މަޤާމު:

މެނޭޖަރ، އެކަޑެމިކް އެންޑް ރިސާޗް ސަރވިސަސް

ޑިޕާޓްމަންޓް:

އެކަޑެމިކް އެންޑް ރިސާޗް ސަރވިސަސް

ބޭނުންވާ އަދަދު:

1 (އެކެއް)

މަޤާމުގެ ބާވަތް:

ދާއިމީ

ވަޒީފާ އަދާކުރަން ޖެހޭ ތަން:

އިންސްޓިޓިއުޓް އޮފް ޗާޓަރޑް އެކައުންޓެންޓްސް އޮފް ދަ މޯލްޑިވްސް، ކ.މާލެ، ދިވެހިރާއްޖެ

ޖުމްލަ މުސާރަ:

21،100.00 ރުފިޔާ އާއި 24،000.00 ރުފިޔާއާ ދެމެދު 

އަސާސީ މުސާރަ: 

8،500.00 ރުފިޔާ އާއި 9،000.00 ރުފިޔާއާ ދެމެދު 

ސަރވިސް އެލަވަންސް: 

170.00 ރުފިޔާ އާއި 200.00 ރުފިޔާއާ ދެމެދު (ޙާޒިރުވާ ކޮންމެ ދުވަހަކަށް) 

ޙާޒިރީ އެލަވަންސް: 

250.00 ރުފިޔާ އާއި 300.00 ރުފިޔާއާ ދެމެދު (ޙާޒިރުވާ ކޮންމެ ދުވަހަކަށް) 

އެހެނިހެން އިނާޔަތްތައް:

މީގެއިތުރުން، ރަމަޟާން މަހުގެ އެލަވަންސް އަދި ދިވެހިރާއްޖޭގެ ޕެންޝަނާ ބެހޭ ޤާނޫނުގެ ދަށުން ލިބިދެވޭ ޕެންޝަން ކޮންޓްރިބިއުޝަން ލިބޭނެއެވެ.

މަޤާމުގެ މައިގަނޑު މަސްއޫލިއްޔަތުތަކާއި ވާޖިބުތައް:

• އިންސްޓިޓިއުޓްގެ އެކަޑެމިކް އެންޑް ރިސާޗް ސާވިސަސް ޑިޕާޓްމަންޓްގެ އެންމެހައި މަސައްކަތްތައް ރާވައި ހިންގާ، ވިލަރެސް ކުރުން.
• ޗާޓަރޑް އެކައުންޓެންޓުންގެ ގާނޫނު (13/2020) ގެ މަގްސަދުތައް ހާސިލުކުރުމަށްޓަކައި، އެކައުންޓެންސީ ދާއިރާގައި މަސައްކަތްކުރާ ފަރާތްތަކުގެ ފަންނީ ގާބިލުކަން އިތުރުކުރުމާއި، ބައިނަލްއަގުވާމީ މިންގަނޑުތަކަށް އަމަލުކުރުމާއި، ދާއިރާގެ ކުރިއެރުވުމަށް މަސައްކަތްކުރުން.
• ކައުންސިލާއި ކަމާގުޅޭ ކޮމިޓީތަކާ ގުޅިގެން، ތައުލީމީ އަދި ދިރާސީ މަސައްކަތްތަކުގެ ސްޓްރެޓީޖިކް މިސްރާބު ތަންފީޒުކުރުން.
• އިންސްޓިޓިއުޓްގެ މެންބަރުންނާއި މެންބަރުން ނޫން ފަރާތްތަކަށް އަމާޒުކޮށްގެން ހިންގާ ތަމްރީނުތަކާއި، ފަންނީ ކުރިއެރުވުމަށް ހިންގާ ޕްރޮގްރާމްތަކާއި، ސީ.ޕީ.ޑީ (CPD) ހަރަކާތްތައް ރާވައި ހިންގުން. އަދި އަހަރީ ގޮތުން ފުރިހަމަކުރަންޖެހޭ ސީ.ޕީ.ޑީ ގަޑިތައް ހަމަކުރާކަން ކަށަވަރުކޮށް، ގަވާއިދުން ރިޕޯޓްކުރުން.
• އިންސްޓިޓިއުޓްގެ އެންމެހައި އެކަޑަމިކް މަސައްކަތްތައް ބަލަހައްޓައި، އަހަރީ މަސައްކަތު ތާވަލުތައް ވިލަރެސްކުރުމާއި، އެކަޑަމިކް ކޮމިޓީގެ ނިންމުންތައް ތަންފީޒުކުރުން.
• އެކަޑަމިކް އަދި ސިނާއީ ދާއިރާއާ ގުޅުންހުރި ކަންކަމުގައި ދިރާސާކުރުމާއި، ކޮމިޓީތަކަށާއި މުއައްސަސާގެ އިސް ނިންމުންތަކަށް ބޭނުންވާ ފަންނީ ލަފަޔާއި އިރުޝާދު ދިނުން.
• އިންސްޓިޓިއުޓްގެ ދިރާސާކުރުމާއި، ޝާއިޢުކުރުމާއި، އިލްމު ފެތުރުމުގެ މަސައްކަތްތައް ބަލަހައްޓައި، އެ މަސައްކަތްތަކުގެ ފެންވަރާއި މުހިންމުކަން ހިފެހެއްޓުން.
• އިންސްޓިޓިއުޓްގެ ކޮމިޓީތަކަށް، ހާއްސަކޮށް އެކަޑަމިކް ކޮމިޓީއަށާއި ރިސާޗް އެންޑް ޕަބްލިކޭޝަން ކޮމިޓީއަށް ބޭނުންވާ ފަންނީ އަދި އިދާރީ އެހީތެރިކަން ފޯރުކޮށްދިނުން.
• އެކައުންޓެންސީ ދާއިރާގެ ފަންނީ އިދާރާތަކާއި، ތައުލީމީ މުއައްސަސާތަކާއި، ޔުނިވަރސިޓީތަކާއި، ބައިނަލްއަގުވާމީ ތަރައްގީގެ ބައިވެރިންނާއެކު ގުޅުން ގާއިމުކޮށް ދެމެހެއްޓުން.
• ގާބިލުކަން އިތުރުކުރުމުގެ މަސައްކަތްތަކަށް އެހީތެރިވުމަށްޓަކައި، ބައިނަލްއަގުވާމީ އެހީދޭ ޖަމާއަތްތަކާއި ބޭރުގެ ކަމާގުޅުންހުރި ފަރާތްތަކާއެކު ގުޅުން ގާއިމުކޮށް ބެލެހެއްޓުން.
• ތައުލީމީ، ތަމްރީނީ އަދި ދިރާސީ މަސައްކަތްތަކާ ގުޅުންހުރި އާންމު އިދާރީ ކަންކަމާއި މުއާސަލާތީ މަސައްކަތްތައް ބެލެހެއްޓުމާއި، ބައިނަލްއަގުވާމީ ފަރާތްތަކުން ކުރާ ސުވާލުތަކަށް ޖަވާބުދާރީވުން.
• އެކަޑަމިކް ކޮމިޓީގެ ނިންމުންތަކާއި ކުރަންޖެހޭ މަސައްކަތްތައް ކުރިއަށްދާގޮތް ބަލައި، އެކަންކަން ފުރިހަމައަށް ތަންފީޒުކުރެވޭކަން ކަށަވަރުކުރުން.
• ކޮމިޓީތަކުގެ މަސައްކަތްތަކާއި ޝާއިޢުކުރެވޭ ލިޔުންތަކާ ގުޅޭ ރެކޯޑުތަކާއި ފައިލްތައް އެކަށީގެންވާ ނިޒާމެއްގެ ދަށުން ބެލެހެއްޓުން.
• ތައުލީމީ އަދި ދިރާސީ މަސައްކަތްތަކާ ގުޅޭ ބަޖެޓް ތައްޔާރުކުރުމާއި އިދާރީ ގޮތުން ފުރިހަމަކުރަންޖެހޭ ކަންކަމުގައި އެހީތެރިވެދިނުން.
• މަސައްކަތާއި ގުޅޭ ގޮތުން އިންސްޓިޓިއުޓުއިން އަންގާ އެހެނިހެން މަސައްކަތްތައް ކުރުން.

މަޤާމުގެ ޝަރުތުތައް:

މަޤާމާއި ގުޅޭދާއިރާއަކުން މާސްޓަރސް ޑިގްރީ ނުވަތަ ދިވެހިރާއްޖޭގެ ޤައުމީ ސަނަދުގެ އޮނިގަނޑު ލެވެލް 9 ގެ ސަނަދެއް ހާޞިލްކޮށްފައިވުމާއިއެކު، މަޤާމުގެ މަސައްކަތުގެ ދާއިރާއެއްގައި މަދުވެގެން 2 އަހަރުދުވަހުގެ މަސައްކަތު ތަޖުރިބާ ލިބިފައިވުން،

ނުވަތަ

ACCA ޕްރޮފެޝަނަލް ލެވެލް ނުވަތަ CIMA ސްޓްރެޓެޖިކް ލެވެލް ނުވަތަ މަޤާމާއި ގުޅޭދާއިރާއަކުން ބެޗްލަރސް ޑިގްރީ ނުވަތަ ދިވެހިރާއްޖޭގެ ޤައުމީ ސަނަދުގެ އޮނިގަނޑު ލެވެލް 7 ނުވަތަ 8 ގެ ސަނަދެއް ހާޞިލްކޮށްފައިވުމާއިއެކު، މަޤާމުގެ މަސައްކަތުގެ ދާއިރާއެއްގައި މަދުވެގެން 3 އަހަރާއި 5 އަހަރުދުވަހުގެ މަސައްކަތު ތަޖުރިބާ ލިބިފައިވުން

މަޤާމުގެ މަސައްކަތަށް ބޭނުންވާ ހުނަރާއި ފެންވަރާއި ޤާބިލުކަމާއި އެހެނިހެން ސިފަތައް:

ހިންގުމުގެ ހުނަރާއި ޤާބިލުކަން ލިބިފައިވުމާއެކު، މަސައްކަތްތައް ރާވައި ހިންގުމުގައި އިސްކޮށް ޙަރަކާތްތެރިވެ އުޅުމާއެކު، މުވައްޒަފުން ލީޑްކުރުމުގެ ތަޖުރިބާ ލިބިފައިވުން.

އިދާރީ ހުނަރުތަކާއި ދިރާސާކުރުމުގެ ހުނަރު ލިބިފައިވުން.

އިނގިރޭސިބަހާއި، ދިވެހިބަހުން ފަރިތަކޮށް މުޢާމަލާތްކުރަން އެނގުން.

މައިކްރޯސޮފްޓް އޮފީސް އެޕްލިކޭޝަންތައް ފަރިތަކޮށް ބޭނުންކުރަން އެނގުން.

މަޤާމުގެ ދާއިރާތައް:

އެޑިއުކޭޝަން

ރިސާރޗް

އެކައުންޓިންގ

ފައިނޭންސް

މެނޭޖްމަންޓް

މަޤާމަށް ކުރިމަތިލާ ފަރާތްތަކުން ހުށަހަޅަންޖެހޭ

ލިޔުންތައް:

ފުރިހަމަކޮށްފައިވާ "އިންސްޓިޓިއުޓް އޮފް ޗާޓަރޑް އެކައުންޓެންޓްސް އޮފް ދަ މޯލްޑިވްސްގެ ވަޒީފާއަށް އެދޭ ފޯމު"

ވަޒީފާއަށް އެދޭ ފަރާތުގެ ވަނަވަރު (ސީވީ)

ދިވެހި ރައްޔިތެއްކަން އަންގައިދޭ ކާޑުގެ ދެފުށުގެ ކޮޕީ

ޕޮލިސް ރިޕޯޓް (ދޫކުރާތާ 3 މަސް ނުވާ)

އެކްރެޑިޓްކޮށްފައިވާ ތަޢުލީމީ ސެޓްފިކެޓްތަކާއި ޓްރާންސްކްރިޕްޓްތަކުގެ ކޮޕީ އަދި ތަމްރީން ސެޓްފިކެޓްތަކުގެ ކޮޕީ

މަސައްކަތުގެ ތަޖުރިބާ އަންގައިދޭ ލިޔުންތަކުގެ ކޮޕީ (ކުރިން ވަޒީފާއެއް އަދާކޮށްފައިވާނަމަ ނުވަތަ މިހާރުވެސް ވަޒީފާއެއް އަދާކުރަމުންދާ ފަރާތެއްނަމަ އެ ވަޒީފާތަކުގައި ހޭދަވީ މުއްދަތާއި އެ ވަޒީފާތަކުގެ މަސްއޫލިއްޔަތުތައް އެނގޭނެފަދަ ލިޔުން)

މަޤާމަށް އެދެންވީގޮތާއި ސުންގަޑި:

ޝައުޤުވެރިވާ ފަރާތްތަކުން ފުރިހަމަކޮށްފައިވާ "އިންސްޓިޓިއުޓް އޮފް ޗާޓަރޑް އެކައުންޓެންޓްސް އޮފް ދަ މޯލްޑިވްސްގެ ވަޒީފާއަށް އެދޭ ފޯމު" އާއި އެހެނިހެން ލިޔެކިޔުން ހުށަހަޅާނީ 24 ޖޫން 2026 ވާ ބުދަ ދުވަހުގެ 15:00 ގެ ކުރިން، [email protected] އަށް އީމެއިލް މެދުވެރިކޮށް ނުވަތަ ޖޮބްސެންޓަރ މެދުވެރިކޮށެވެ.

ހުށަހަޅަންޖެހޭ ހުރިހާ ލިޔުންތައް ހުށައަޅާފައި ނުވާނަމަ އަދި އެޕްލިކޭޝަންގައިވާ މަޢުލޫމާތު ފުރިހަމަ ކުރެވިފައި ނުވާނަމަ އެޕްލިކޭޝަން ބާތިލުކުރުމުގެ އިޚްތިޔާރު އިންސްޓިޓިއުޓަށް ލިބިގެންވެއެވެ.

ޝޯޓްލިސްޓުކުރުން:

މި ވަޒީފާއަށް އެދި ހުށަހަޅާ ފަރާތްތަކުގެ ތެރެއިން ތަޢުލީމީ ފެންވަރާއި ތަޖުރިބާއަށް ބަލައި، ވަޒީފާއަށް ކުރިމަތިލާފައިވާ ފަރާތްތަކުގެ ތެރެއިން އެންމެ މަތިން ޕޮއިންޓު ލިބޭފަރާތްތައް ޝޯޓްލިސްޓުކުރެވޭނެއެވެ. އަދި އިންޓަވިއުއަށް ދަޢުވަތު ދެވޭނީ ހަމައެކަނި ޝޯޓްލިސްޓް ކުރެވޭ ފަރާތްތަކަށެވެ.

އިތުރު މަޢުލޫމާތު:

މި ވަޒީފާއަށް ހޮވޭ ފަރާތުގެ މަޤާމު ކަނޑައެޅޭނީ އެފަރާތުގެ ތަޢުލީމާއި ތަޖުރިބާއަށް ބެލުމަށް ފަހުގައެވެ.

މި އިޢުލާނާ ގުޅިގެން އިތުރު މަޢުލޫމާތު ސާފުކުރުމަށް ގުޅުއްވާނީ 7223793 ނުވަތަ 3348234 އަށެވެ. އީމެއިލް ކުރައްވާނީ [email protected] އަށެވެ.