• ·                    ޕޫލްގެދަށުން ނެގޭ އިމާމުން/ މުދިމުން:

މަގާމު:

މުދިމު/ އިމާމް (ޕޫލް/ ވޭޖް އެންޕްލޯއިމަންޓް)

ބޭނުންވާ ޢަދަދު:

5 (ފަހެއް)

ސެކްޝަން/ ޔުނިޓް:

އިމާމް ޔުނިޓް/ މ. ވޭވަށު މިސްކިތް

މަގާމު އޮތް އޮފީސް:

މިނިސްޓްރީ އޮފް އިސްލާމިކް އެފެއަރޒް

މަގާމުގެ ގިންތި:

ކޮންޓްރެކްޓް (2 އަހަރު)

ވަޒީފާ އަދާކުރަންޖެހޭ ތަން:

މުލަކަތޮޅު ވޭވަށު ކައުންސިލްގެ އިދާރާ/ މ. ވޭވަށު މިސްކިތް

(މިމަގާމްތަކުގައި ތިބޭމީހުން ވަޒީފާއަށް ނުކުންނަންޖެހޭނީ ދާއިމީ މުދިމުން/ އިމާމުން ޗުއްޓީނެގުން، ސަލާމްބުނުން، ވަޒީފާއިން ވަކިވުން ފަދަ ހާލަތްތަކުގައި ވޭވަށު ކައުންސިލް އިދާރާއިން އެންގުމުން އަންގާ ދުވަހަކައި އަންގާ ނަމާދު ގަޑިތަކުގައެވެ.)

މަގާމުގެ މަސްޢޫލިއްޔަތުތަކާއި ވާޖިބުތައް:

• ފަރުޟު ފަސްނަމާދު، ކޮންމެ ނަމާދުވަގުތު ޖެހުމުގެ ކުރިން ކައުންސިލްގެ އިދާރާއިން ހަވާލުކުރާ މިސްކިތަށް ހާޟިރުވެ މިސްކިތުގެ ކަންތައްތައް ބަލައި  ރަނގަޅު ކުރަންޖެހޭ  ކަންތައްތައް ރަނގަޅުކުރުމާއި ފަރުޟު ފަސްނަމާދުގެ ވަގުތައް ބަންގި ގޮވުމާއި، އިމާމްވެ ނަމާދުކުރުން.
• މިސްކިތުމަސައްކަތު މީހުންގެ މަސައްކަތްތައް ސްޕަވައިޒްކުރުން
• މިސްކިތައް ލިބޭ ގެއްލުންތަކާއި ދަތިވާ ކަންކަން ކައުންސިލްގެ އިދާރާއަށް ހުށަހަޅާ އެކަންކަން ރަނގަޅުކުރުމަށް މަސައްކަތް ކުރުން.
• މިސްކިތުގެ ސައުންޑް ސިސްޓަމް ބެލެހެއްޓުން
• ކައުންސިލް އިދަރާއިން އަންގައިފިނަމަ ކޭތަނަމާދާއި، އިދުނަމާދައި، ހުކުރުނަމާދައި، ތަރާވީހުނަމާދާއި، ކަށުނަމާދު، އިމާމްވެ މިސްކިތުގައި ކުރުން،

މަގާމް

ރޭންކް

ކްލެސިފިކޭޝަން

ޝަރުތު

އެލަވަންސް

(ކޮންމެ ނަމާދުވަގުތަކަށް)

މުދިމު:

ޖީއެސް 1

އެސިސްޓެންޓް އޮފިސަރގްރޭޑް 1

މަގާމްގެ މަސައްކަތް ކުރުމުގެ ހުނަރު/ ގާބިލުކަން ސާބިތުކޮށްދިނުމާއިއެކު،

• އިމާމްވެ ނަމާދުކުރަން އެނގޭ މީހެއްތޯ ބެލުމާއި، އިމާމްވެ ނަމާދުކުރެވޭވަރަށްތަޖުވީދުމަގުން ކީރިތި ގުރުއާން ކިޔަވަން އެނގޭތޯ ބެލުމަށް މިނިސްޓްރީ އޮފް އިސްލާމިކް އެފެއަރޒުން  ދެއްވާ ފެންވަރު ބެލުމުގެ އިމްތިހާނުން ފާސްވެފައިވުން، ނުވަތަ
• ހުކުރުކުރުމުގެ ހުއްދަ ލިބިފައިވުން

53.00

އިމާމް:

ޖީއެސް 3

އެސިސްޓެންޓް ޓެކްނިކަލް އޮފިސަރ ގަރޭޑް 1

މަގާމްގެ މަސައްކަތް ކުރުމުގެ ހުނަރު/ ގާބިލުކަން ސާބިތުކޮށްދިނުމާއިއެކު،

• މުދިންކަމުގެ ސަނަދު ލިބިފައިވުން ނުވަތަ،
• ހުކުރުކުރުމުގެ ސަނަދު ލިބިފައިވުން ނުވަތަ،
• ދީނީ (ގުރުއާންހިމެނޭ ގޮތަށް) ދާއިރާއަކުން ދިވެހި ރާއްޖޭގެ ސަނަދުތަކުގެ އޮނިގަނޑުގެ ލެވެލެ 3 ގެ ސަނަދެއް ހާސިލްކޮށްފައިވުން

61.00

ވަޒީފާއަށް އެންމެ ގާބިލް ފަރާތެއް ހޮވުމަށް ބެލޭނެ ކަންތައްތައް: (ޕޫލްލަށް މީހުންނެގުން)

1. ތަޢުލީމާއި ތަމްރީން (ލިބިފައިވާ އިތުރުތަޢުލީމާއި ވަޒިފާގެ ދާއިރާއާއިގުޅޭ ކުރުމުއްދަތުގެ ތަމްރީން) %39
2. އިމްތިހާން (ސިވިލްސާރވިސްގެ ވަގުތީ ވަޒީފާއަށް ވަނުމަށްދެވޭ އިމްތިހާން) 5%
3. ވަޒިފާއާއި ގުޅޭ މަސައްކަތުގެ ތަޖުރިބާ
4. އެހެނިހެން މަސައްކަތުގެ ތަޖުރިބާ %7
5. ލިބިފައިވާ މަސައްކަތުގެ ހުނަރު (އިންޓަވިއު/ ޕްރެކްޓިކަލްސް) 37%

ހުށަހަޅަން ޖެހޭ ލިޔުންތައް:

1. ފުރިހަމަ ކޮށްފައިވާ ވަޒީފާއަށް އެދޭ ފޯމު (މި ފޯމު ސިވިލް ސަރވިސް ކޮމިޝަނުގެ ވެބްސައިޓުން އަދި އިދާރާގެ ވެބްސައިޓުންނާއި ކައުންޓަރުން އަދި ތިރީގައިވާ ލިންކުން ލިބެންހުންނާނެއެވެ.)  https://www.csc.gov.mv/download/2023/51/Annex%202%20-%20Application%20form1pnd4eve.a2u.docx
2. ވަޒީފާއަށް އެދޭ ފަރާތުގެ ވަނަވަރު (ގުޅޭނެ ފޯނު ނަންބަރާއި އީ-މެއިލް އެޑްރެސް ހިމެނޭގޮތަށް).
3. ވަޒީފާއަށް އެދޭ ފަރާތުގެ ދިވެހި ރައްޔިތެއްކަން އަންގައިދޭ ކާޑުގެ ދެފުށުގެ ލިޔުންތައް ފެންނަ، ލިޔެފައިވާ ލިޔުންތައް ކިޔަން އެނގޭ ފަދަ ކޮޕީއެއް. ނުވަތަ އައި.ޑީ. ކާޑު ގެއްލިފައިވާ ނަމަ، އެ ފަރާތެއްގެ އުފަންދުވަހުގެ ސެޓްފިކެޓު، ޕާސްޕޯޓް ނުވަތަ ޑްރައިވިންގ ލައިސަންސް.
4. ސިވިލް ސަރވިސްއަށް / ސަރުކާރަށް ޚިދުމަތްކުރުމުގެ އެއްބަސްވުމެއް އޮތް މުވައްޒަފުން ކުރިމަތިލާ މަޤާމަށް ހޮވިއްޖެ ނަމަ، އަދާކުރަމުންދާ ވަޒީފާއިން ވީއްލުމާމެދު އިއުތިރާޒެއްނެތްކަމަށް، ވަޒީފާ އަދާކުރާ އޮފީހުން ދޫކޮށްފައިވާ ލިޔުން.
5. ލިބިފައިވާ ތަޢުލީމީ ސެޓުފިކެޓުތަކުގެ ކޮޕީ؛

(ހ)  މޯލްޑިވްސް ކޮލިފިކޭޝަންސް އޮތޯރިޓީއިން ލެވަލް ކަނޑައަޅައި ތައްގަނޑު ޖަހާފައިވާ، މަތީ ތަޢުލީމުދޭ ރާއްޖެއިން ބޭރުގެ މަރުކަޒަކުން ދޫކޮށްފައިވާ ތަޢުލީމީ ސެޓުފިކެޓުތަކުގެ ކޮޕީއާއި ޓްރާންސްކްރިޕްޓުގެ ކޮޕީ؛ ނުވަތަ: ސެޓްފިކެޓު ނެތް ޙާލަތްތަކުގައި، ކޯސް ފުރިހަމަކުރިކަމުގެ ލިޔުމުގެ ކޮޕީއާއި، މޯލްޑިވްސް ކޮލިފިކޭޝަންސް އޮތޯރިޓީން ދޫކޮށްފައިވާ އެސެސްމަންޓް ރިޕޯޓްގެ ކޮޕީ އަދި ޓްރާންސްކްރިޕްޓްގެ ކޮޕީ

(ށ)  ރާއްޖޭގެ މަތީ ތައުލީމުދޭ މަރުކަޒަކުން ދޫކޮށްފައިވާ ތައުލީމީ ސެޓުފިކެޓުތަކުގެ ކޮޕީއާއި ޓްރާންސްކްރިޕްޓްގެ ކޮޕީ؛ ނުވަތަ ކޯސް ފުރިހަމަކުރިކަމުގެ ލިޔުމުގެ ކޮޕީއާއި ޓްރާންސްކްރިޕްޓްގެ ކޮޕީ.

1. މަސައްކަތުގެ ތަޖުރިބާ އަންގައިދޭ ތިރީގައިވާ މިންގަނޑަށް ފެތޭ ލިޔުންތަކުގެ ކޮޕީ:

(ހ)   ސިވިލް ސަރވިސްގެ ވަޒީފާއެއްގައި، ދައުލަތުގެ މުއައްސަސާއެއްގައި، ސަރުކާރު ހިއްސާވާ ކުންފުންޏެއްގައި ވަޒީފާ އަދާކޮށްފައިވާ ނަމަ އަދާކޮށްފައިވާ ވަޒީފާ، އަދި ވަޒީފާގެ މުއްދަތާއި (އަހަރާއި މަހާއި ދުވަސް އެނގޭގޮތަށް)، ވަޒީފާގެ މަސްއޫލިއްޔަތުތައް (އެއް އިދާރާއެއްގެ ތަފާތު މަޤާމުތަކުގައި ވަޒީފާ އަދާކޮށްފައިވީ ނަމަވެސް) ވަކިވަކިން ބަޔާންކޮށް އެ އޮފީހަކުން ދޫކޮށްފައިވާ ލިޔުން.

(ށ)   ސިވިލް ސަރވިސްގެ ތަޖުރިބާގެ ތެރެއިން https://myaccount.csc.gov.mv/ އިން ފެންނަންނެތް ތަޖުރިބާގެ މުއްދަތުތައް ހާމަކޮށްދިމުގެ ގޮތުން އަދާކޮށްފައިވާ ވަޒީފާ، އަދި ވަޒީފާގެ މުއްދަތާއި (އަހަރާއި މަހާއި ދުވަސް އެނގޭގޮތަށް)، ވަޒީފާގެ މަސްއޫލިއްޔަތުތައް (އެއް އިދާރާއެއްގެ ތަފާތު މަޤާމުތަކުގައި ވަޒީފާ އަދާކޮށްފައިވީ ނަމަވެސް) ވަކިވަކިން ބަޔާންކޮށް އެ އޮފީހަކުން ދޫކޮށްފައިވާ ލިޔުން.

(ނ)   އަމިއްލަ ކުންފުންޏެއް ނުވަތަ އަމިއްލަ އިދާރާއެއްގައި ވަޒީފާ އަދާކޮށްފައިވާ ނަމަ އަދާކޮށްފައިވާ ވަޒީފާ، ވަޒީފާ އަދާކުރި މުއްދަތާއި (އަހަރާއި މަހާއި ދުވަސް އެނގޭގޮތަށް)، ވަޒީފާގެ މަސްއޫލިއްޔަތުތައް (އެއް އިދާރާއެއްގެ ތަފާތު މަޤާމުތަކުގައި ވަޒީފާ އަދާކޮށްފައިވީ ނަމަވެސް) ވަކިވަކިން ބަޔާންކޮށްފައިވާ އަދި މަސައްކަތްކޮށްފައިވާ ތަނުގެ މުވައްޒަފުންގެ އަދަދު ބަޔާންކޮށް އެ އޮފީހަކުން ދޫކޮށްފައިވާ ލިޔުން.

(ރ)  ޤައުމީ ނުވަތަ ބައިނަލްއަޤުވާމީ ޖަމްއިއްޔާ ނުވަތަ ޖަމާއަތެއްގައި މަސައްކަތް ކޮށްފައިވާ ނަމަ، އަދާކޮށްފައިވާ ވަޒީފާ، އަދި ވަޒީފާ އަދާކުރި މުއްދަތާއި (އަހަރާއި މަހާއި ދުވަސް އެނގޭގޮތަށް)، ވަޒީފާގެ މަސްއޫލިއްޔަތުތައް (އެއް އިދާރާއެއްގެ ތަފާތު މަޤާމުތަކުގައި ވަޒީފާ އަދާކޮށްފައިވީ ނަމަވެސް) ވަކިވަކިން ބަޔާންކޮށް އެ ތަނަކުން ދޫކޮށްފައިވާ ލިޔުން (މި ލިޔުމުގައި އަދާކޮށްފައިވާ މަޤާމަކީ މުސާރަދެވޭ މަޤާމެއްކަން ނުވަތަ ނޫންކަން ބަޔާންކޮށްފައި އޮންނަންވާނެއެވެ. ނުވަތަ ބަދަލުގައި އެކަން ބަޔާންކޮށް އެ ތަނަކުން ދޫކޮށްފައިވާ ރަސްމީ ލިޔުމެއް ހުށަހަޅަންވާނެއެވެ.)

(ބ)  ދަޢުލަތުގެ އުވައިލައިފައިވާ އިދާރާއެއްގައި، ނުވަތަ އުވައިލައިފައިވާ އަމިއްލަ ކުންފުންޏެއް ނުވަތަ އަމިއްލަ އިދާރާއެއްގައި، ނުވަތަ އުވައިލައިފައިވާ ޤައުމީ ނުވަތަ ބައިނަލްއަޤްވާމީ ޖަމިއްޔާ ނުވަތަ ޖަމާއަތެއްގައި މަސައްކަތްކޮށްފައިވާ ނަމަ، އަދާކޮށްފައިވާ ވަޒީފާ އަދި ވަޒީފާގެ މުއްދަތާއި (އަހަރާއި މަހާއި ދުވަސް އެނގޭގޮތަށް)، ވަޒީފާގެ މަސްއޫލިއްޔަތުތައް (އެއް އިދާރާއެއްގެ ތަފާތު މަޤާމުތަކުގައި ވަޒީފާ އަދާކޮށްފައިވީ ނަމަވެސް) ވަކިވަކިން ބަޔާންކޮށް އެ އޮފީހަކުން ދޫކޮށްފައިވާ ލިޔުން ލިބެންނެތް ނަމަ، ރެކްރޫޓްމަންޓް އުޞޫލުގެ ޖަދުވަލު 8 ގައިވާ "އުވާލާފައިވާ ތަންތަނުގެ ތަޖުރިބާ އަންގައިދޭ ރެފަރެންސް ޗެކްފޯމް".

މަގާމަށް އެދެންވީގޮތާއި ސުންގަޑި:

މަގާމަށް އެދި ހުށަހަޅަންޖެހޭ ލިޔެކިޔުން ހުށަހަޅާނީ 23 މާރޗް2026  ވަނަދުވަހުގެ 14:00 ގެކުރިން ވޭވަށު ކައުންސިލް އިދާރާއަށެވެ. ވަޒީފާއަށް އެދި ހުށަހަޅާ ލިޔުންތަށް އީމެއިލް މެދުވެރިކޮށް ހުށަހެޅިދާނެއެވެ. އީމެއިލް އެޑްރެހަކީ  [email protected]އެވެ. ވަޒީފާއަށްއެދި ހުށަހަޅާ ފޯމާއިއެކު އެންމެހާ ލިޔެކިޔުން ހުށަނާޅާ ފަރާތްތަކުގެ ފޯމް ބާޠިލް ކުރެވޭނެއެވެ. އަދި އިޢުލާނުގެ ސުންގަޑި ހަމަވުމުގެ ކުރިން ސަރުކާރުން އަލަށް ބަންދު ދުވަހެއް ކަނޑައަޅައިފި ނަމަ، އެ ކަނޑައަޅާ ދުވަހުގެ އަދަދަށް ވަޒީފާއަށް އެދޭ ފޯމު ބަލައިގަނެވޭނެއެވެ.

އިންޓަވިއު އާއި އިމްތިހާން އޮންނާނެތަނާއި މުއްދަތު:

މި މަގާމުތަކަށް މީހުން ހޮވުމަށް އިންޓަވިއު ބާއްވާނީ މަގާމަށް ޝަރުޠު ހަމަނުވާ ފަރާތްތަކެއް ކުރިމަތި ލުމާއި އިޢުލާނުގައިވާ ޢަދަދަށްވުރެ ގިނައިން ކުރިމަތި ލާފައިވާނަމައެވެ. އެގޮތުން ޝަރުޠު ހަމަވާ އިޢުލާނުގައިވާ ޢަދަދަށް ކުރިމަތި ލާފައިވާނަމަ އިންޓަވިއު އެއް އަދި ގުރުއާން ޓެސްޓެއް ނުބޭއްވޭނެއެވެ. އިޢުލާނުގައިވާ ޢަދަދަށްވުރެ ގިނައިން ކުރިމަތި ލާފައިވާނަމަ އިންޓަވިއު އޮންނާނީ 26 މާރޗް 2026 ވަނަ ދުވަހުއެވެ. ޝަރުތު ހަމަނުވާ ފަރާތްތަކަށް ގުރުއާން ޓެސްޓް އޮންނާނީ 31 މާރޗް 2026 ވަނަ ދުވަހުއެވެ.

އިތުރު މަޢުލޫމާތު ހޯދުން:

މިއިޢުލާނާއި ގުޅިގެން މަޢުލޫމާތު ސާފުކުރުމަށް ބޭނުންވާ ފަރާތްތަކުން ގުޅުއްވާނީ 6720035 ނަމްބަރު ފޯނާއެވެ. އީމެއިލް ކުރާނީ [email protected]  އަށެވެ.