މިކައުންސިލުން ހިންގަމުންދާ ޕްރީސްކޫލް ސާފުކޮށް ބެލެހެއްޓުމަށް ކޮންޓްރެކްޓް އުޞޫލުން 01އަހަރު ދުވަހުގެ މުއްދަތަކަށް މަހަކު 3000.00ރުފިޔާ (ތިންހާސް ރުފިޔާ) އަށް މަސައްކަތްކޮށްދޭނެ ފަރާތެއް ބޭނުންވެއްޖެއެވެ. މިކަމަށްއެދި ހުށަހަޅުއްވާ ފަރާތްތަކުގެ ކިބައިގައި އަންނަނިވި ޝަރުޠުތައް ފުރިހަމަވާން ވާނެއެވެ.

   1- އަސާސީ ތަޢްލީމް ފެންވަރަށް ލިޔަން ކިޔަންއެނގުން.

   2- އުމުރުން 18 އަހަރާއި، 60 އަހަރާއި ދެމެދުގެ މިފަދަ މަސައްކަތެއް ކުރެވޭފަދަ ޞިއްހަތެއްގައި ހުރި މީހަކުކަމުގައިވުން.

* ކުރަންޖެހޭ މަސައްކަތް:

   1- ކޮންމެ ދުވަހަކު 1 ފަހަރު ކްލާސްރޫމް ފޮޅާ މޮޕްލުން

   2- ކޮންމެ ދުވަހަކު 1 ފަހަރު ފާޚާނާ ސާފުކުރުން.

   3- ސްކޫލްގެ ގޯތިތެރޭގައިހުރި ގަސްތައްދޮށް ދުވާލަކު 1 ފަހަރު އިލޮށިފަތި ނުވަތަ މަށަންދަތި އެޅުން (ހުކުރު، ހޮނިހިރު ފިޔަވައި)

   4- ސްކޫލްގެ ގޯތިތެރޭގައިހުރި ގަސްތަށް ކޮށާ ރީތިކޮށް ބެލެހެއްޓުން

   5- ކްލާސްރޫމްގެ ފެންލައިޓްތަކާއި ކުޑަދޮރުތައް ހަފްތާއަކު އެއްފަހަރު ސާފުކުރުން

   6- ޕްރީސްކޫލްގެ ވަށައިގެންވާ މަގުތައް ހަޑިވިޔަނުދީ ބެލެހެއްޓުން

* ހުށަހަޅަންޖެހޭ ތަކެތި:

 * މަސައްކަތްކުރުމަށް ޝައުޤުވެރިކަން ފާޅުކޮށް ހުށަހަޅާ ލިޔުން.

 * މުއްދަތުހަމަނުވާ އައިޑީކާޑުގެ ދެފުށުގެ ސާފުކ ކޮޕީ

 * ބޭންކް އެކައުންޓް އެނގޭނެ ރަސްމީ ލިޔުމެއް. (ބޭންކް އެކައުންޓެއް އޮންނަ ފަރާތަކަށް ވާންޖެހޭނެ)

                     ވީމާ މިމަސައްކަތަށް ޝައުޤުވެރިވާ ފަރާތްތަކުން 7 ޖޫން 2026 ވާ އާދިއްތަ ދުވަހުގެ 13.00ގެ ކުރިން ހުށަހަޅަންޖެހޭ ތަކެތި މިކައުންސިލަށް ހުށަހެޅުއްވުން އެދެމެވެ. މިމަސައްކަތް ޙަވާލުކުރާނެ ފަރާތެއް ކަނޑައެޅޭނީ މިކަމަށް އެދި ހުށަހަޅާ ފަރާތް/ ފަރާތްތަކުގެ މެދުގައި އިންޓަވިއު ކުރުމަށްފަހުގައެވެ. އިންޓަވިއު އޮންނާނީ 09 ޖޫން 2026ވާ އަންގާރަ ދުވަހު ކައުންސިލް އިދާރާގައެވެ.

                       މިހެންވެ މިކަން ޢާންމުކޮށް އެންގުމަށް އިޢުލާން ކުރީމެވެ.