މި ވުޒާރާގެ ކޯޕަރޭޓް އެފެއާޒް ޑިޕާޓްމަންޓްގެ އޮނިގަނޑުގެ ދަށުގައިވާ ޕްރޮކިއުމަންޓް ޔުނިޓުގެ ތިރީގައި ދަންނަވާފައިވާ މަޤާމަށް ކުރިމަތިލުމުގެ ފުރުޞަތު ހުޅުވާލަމެވެ.

މަޤާމްގެ މައިގަނޑު މައްސޫލިއްޔަތު:

1. މާލިއްޔަތު ޤަވައިދުގައިވާ ގޮތުގެ މަތިން ކޮންމެ އަހަރެއް ފެށޭއިރު، އޮފީހަށް ބޭނުންވާ ތަކެއްޗާއި ޚިދުމަތްތައް ޑިވިޜަން ތަކުނެ ހޯދައި، ވެރިއެއްގެ ލަފާގެ މަތިން ޕްރޮކިއުމަންޓް ޕްލޭން ތައްޔާރު ކުރުމަށްފަހު ޓެންޑަރ ސެކްޝަނަށް ފޮނުވުން.
2. ސެކްޝަންތަކުން ތަކެއްޗާއި ޚިދުމަތަށް އެދި ހުށަހަޅާ ފޯމް ފޮނުވުމުން ތަންތަނުން ކޯޓޭޝަން ހޯދައި 1000 ރުފިޔާއަށް ވުރެ މަދުނަމަ ތަކެތި، ރިކުއިޒިޝަން ފޯރމް ހުށަހަޅާދުވަހުގެ އަނެއް ދުވަހު ހޯދުން އަދި ކޯޓޭޝަން މެއިންޓޭން ކުރުން.
3. ތަކެތީ ގެ އަގު 35،000.00 ރުފިޔާއަށް ވުރެ ދަށްނަމަ 3 ކޯޓޭޝަން ހޯދައިގެން، ވެރިއެއްގެ ލަފާގެ މަތިން  އޮފީހަށް ފައިދާ ހުރި ގޮތަކަށް ތަކެތި ގެނައުމުގެ މަސައްކަތް ރިކުއިޒިޝަން ފޯރމް ހުށަހަޅާތާ 3 ދުވަހުގެ ތެރޭގައި ހޯދުން  
4. ވެރިއެއްގެ ލަފާގެ މަތިން އެސް.އޭ.ޕީ ސިސްޓަމް މެދުވެރިކޮށް ޕާރޗޭސް އޯޑަރ (ޕީ.އޯ) ހެދުމާއި އެސެޓް ކްރިއޭޓް ކުރުމަށް ރިކުއެސްޓް ކުރުން
5. ވެރިއެއްގެ ލަފާގެ މަތިން މިނިސްޓްރީގައި ބޭނުން ކުރަމުންގެންދާ އަގުބޮޑު، ހާޑްވެއަރ ސިސްޓަމްތައް (ކޫލިންގ ސިސްޓަމް، ބެކަޕް ސިސްޓަމް، ޕްރިންޓަރ، ފޮޓޯ ކޮޕީ މެޝިން) ސާރވިސް ކުރުމަށް ޓެންޑަރކޮށް، ކޮންޓްރެކްޓަރެއް ހޯދައި، ބެލެހެއްޓުން.
6. މިނިސްޓްރީއަށް ބޭނުންވާ ތަކެއްޗާއި ޚިދުމަތްތައް ހޯދުމުގައި 35،000.00 ރުފިޔާއަށް ވުރެ ބޮޑުވާނަމަ ވެރިއެއްގެ ލަފާގެ މަތިން އިޢުލާން ކުރުމުގެ ހުއްދަ ނެގުމަށްފަހު މަޢުލޫމާތު ޝީޓު އެޕްރޫވްކޮށް އިޢުލާން ގެޒެޓް ކުރުން.
7. މާލިއްޔަތު ޤަވައިދުފައިވާ ގޮތުގެ މަތިން ޕްރީ ބިޑް މީޓިންގއާއި ބިޑް އޯޕަނިންގގެ މަސައްކަތް ވެރިއެއްގެ އިރުޝާދުގެ ދަށުން ކުރިއަށް ގެންދިއުން.
8. ވެރިއެއްގެ ލަފާގެ މަތިން ބިޑްތައް އިވޭލުއޭޓްކޮށް، ބިޑް ކޮމިޓީއަށް ހުށަހަޅައި، ޔައުމިއްޔާ ނޯޓުކޮށް ބެލެހެއްޓުމާއި ހުރިހާ މެމްބަރުން ސޮއިކޮށްފައިވާ ޔައުމިއްޔާތަކުގެ ކޮޕީ ޓެންޑަރ ސެކްޝަނަށް ފޮނުވުން
9. ވެރިއެއްގެ ލަފާގެ މަތިން ބިޑް ކޮމިޓީގެ ނިންމުމާ އެއްގޮތަށް މަސައްކަތް ޙަވާލުކުރުމަށް އެގްރީމަންޓް ތައްޔާރުކޮށް ލޯޔަރުގެ އިރުޝާދުގެ މަތިން ކޮންޓްރެކްޓަރުންނާއެކު އެއްބަސްވުމުގައި ސޮއި ކުރުމަށްފަހު މަސައްކަތް ކުރިއަށް ދާގޮތް މޮނިޓަރކޮށް ބެލެހެއްޓުން.
10. ވެރިއެއްގެ އިރުޝާދުގެ ދަށުން މިނިސްޓްރީއަށް ގަންނަ ތަކެއްޗާއި ހަވާލުވެ އޮފީހުގެ އިންވެންޓްރީއަށް އެންޓަރ ކޮށް ނަމްބަރުޖެހުމަށް ފަހު އެދުނުފަރާތަށް ހަވާލުކުރުމަށް ފަހު، ވޮރޮންޓީ ގެ މުއްދަތުގެ ތެރޭގައި ހުންނަ އެސެޓްތައް ބެލެހެއްޓުން.
11. އިންވެންޓްރީއަށް އަންނަ ބަދަލުތައް ޤަވައިދުން ރެކޯޑު ކުރަމުން ގެންދިއުމާއި، ކޮންމެ އަހަރެއް ނިމުމުން އިންވެންޓްރީ ރިޕޯޓް ތައްޔާރުކޮށް ވެރިއެއްގެ ލަފާގެ މަތިން ފައިނޭންސް އެންޑް އެކައުންޓްސް ސެކްޝަނާ ޙަވާލުރުކުރުން.
12. ވެރިއެއްގެ ލަފާގެ މަތިން ޕްރޮކިއުމަންޓާއި ގުޅިގެން އަންނަ އިންވޮއިސްތަކުގެ ޑޮކިއުމަންޓް ހަމަކޮށް، ފައިސާ ދެއްކުމަށްޓަކައި ފައިނޭންސް އެންޑް އެކައުންޓްސް ސެކްޝަނަށް ފޮނުވުން.
13. ބިޑް މީޓިންގ އަށް ބޭނުންވާ މައުލޫމާތު ހޯދާ ފޯރިކޮށްދިނުން އަދި އޮންނަ މުއްދަތަށް ބިޑްތަކާއި ހަވާލުވެ އޮންނަ އުސޫލުގެ މަތިން އިވެލުއޭޓް ކުރުމަށް ބިޑްކޮމިޓީ އަށް ހުށަހެޅުން.
14. މިނިސްޓްރީ އަށް ހޯދަންޖެހޭ ތަކެތި ހޯދުމާއި އަދި މިނިސްޓްރީގެ މަރާމާތު ހުށަހަޅަންޖެހޭ ފަރާތްތަކަށް ހުށަހަޅައިގެން ހަމަޖެއްސުން.
15. ބައްދަލުވުންތަކާއި ކޮމިޓީތަކަށް މީހުން ހަމަޖެއްސުމުގައި އެހީތެރިވެދީ ދަފްތަރު ބެލެހެއްޓުން.

ލިބިފައިވާ ތަޢުލީމާއި، މަސައްކަތުގެ ތަޖުރިބާ އަދި ޤާބިލްކަން:  

1. މަތީ ސާނަވީ' ނުވަތަ އެއާ އެއް ފެންވަރުގެ އިމްތިޙާނަކުން 2 މާއްދާއިން ދަށްވެގެން 'އީ' ގްރޭޑް ލިބިފައި ވުމާއެކު، 'ސެކަންޑަރީ ސްކޫލް' ނުވަތަ 'ހަޔަރ ސެކަންޑަރީ ސްކޫލް' ސެޓްފިކެޓް އިމްތިޙާނުގައި 'ދިވެހި' މި މާއްދާއިން ދަށް ވެގެން 'ސީ' ގްރޭޑް ލިބިފައިވުން.

ނުވަތަ؛

1. ސާނަވީ ނުވަތަ އެ އާ އެއް ފެންވަރުގެ އިމްތިޙާނަކުން 2 މާއްދާއިން ދަށްވެގެން 'ޑީ' ގްރޭޑް ލިބިފައި ވުމާއެކު، 'ސެކެންޑަރީ ސްކޫލް' ނުވަތަ 'ހަޔަރ ސެކަންޑަރީ ސްކޫލް' ސެޓްފިކެޓް އިމްތިޙާނުގައި 'ދިވެހި' މި މާއްދާއިން ދަށްވެގެން 'ސީ' ގްރޭޑް ލިބިފައިވުމާއެކު، މަގާމުގެ މަސައްކަތުގެ ދާއިރާއެއްގައި 4 އަހަރުދުވަހުގެ މަސައްކަތު ތަޖުރިބާ ލިބިފައިވުން.

ހުށަހަޅަންޖެހޭ ލިޔުންތައް:

- ދިވެހި ރައްޔިތެއްކަން އަންގައިދޭކާޑުގެ ކޮޕީ

- ވަނަވަރު

- ލިބިފައިވާ ތަޢުލީމީ ސާރޓިފިކެޓްތަކުގެ ކޮޕީ (އެކްރެޑިޓް ކުރައްވަންޖެހޭ ސެޓްފިކެޓްތަކުގެ އެޑްރެޑިޓް ކޮޕީ) އަދި ޓްރާންސްކްރިޕްޓް.

- ތަޖުރިބާގެ ލިޔުން

ވީމާ، ވަޒީފާއަށް ޝައުޤުވެރިވެލައްވާ ފަރާތްތަކުން 01 މާރިޗު 2026 ވާ އާދިއްތަ ދުވަހުގެ 13:00ގެ ކުރިން އީމެއިލް މެދުވެރިކޮށް ތިރީގައިވާ އެޑްރެހަށް ފޮނުއްވުން އެދެމެވެ.

ހިއުމަން ރިސޯސް ސެކްޝަން

މާލީ ކަންކަމާއި ތަރައްޤީގެ ރޭވުންތެރިކަމާ ބެހޭ ވުޒާރާ

އަމީނީމަގު، މާލެ،  ދިވެހިރާއްޖެ

ޓެލެފޯން: 1617

އީމެއިލް އެޑްރެސް: [email protected]