މަޤާމް

އެސިސްޓަންޓް ޑިސްޕެޗް އޮފިސަރ

މަޤާމުގެ ރޭންކް

L9 - F1

ބޭނުންވާ ޢަދަދު:

02

ވަޒީފާ އަދާ ކުރަންޖެހޭ ތަން

ޕަބްލިކް ސަރވިސް މީޑިއާ، މާލެ

ޑިޕާޓްމަންޓް

ޓެކްނިކަލް ރިސޯސް

ވަޒީފާގެ ބާވަތް

01 އަހަރު ދުވަހުގެ ކޮންޓްރެކްޓް (މަސައްކަތުގެ ފެންވަރަށް ބެލުމަށްފަހު އެއްބަސްވުން އާ ކުރެވޭނެއެވެ. 2 އަހަރު ދުވަހުގެ ކޮންޓްރެކްޓް ފުރިހަމަކުރުމުން ދާއިމީ ކުރެވޭނެއެވެ.)

ރަސްމީ މަސައްކަތު ގަޑި

ހަފްތާއަކު 06 ދުވަހު – ޝިފްޓް އުސޫލުން 8 ގަޑިއިރު

އަސާސީ މުސާރަ

-/5,000 ރުފިޔާ

ސަރވިސް އެލަވަންސް

-/3,000 ރުފިޔާ

އެހެނިހެން އެލަވަންސްތައް:

• އެޓެންޑެންސް އެކްސެލެންސް އެލަވަންސް: ވަޒީފާއަށް ނިކުންނަ ދުވަހަކަށް 35 ރުފިޔާގެ ރޭޓުން ފައިސާ ދެވޭނެއެވެ.
• ޓެކްނިކަލްކޯ އެލަވަންސް: ވަޒީފާ އަދާކުރަންޖެހޭ ދާއިރާއާގުޅޭ ރޮނގުން ދިވެހިރާއްޖޭގެ ސަނަދުގެ އޮނިގަނޑުގެ ލެވެލް 7 އިން ފެށިގެން މަތީގެ ސަނަދެއް ޙާސިލްކޮށް ހުށަހަޅާ ފަރާތްތަކަށް، އަސާސީ މުސާރައިގެ %20 އެލަވަންސް ހަމަޖެހޭނެއެވެ.

(ޓެކްނިކަލް ކޯ އެލަވަންސް ހަމަނުޖެހޭނަމަ، ކަނޑައެޅިފައިވާ އުސޫލުން ސަޕޯޓިންގ ކޯ އެލަވަންސްގެ ގޮތުގައިކުންފުނީގެ ސިޔާސަތުތަކާއި، ޤާނޫނާއި ގަވާއިދުގެ މަތިން ފައިސާ ލިބޭނެއެވެ).

• ޝިފްޓް އެލަވަންސް.: ޝިފްޓް އުސޫލުން މަސައްކަތްކުރަންޖެހޭނަމަ، އެޝިފްޓަކަށް ފައިސާ ދެވޭނެއެވެ.
• އެކްސްޓްރާ ޑޭ އެލަވަންސް: ޤާނޫނުގެ ބަޔާންކޮށްފައިވާ ބަންދު ދުވަސްތަކުގައި، ވަޒީފާއަށް ނިކުންނަންޖެހޭ ނަމަ ކަނޑައެޅިފައިވާ އުސޫލުން ފައިސާ ދެވޭނެއެވެ.
• ޓްރާންސްޕޯޓް އެލަވަންސް: ހުޅުމާލެ ނުވަތަ ވިލިމާލޭގައި ދިރިއުޅުއްވާ ފަރާތްތަކަށް ކަނޑައެޅިފައިވާ އުސޫލުން އެލަވަންސް ހަމަޖެހޭނެއެވެ.
• ޕެންޝަން ސްކީމް: ދިވެހިރާއްޖޭގެ ޕެންޝަނާބެހޭ ޤާނޫނުގެ ދަށުން ލިބިދެވޭ ޕެންޝަން ކޮންޓްރިބިއުޝަން.
• މީގެ އިތުރުންވެސް އިތުރުގަޑީގެ އެލަވަންސާއި ކޮމިއުނިކޭޝަން އެލަވަންސް، ކަނޑައެޅިފައިވާ އުސޫލުން ހަމަޖެހޭނެއެވެ.

މަޤާމުގެ ޝަރުތު:

• ސާނަވީ އިމްތިހާނުން ދަށްވެގެން ދެ މާއްދާއިން ޑީ ގްރޭޑް ލިބިފައިވުން؛ ނުވަތަ
• މަސައްކަތާ ގުޅޭ ދާއިރާއަކުން 2 އަހަރު ދުވަހުގެ ތަޖުރިބާ ލިބިފައިވުން.

ވަޒީފާ އަށް އެންމެ ގާބިލް ފަރާތެއް ހޮވުމަށް ބެލޭނެ ކަންތައްތައް

މިމަގާމަށް ކުރިމަތިލާ ފަރާތެއްގެ ކިބައިގައި ހުންނަންޖެހޭ އަސާސީ ކޮލިފިކޭޝަނާއި ހުނަރުގެ އިތުރުން، ކުރިން މިފަދަ މަސައްކަތެއްގައި އުޅެ ތަޖްރިބާ ލިބިލައްވާފައިވާ ފަރާތެއްނަމަ، އެފަރާތަކަށް އިސްކަންދެވޭނެއެވެ. އަދި މީގެ އިތުރުންވެސް ތިރީގައިވާ ހުނަރުތައް ހުރި ފަރާތްތަކަށް އިސްކަންދެވޭނެއެވެ.

-          ކުންފުނީގެ މުދަލާއި ވަސީލަތްތަކުގެ ދަފުތަރު ބެލެހެއްޓުމާއި، ތަކެތި ދޫކުރުމާއި ބަލައިގަތުމުގެ ނިޒާމުތަކަށް އަހުލުވެރިވުން. މީގެ އިތުރުން، ސްޓޮކް ބެލެހެއްޓުމުގެ ފަންނީ ހުނަރު ހުރުން؛

-          ކޮންޓެންޓް އުފެއްދުމަށް ބޭނުންކުރާ އިކުއިޕްމަންޓްތަކާ ބެހޭ ފުރިހަމަ މަޢުލޫމާތު ލިބިފައިވުމާއެކު، އެ ތަކެތީގެ ހާލަތު ދެނެގަތުމާއި އަސާސީ މަރާމާތުތަކަށް އަހުލުވެރިވުން؛

-          އިންވެންޓްރީ މެނޭޖްކުރުމަށް ބޭނުންކުރާ ޚާއްޞަ ސޮފްޓްވެއަރތަކާއި، ރިޕޯޓުތަކާއި ޕްރެޒެންޓޭޝަން ތައްޔާރުކުރުމަށް ބޭނުންވާ މައިކްރޯސޮފްޓް އޮފީސް ފަދަ އެޕްލިކޭޝަންތަކަށް ފަރިތަވުން؛

-          އިކުވިޕްމަންޓް ޑިސްޕެޗިންގ ޔުނިޓުގެ މަސައްކަތްތައް ތަރުތީބުން ރާވާލުމުގެ ގާބިލުކަމާއި، ޔުނިޓަށް އިތުރަށް ބޭނުންވާ ވަސީލަތްތައް ދެނެގަނެ އެކަންކަން ފުރިހަމަކުރުމުގެ ހުނަރު؛

-          ސުޕަވައިޒަރާއި އެހެނިހެން މުވައްޒަފުންނާ ގުޅިގެން މަސައްކަތްކުރުމުގެ ގާބިލުކަމާއި، މަޢުލޫމާތު ސާފުކޮށް ފޯރުކޮށްދިނުމުގެ ހުނަރު ހުރުން؛

-          މަސައްކަތުގެ ރެކޯޑުތައް ދުވަހުން ދުވަހަށް ތަރުތީބުން ބެލެހެއްޓުމާއި، ކަނޑައެޅިފައިވާ ތާވަލާ އެއްގޮތަށް މަސައްކަތްތައް ނިންމުމަށް އިސްކަންދިނުން؛

-          މަސައްކަތުގެ މާހައުލުގައި ދިމާވާ އެކި ގޮންޖެހުންތަކުގައި ކުންފުނީގެ އުސޫލުތަކުގެ ތެރެއިން އެކަށީގެންވާ ހައްލު ހޯދުމުގެ ފަންނީ ގާބިލުކަން ހުރުން.

މަޤާމުގެ މައިގަނޑު މަސްއޫލިއްޔަތު:

• ކުންފުނީގެ މުދާ ރައްކާތެރިކަމާއެކު ބެލެހެއްޓުމުގެ ސިޔާސަތުތަކާއި މިކަމަށް ހެދިފައިވާ އެސްއޯޕީ އާއި ގައިޑްލައިންތަކާ އެއްގޮތަށް، ސްޕަވައިޒަރގެ ލަފައާ އިރުޝާދާއެކު މަސައްކަތްކުރުން؛
• ކުންފުނީގެ އެކި އެކި ކަންކަމަށް ބޭނުންކުރުމަށްޓަކައި، އިކްވިޕްމަންޓް ޑިސްޕެޗިންގ ޔުނިޓާ ޙަވާލުކުރެވިފައި އެންމެހާ ތަކެތީގެ އިންވެންޓްރީ އަޕްޑޭޓްކުރުން;
• އިކުއިޕްމަންޓް ޑިސްޕެޗިންގ ޔުނިޓުން ދޫކުރާ ވަސީލަތްތަކާ ގުޅޭގޮތުންނާއި، މަސައްކަތް އިތުރަށް ހަރުދަނާކުރުމަށް ފެންނަ ލަފައާއި އިރުޝާދު ސުޕަވައިޒަރަށް ހުށަހެޅުން؛
• އިކުއިޕްމަންޓް ބޭނުންކުރުމުގެ ހުއްދަ އޮންނަ މުވައްޒަފުންގެ ދަފުތަރު އެކުލަވައިލައި، އެ މަޢުލޫމާތުތައް ތަރުތީބުން ބެލެހެއްޓުން؛
• ޔުނިޓުގެ ބެލުމުގެ ދަށުގައިވާ ތަކެތި، ކަނޑައެޅިފައިވާ އުސޫލުތަކުގެ ތެރެއިން ހުއްދަ ދެވިފައިވާ ފަރާތްތަކަށް ދޫކުރުމާއި، އަނބުރާ ހަވާލުވުމުގެ ކަންކަން އިސްވެ ބެލެހެއްޓުން؛
• ދޫކުރެވޭ ކޮންމެ އިކްވިޕްމަންޓަކާއި އަނބުރާ ލިބޭ ކޮންމެ އިކްވިޕްމަންޓެއް ހުރި ޙާލަތު ދެނެގަނެ އެރެކޯޑްކުރުން؛
• ޔުނިޓަށް އިތުރަށް ބޭނުންވާ ތަކެއްޗާއި ވަސީލަތްތައް ދެނެގަނެ، އެކަންކަމާ ގުޅޭގޮތުން ސުޕަވައިޒަރާ މަޝްވަރާކޮށްގެން ހައްލު ހޯދުން؛
• މަރާމާތުކުރަންޖެހޭ ތަކެތި ދެނެގަނެ، ސުޕަވައިޒަރުގެ އިރުޝާދުގެ މަތިން ކުންފުނީގެ ކަމާގުޅޭ ދާއިރާތަކާ ގުޅިގެން އެ ތަކެތި މަރާމާތުކުރުމުގެ ކަންކަން ކުރުން؛
• އިކުއިޕްމަންޓެއް ގެއްލިއްޖެ ހާލަތެއްގައި، ކުންފުނީގެ ސިޔާސަތުތަކާ އެއްގޮތަށް އަޅަންޖެހޭ އިދާރީ ފިޔަވަޅުތައް ސުޕަވައިޒަރުގެ އިރުޝާދުގެ މަތިން ފުރިހަމަކުރުން؛
• އިކުއިޕްމަންޓް ދަފުތަރަށް އަންނަ ބަދަލުތައް (ދޫކުރެވޭ، ބަލައިގަނެވޭ، މަރާމާތުކުރެވޭ، އަދި އަލަށް އިތުރުކުރެވޭ ތަކެތި) ދުވަހުން ދުވަހަށް ރެކޯޑުކޮށް ބެލެހެއްޓުން؛
• ޑިޕާޓްމަންޓް ރިޕޯޓުތަކަށާއި ޕްރެޒެންޓޭޝަންތަކަށް ބޭނުންވާ ޔުނިޓުގެ އެންމެހައި މަޢުލޫމާތުތައް ދުވަހުން ދުވަހަށް އެއްކޮށް، ތައްޔާރުކުރުން.

ހުށަހަޅަންޖެހޭ ލިޔުންތައް:

• ވަޒީފާއަށް އެދޭ ފަރާތުގެ ވަނަވަރު / ސީ.ވީ (ގުޅޭނެ ފޯނު ނަންބަރާއި އީ-މެއިލް އެޑްރެސް ހިމެނޭގޮތަށް)
• ވަޒީފާއަށް އެދޭ ފަރާތުގެ ދިވެހި ރައްޔިތެއްކަން އަންގައިދޭ ކާޑުގެ (މުއްދަތު ހަމަވެފައިވީ ނަމަވެސް) ދެފުށުގެ ލިޔުންތައް ފެންނަ، ލިޔެފައިވާ ލިޔުންތައް ކިޔަން އެނގޭ ފަދަ ކޮޕީއެއް.
• ލިބިފައިވާ ތަޢުލީމީ ސެޓުފިކެޓުތަކުގެ ކޮޕީ
• އެޓެސްޓް ކުރެވިފައިވާ މަތީ ތަޢުލީމުދޭ ރާއްޖޭގެ މަރުކަޒަކުން ދޫކޮށްފައިވާ ތަޢުލީމީ ސެޓުފިކެޓުތަކުގެ ކޮޕީއާއި ޓްރާންސްކްރިޕްޓުގެ ކޮޕީ؛
• އެކްރެޑިޓް އަދި އެޓެސްޓް ކުރެވިފައިވާ މަތީ ތަޢުލީމުދޭ ރާއްޖެއިން ބޭރުގެ މަރުކަޒަކުން ދޫކޮށްފައިވާ ތަޢުލީމީ ސެޓުފިކެޓުތަކުގެ ކޮޕީއާއި ޓްރާންސްކްރިޕްޓުގެ ކޮޕީ
• ސެޓްފިކެޓު ނެތް ޙާލަތްތަކުގައި، ކޯސް ފުރިހަމަކުރިކަމުގެ އެޓެސްޓް ކުރެވިފައިވާ ލިޔުމުގެ ކޮޕީ
• މަސައްކަތުގެ ތަޖުރިބާ ދެނެގަތުމަށް، މަސައްކަތް ކޮށްފައިވާ އިދާރާތަކުން ދޫކޮށްފައިވާ ލިޔުންތައް.
• ޕޮލިސް ރިޕޯޓް (4 މަސް ނުވާ)

ޝޯޓްލިސްޓް ކުރުމާއި އިންޓަވިއު ކުރުން:

• މަޤާމުގެ ޝަރުތުތަކާ އެއްގޮތަށް، ތަޢުލީމާއި ތަޖުރިބާއަށް (ހުށަހަޅާފައިވާ ލިޔެކިއުންތައް) ބަލާ ޝަރުތު ފުރިހަމަވާ ފަރާތްތައް ޝޯޓްލިސްޓްކޮށް، އެފަރާތްތަކަށް އިންޓަވިއުއަށް ދަޢުވަތު ދެވޭނެއެވެ.
• މަޤާމަށް ހޮވޭނީ ތަޢުލީމީ ސެޓްފިކެޓުތަކާއި މަސައްކަތު ތަޖުރިބާ އަދި އިންޓަވިއުއަށް ބަލާ (އިމްތިޙާނާއި ޕްރެޒެންޓޭޝަން އޮންނަ ނަމަ، އެ ބައިވެސް ހިމެނިގެން)، އެންމެ މަތިން މާކްސް ލިބޭ ފަރާތްތަކެވެ
• (އިމްތިޙާނާއި ޕްރެޒެންޓޭޝަން އޮންނަ ނަމަ، އެކަން އިންޓަރވިޔުއަށް ދައުވަތުދޭއިރު އެންގޭނެއެވެ.)

ސުންގަޑި

• މި މަޤާމަށް އެދިލައްވާ ފަރާތްތަކުން 04 އެޕްރީލް 2026 ވަނަ ދުވަހުގެ ހަވީރު 16:00 ގެ ކުރިން މި ކުންފުނީގެ ވެބްސައިޓް www.psm.mv/careersއަށް ލިޔުންތައް އަޕްލޯޑް ކުރެއްވުން އެދެމެވެ. ނުވަތަ [email protected] އަށް ލިޔުންތައް މެއިލް ކުރެއްވުން އެދެމެވެ.

އިތުރު މަޢްލޫމާތު:

• މަޢުލޫމާތު ހޯއްދެވުމަށް 3000207، 3000284 އާއި ގުޅުއްވުން އެދެމެވެ.