ގދ. ގައްދޫ ގައި ދުވަހުގެ މަސައްކަތް ކުރާ ބިދޭސީންނަށް ވަކި އުޖޫރަތަކެއްވަނީ ކައުންސިލްގެ 04 ވަނަ ދައުރުގެ 166 ވަނަ ޢާންމު ބައްދަލުވުމުން ފާސްކޮށްފައެވެ. ވަކިވަކި ބާވައްތަކުގެ މަސައްކަތްތަކަށް ނެގުމަށް ކަނޑައެޅިފައިވާ އުޖޫރަތައް އެގޭނެހެން 2024 ވަނަ އަހަރު ވާނީ އާންމު ޢިއުލާނެއްވެސް ކުރެވިފައެވެ. އެހެންނަމަވެސް އެ އިޢުލާނާއި އެއްގޮތަށް އަމަލުކުރަމުން ނުދާކަން ވަނީ މި ކައުންސިލަށް ފާހަގަވެފައެވެ. ތިރީގައިވަނީ ދުވަހު މަސައްކަތް ކުރާ ބިދޭސީންނަށް ދިނުމަށް ކައުންސިލްގެ 04 ވަނަ ދައުރުގެ 166 ވަނަ ޢާންމު ބައްދަލުވުމުން ފާސްކޮށް އާންމުކޮށްފައިވާ އުޖޫރަތަކެވެ.

ނޯޓް: މަސައްކަތު ދުވަހެއްގެ ގޮތުގައި ބަލަންވާނީ 1 ގަޑި އިރުގެ ހުސްވަގުތު ކޮޅަކާއެކު ޖުމްލަ 8 ގަޑި އިރެވެ.

ވީމާ މަތީގައި ދެންނެވިފައިވާ ޤަވާއިދާއި އެއްގޮތަށް އަމަލުކުރަމުން ގެންދިޔުމަށް ދެންނެވީމެވެ. އަދި މި ޤަވާއިދާއި ޙިލާފަށް އުޖޫރަ ނަގަމުންދާ ބިދޭސީންނާއި އެ ބިދޭސީންގެ ބަދަލުވެރިފަރާތް ކައުންސިލްގެ 4 ވަނަ ދައުރުގެ 166 ވަނަ ޢާންމު ޖަލްސާއިން ފާސްކޮށް ޢަމަލުކުރުމަށް ހަދާފައިވާ ރަށުގައި ދިރިއުޅޭ ބިދޭސީންގެ މަސައްކަތުގެ ދުވަހު އުޖޫރަ ކަނޑައެޅުމާއި ބެހޭ އުޞޫލުގެ ދަށުން ޖޫރިމާނާ ކުރެވެމުންދާނެ ވާހަކަ ދެންނެވީމެވެ. އަދި ޤަވާއިދާއި ޙިލާފަށް އުޖޫރަ ނަގަމުންދާކަން ފާހަގަވާނަމަ އެކަން ކައުންސިލްގެ ސަމާލުކަމަށް ގެނައުމައްޓަކައި " އެކިކަންކަމާއި ގުޅިގެން ކައުންސިލަށް ޝަކުވާ ހުށައަޅާ ފޯމް" މެދުވެރިކޮށް  ކައުންސިލަށް ޝަކުވާ ހުށައެޅުމަށް ރައްޔިތުންނަށް އިލްތިމާސް ކުރަމެވެ.

            ވީމާ މިކަން ޢާއްމުކޮށް އަންގާ އިޢުލާން ކުރީމެވެ.