ކޯޓޭޝަން ހުށަހެޅުމުގެ ދަޢުވަތު

މިނިސްޓްރީ އޮފް ހެލްތުން ދޭ ބީއޯކިއު އާއި އެއްގޮތަށް ރޯޝަނީ ބިލްޑިންގ ގެ 5 ވަނަ ފަންގިފިލާގައި ހަދާ މީޓިންރޫމުގެ ޕާޓިޝަނާއި ޑީޑީޖީ ރޫމްގެ ޕާޓިޝަން މަސައްކަތްތައް ކުރާނެ ފަރާތެއް ހޯދަން ބޭނުންވެއްޖެއެވެ.

 ވީމާ، މިމަސައްކަތަށް ޝައުޤުވެރިވާ ފަރާތްތަކުން 05 މާރިޗް 2026 ވާ ބުރާސްފަތި ދުވަހުގެ 12:00 ގެ ކުރިން [email protected] އަށް ކޯޓޭޝަން މެއިލް ކޮށްދެއްވުން އެދެމެވެ. ކޯޓޭޝަންގައި މަސައްކަތް ކޮށްދޭނޭ އަގު، މުއްދަތު ، ކުންފުނީގެ ސީލް އަދި ވެރިފަރާތުގެ ސޮއި ހިމަނާފައި އޮންނަންވާނެއެވެ. ކޯޓޭޝަން ވެލިޓިޓީގެ ގޮތުގައި 30 ދުވަސް އޮންނަންވާނެއެވެ. މި މަސައްކަތަކީ ސައިޓް އިންސްޕެކްޝަން އަށް ފަހު ކުރިއަށްގެންދެވޭނެ މަސައްކަތެކެވެ. އަދި މިމަސައްކަތާއި ގުޅޭ ބީއޯކިއު މިއިޢުލާނާއެކު އެޓޭޗް ކުރެވިފައިވާނެއެވެ. ވީމާ މިމަސައްކަތަށް ޝައުގުވެރިވެލައްވާ ފަރާތްތަކުން ބީއޯކިއު ފުރިހަމަ ކުރުމަށްފަހު، ސައިޓް އިންސްޕެކްޝަން ހެދުމަށް ބޭނުންވާ ފަރާތްތަކުން 4 މާރިޗް 2026 ވާ ބުދަ ދުވަހުގެ ހެނދުނު 10:00 އަށް ރޯޝަނީ ބިލްޑިންގ އަށް ވަޑައިގެންދެއްވުން އެދެމެވެ.

  މިމަސައްކަތަށް ކޯޓޭޝަން ހުށަހެޅުމުގެ ފުރުސަތު ހުޅުވާލެވިފައިވަނީ، ވިޔަފާރި ރަޖިސްޓަރީކުރުމުގެ ޤާނޫނު (ޤާނޫނު ނަންބަރު:18/2014) ގެ ދަށުން ވިޔަފާރި ރަޖިސްޓަރީ ކުރެވިފައިވާ ފަރާތްތަކަށާއި، އަމިއްލަ ފަރުދުންގެ ވިޔަފާރީގެ ޤާނޫނު (ޤާނޫނު ނަންބަރު:19/2014) ގެ ދަށުން ވިޔަފާރި ރަޖިސްޓަރީ ކުރެވިފައިވާ ފަރާތްތަކަށެވެ.