މަޤާމު / މަސައްކަތް

ސްޓެންޑަޑް ސެޓިންގ ޕެނަލްގެ މެންބަރު

މެންބަރުން ބޭނުންވާ ޢަދަދު:

• ސީނިއަރ ޤާނޫނީ ވަކީލުން (3)
• މިޑް-ލެވެލް ޤާނޫނީ ވަކީލުން (3)
• ޖޫނިއަރ ޤާނޫނީ ވަކީލުން (2)
• ނިއުލީ ކޮލިފައިޑް ޤާނޫނީ ވަކީލުން (2)

މަސައްކަތަށް ހޭދަވާނެ ވަގުތު:

މި ޕެނަލްގެ މަސައްކަތް ކުރިއަށް ގެންދިއުމަށް ހަމަޖެހިފައިވަނީ މި އަހަރުގެ އޮކްޓޫބަރު މަހުގެ 25 އިން 29 އަށެވެ. މި މަސައްކަތަށް ހޭދަވާނެކަމަށް ލަފާކުރެވެނީ ގިނަވަގެން 3 ދުވަހެވެ.

ސްޓެންޑަޑް ސެޓިންގ ޕެނަލްގެ މަސައްކަތަށް ކުރިމަތިލާ ޤާނޫނީ ވަކީލުންނަކީ މި މަސައްކަތަށް ވަގުތު ހުސްކުރެވޭނޭ މީހުންނަށް ވާންވާނެއެވެ.

އަސާސީ ޝަރުތުތައް:

1. ޤާނޫނީ ދާއިރާއިން ފުރަތަމަ ޑިގްރީ ޙާސިލުކޮށްފައިވުން؛
2. ޤާނޫނީ ވަކީލުކަމުގެ ހުއްދަ އޮތުން؛
3. ކަނޑައެޅިފައިވާ ކެޓަގަރީއާ ގުޅޭ މަސައްކަތުގެ ތަޖުރިބާ ލިބިފައިވުން؛

• ސީނިއަރ ޤާނޫނީ ވަކީލުން: 10 އަހަރަށްވުރެ ގިނަވުން.
• މިޑް-ލެވެލް ޤާނޫނީ ވަކީލުން: 6 – 10 އަހަރު
• ޖޫނިއަރ ޤާނޫނީ ވަކީލުން: 2 – 5 އަހަރު
• ނިއުލީ ކޮލިފައިޑް ޤާނޫނީ ވަކީލެއްނަމަ، ޤާނޫނީ ވަކީލުކަން ކުރާތާ 2 އަހަރު ނުވާ ފަރާތެއްކަމުގައި ވުން؛ އަދި

1. ދިވެހި ބަހާއި އިނގިރޭސިބަހަށް ފަރިތަވުން.

ނޯޓް: ބާ އިމްތިޙާނަކަށް ނުވަތަ ޕްރޮފެޝަނަލް ލައިސަންސިންގ އިމްތިޙާނަކަށް އައިޓަމް ތައްޔާރުކުރެވޭ ގޮތާއި، އިމްތިޙާނުގެ ޕާސިންގ ސްކޯރ ކަނޑައެޅޭ ގޮތުގެ އަސާސީ ޢިލްމު ނުވަތަ މަޢުލޫމާތު ލިބިފައިވާ ފަރާތްތަކަށް އިސްކަން ދެވޭނެއެވެ.

މަސްއޫލިއްޔަތުތައް:

• ބާ އިމްތިޙާނުގެ ޕާސިންގ ސްކޯރ ކަނޑައެޅުމަށް އިމްތިޙާނު ޑިވެލޮޕްކުރާ ފަރާތުން ބާއްވާ ޓްރެއިނިންގ ފުރިހަމަކުރުން
• ބާ އިމްތިޙާނުގެ ޕާސިންގ ސްކޯރ ކަނޑައެޅުމަށް އިމްތިޙާނު ޑިވެލޮޕްކުރާ ފަރާތުން ކަނޑައަޅާފައިވާ މެތަޑް(ތައް) ބޭނުންކޮށްގެން ޕާސިންގ ސްކޯރ ކަނޑައެޅުމަށް ބޭނުންވާ މަސައްކަތްތައް ކުރުން
• ޕެނަލްއަށް ބާ އިމްތިޙާނުގެ ސްޓެންޑަޑް ސެޓިންގއާ ގުޅިގެން ޙާވާލުކުރެވޭ އެހެނިހެން މަސައްކަތްތައް ކުރުން

މުސާރަ އާއި އެލަވަންސް:

މި ޕެނަލްގެ މަސައްކަތަކީ އުޖޫރައެއް ކަނޑައެޅިފައިވާ މަސައްކަތެއް ނޫނެވެ.

މަޤާމަށް ކުރިމަތިލާ ފަރާތްތަކުން ހުށަހަޅަންޖެހޭ ތަކެތި:

ސްޓެންޑަޑް ސެޓިންގ ޕެނަލްގައި ހަރަކާތްތެރިވުމަށް އެދޭ ފަރާތްތަކުން ތިރީގައިވާ ލިންކުގައިވާ ގޫގްލް ފޯމް ފުރުއްވައި، ވަނަވަރާއި، ޤާނޫނީ ވަކީލުކަމުގެ ހުއްދައިގެ ކޮޕީ އަދި މުއްދަތު ހަމަނުވާ އައިޑީ ކާޑުގެ ކޮޕީ، އަޕްލޯޑް ކުރެއްވުން އެދެމެވެ.

ގޫގްލް ފޯމް: https://forms.gle/CtwPkieFWfRDAnND7

ސުންގަޑި:

30 ސެޕްޓެންބަރު 2026 ވާ ބުދަ ދުވަހުގެ 8:00