ ޒިންމާއެކެވެ. އެއްވެސް ހާލެއްގައި ގެވަޅުގައި އުފެދޭކުނި އެންދުމަކީ މަނާކަމެއްކަން އެންމެހައި ފަރާތްތަކަކަށް އަންގާ އިއުލާންކުރަމެވެ.