އަންހެން ކަނބަލުންގެ މެދުގައި ދިވެހި އަދަބިއްޔާތަށް ލޯބިޖެއްސުމާއި، ދިވެހި ބަހުގެ މުއްސަނދިކަން އަންނަން އޮތް ޖީލުތަކަށް ފޯރުކޮށްދިނުމާއި ދިވެހި ސަގާފީ، އަދަބީ ބާވަތްތަކަށް އަހުލުވެރިކުރުވުން އަދި ކަނބަލުންގެ މެދުގައި އޮންނަ އިޖުތިމާޢީ ގުޅުން ބަދަހިކުރުމުގެ ގޮތުން މިހިނގާ 2026 ވަނައަހަރުގެ މާރިޗު 26 ވަނަ ދުވަހު، 18 އަހަރުން މަތީގެ އަންހެން ބޭފުޅުންނަށް ހުޅުވާލައިގެން މި ކޮމިޓީއިން އަދަބީ ފޯވައްސެއް ބޭއްވުމަށް ވަނީ ނިންމާފައެވެ. މި ފޯވަހީގައި ބައިވެރިވެލެއްވުމަށް ބޭނުންފުޅުވެލައްވާ ފަރާތްތަކުން "އިނގުރައިދޫ އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އަދަބީ ފޯވަހި 2026" ގައި ބައިވެރިވުމަށް އެދޭ ފޯމު ފުރިހަމަކުރުމަށްފަހު 11 މާރިޗު 2026 ވާ ބުދަ ދުވަހުގެ  12:00ގެ ކުރިން ހުށަހެޅުއްވުން އެދެމެވެ. މި މުބާރާތުގައި ބައިވެރިވުމަށް އެދޭ ފޯމު ކައުންސިލު އިދާރާގެ ކައުންޓަރުން އަދި ގެޒެޓުން ލިބެންހުންނާނެއެވެ. މުބާރާތާއި ބެހޭ ޤަވާޢިދު މި އިޢުލާނާއި އެކު އެއްކަރުދާސް ކުރެވިފައި އެވަނީއެވެ.

     މިހެންވެ މިކަން ޢާންމުކޮށް އެންގުމަށްޓަކައި އިޢުލާނުކުރީމެވެ.