އިޢުލާން

ހަމަހަމަކަން ކަށަވަރު ނިޝާން (ޖެންޑަރ އީކުއަލިޓީ ސީލް) ގެ ފޯމު ހުށަހެޅުމުގެ މުއްދަތު އިތުރުކުރުން

      މި މިނިސްޓްރީގެ ގެޒެޓް ނަންބަރު: (IUL)459-GR/459/2025/56 އިން ހުޅުވާލެވުނު ހަމަހަމަކަން ކަށަވަރު ނިޝާން (ޖެންޑަރ އީކުއަލިޓީ ސިލް) އަށް ފޯމު ހުށަހެޅުމުގެ ސުންގަޑި އިތުރުކޮށްފައިވާ ވާހަކަ ދަންނަވަމެވެ.

      މި ނިޝާނަކީ ދައުލަތުގެ އިދާރާތަކާއި އަމިއްލަ ވިޔަފާރިތަކާއި ކުންފުނިތަކުގައި މިންތީގެ ހަމަހަމަކަމަށް ބާރުއެޅުމުގެގޮތުން، ޤައުމީ ފެންވަރުގައި އެކުލަވާލެވިފައިވާ ނިޝާނެކެވެ. މިގޮތުން، ވަޒީފާގެ މާހައުލުގައި މިންތީގެ ހަމަހަމަކަން ޤާއިމުކުރުމަށް މިންގަނޑުތައް ކަނޑައަޅާ، މި މިންގަނޑުތަކަށް ފެތޭ އިދާރާތަކުން ހަމަހަމަކަން ކަށަވަރު ނިޝާން ހޯދުމަށް ހުށަހެޅުމަށް ފުރުޞަތު ހުޅުވާލަމެވެ. މި ނިޝާން ހުޅުވާލަނީ ތިން ލެވެލްއަކަށެވެ. މިއީ ބްރޮންޒް، ސިލްވަރ އަދި ގޯލްޑް ލެވެލްއެވެ.

      އެޕްލިކޭޝަންތައް ހުށަހެޅުމަށް އެދޭ ފަރާތްތަކުން ގެޒެޓްގައިވާ ފޯމް މެދުވެރިކޮށް އެކަމާއި ގުޅޭ ލިއެކުއުންތަކާއި އެކު މި މިނިސްޓްރީގެ އީމެއިލް [email protected] އަށް މެއިލްކުރެއްވުން އެދެމެވެ. އަދި ހަމަހަމަކަން ކަށަވަރު ނިޝާންގެ މިންގަނޑު މި އިދާރާގެ ވެބްސައިޓް އިން ލިބެން ހުންނާނެއެވެ.

      އެޕްލިކޭޝަން ހުށަހެޅުމުގެ ސުންގަޑިއަކީ 31 މާރިޗު 2026 ވާ އަންގާރަ ދުވަހުގެ 14:00 އެވެ.

      ވީމާ، މިކަން ޢާންމުކޮށް އަންގާ އިޢުލާނު ކުރަމެވެ.

                              02 ރަމަޟާން 1447

                              19 ފެބުރުއަރީ 2026