ދިވެހިރާއްޖެ
މިނިސްޓްރީގެ ފަރާތުން ކޮންމެ އަހަރުކުވެސް ހިންގަމުންގެންދާ ދަނޑުވެރިކަމުގެ ކުރު ތަމްރީނު ޕްރޮގްރާމްތައް 2016 ވަނަ އަހަރުވެސް ކުރިއަށްގެންދާގޮތަށް ވަނީ ހަމަޖެހިފައެވެ. މިމިނިސްޓްރީން މިފަދަ ޕްރޮގްރާމްތައް ރަށްރަށުގައި ހިންގައިދެމުންގެންދަނީ އެއަހަރަކަށް ދަނޑުވެރިކަމުގެ ތަމްރީނު ދިނުމަށް ބަޖެޓް ލިބޭ މިންވަރަށް ބަލާފައެވެ. 2016 ވަނަ އަހަރު ދަނޑުވެރިކަމުގެ ތަމްރީނު ޕްރޮގްރާމްތައް ހިންގުމަށް ހަމަޖެހިފައިވަނީ ތިރީގައިމިވާ މައިގަނޑު މައުޟޫޢުތަކާ ގުޅޭގޮތަށެވެ.
މި ޕްރޮގްރާމްތައް ހިންގުމަށް ބޭނުންފުޅުވާނަމަ ހިންގައިދިނުމަށް އެދި ރަށްރަށުން (އަދި ޖަމްޢިއްޔާ ޖަމާޢަތްތަކުން) ހުށަހަޅުއްވާނީ ކައުންސިލްތައް މެދުވެރިކޮށެވެ. ޕްރޮގްރާމްތައް ހިންގައިދިނުމަށް އެދި ހުށަހަޅާ ހުށަހެޅުންތަކުގައި ފޯރުކޮށްދޭ މަޢުލޫމާތުތަކަށް ބިނާކޮށް އެއަހަރުގެ ތެރޭގައި ޕްރޮގްރާމް ހިންގުމަށް އިސްކަންދޭނެ ރަށްތަކެއް ކަނޑައަޅާނީ މިމިނިސްޓްރީންނެވެ. މައިގަނޑުގޮތެއްގައި ރަށްތައް ކަނޑައެޅުމުގައި ބަލާނީ އެރަށެއްގެ ކައުންސިލުން އެޕްރޮގްރާމަށް ދެއްވާނެ އެހީތެރިކަމާއި، ދަނޑުވެރިކަމުގެ މަސައްކަތްތައް އެރަށެއްގައި އިތުރަށް ފުޅާކުރުމަށް ހުރި ފުރުޞަތުތަކާއި ކައުންސިލުން އެރަށެއްގައި ދަނޑުވެރިކަން ފުޅާކުރުމަށް ގެންގުޅޭ ޕްލޭން) އަދި މީގެ ކުރިން ދަނޑުވެރިކަމާ ގުޅުންހުރި ތަމްރީނު ޕްރޮގްރާމެއް އެރަށެއްގައި ހިންގާފައިވާތީ، ވީމުއްދަތަށާއި އެފަދަ ޕްރޮގްރާމްތަކުން އައިސްފައިވާ ނުވަތަ އަންނާނެ ބަދަލުތައް ފަދަ މަޢުލޫމާތުތަކަށެވެ.
|
ކޯހާގުޅޭ އިތުރު މަޢުލޫމާތު |
މުއްދަތު (ދުވަސް) |
ދަނޑުވެރިކަމުގެ ތަމްރީނު ޕްރޮގްރާމްގެ ނަން |
|
|
ރާއްޖޭގައި ވިޔަފާރިއަށް ހައްދާ ބަވަތްތައް އިންދައި ހައްދާނެގޮތް އަދި ދަނޑުވެރިކަމުގެ ވިޔަފާރިއަށް އަހުލުވެރިކުރުވުން، މީގެ އިތުރުން އާންމުކޮށް ދިމާވާ ބަލިތައް ކޮންޓްރޯލްކޮށް މެނޭޖްކުރާނެގޮތް |
14 |
1. ދަނޑުވެރިކަމުގެ އަސާސީ ތަމްރީނު |
|
|
ކުކުޅު، ބަކަރި އަދި އެފަދަ ކުދި ޖަނަވާރު ގެންގުޅޭނެ ގޮތުގެ މަޢުލޫމާތު |
7 |
2. ކުކުޅާއި ކުދި ޖަނަވާރު ގެންގުޅުމުގެ ތަމްރީނު |
|
|
ފެނުގައި ގަސް އިންދައި ހައްދާނެގޮތް އަދި ގޯތިތެރޭގައި ގަސް އިންދައި ހެއްދިދާނެގޮތްތަކާއި ޕޮޓް ފަދަ ތަކެތި ބޭނުންކޮށްގެން ގަސް އިންދައި ހެއްދިދާނެގޮތުގެ މަޢުލޫމާތު |
10 |
3. ހޯމްގާޑްނިންގް އަދި ހައިޑްރޮޕޯނިކްސް |
|
|
ދަނޑުވެރިކަމުގައި ދިމާވާ ބަލިކޮންޓްރޯލް ކުރުމުގައި ގެންގުޅޭނެ މައިގަނޑު އުސޫލުތަކާއި ގޮތްތައް: ކޮންޓްރޯލްކުރަން އުނދަގޫ ބައެއް ބަލި ކޮންޓްރޯލް ކުރެވިދާނެގޮތްތައް؛ މިކޯސް ހިންގުމުގައި އިސްކަންދެވޭނީ ދަނޑުވެރިކަން ކުރަމުންދާ، ކުރިން ބޭސިކް ކޯހެއް ހިންގިފައިވާ ރަށްރަށަށް |
7 |
4. އިންޓިގްރޭޓަޑް ޕެސްޓް މެނޭޖްމަންޓް (އައި.ޕީ.އެމް) |
|
|
އަސާސީތަޢުލީމުގެ ފެންވަރު އަދި ދަނޑުވެރިކަމަށް ޝައުޤުވެރިކަން ހުރުން |
ކޯހުގެ ބައިވެރިންގެ ޝަރުޠު: |
||
|
އިތުރު މަޢުލޫމާތު ހޯއްދެވުމަށް މިމިނިސްޓްރީގެ ނަންބަރު 3339232، 3339264، 3339207 އަށް ގުޅުއްވުން އެދެމެވެ. |
އިތުރު މަޢުލޫމާތު: |
||
|
އެޕްލިކޭޝަންފޯމު ކައުންސިލުގެ ސިޓީއަކާއެކު ހުށަހެޅުން (އެޕްލިކޭޝަން ފޯމު މިނިސްޓްރީގެ ވެބްސައިޓުން ލިބިލައްވާނެ) |
ހުށަހަޅަންޖެހޭ ތަކެތި: |
||
|
ސުންގަޑި: 10 ޖަނަވަރީ 2016 ގެ 14:00 |
|||