ގޯތި އެއްބަސްވުމުގައި ސޮއިކޮށް ވަގުތީ ރަޖިސްޓްރީ ހަވާލު ކުރުމާއި ބެހޭ:

ކޮނޑޭއިން ބަންޑާރަ ގޯތި ދޫކުރެވުނު ނަންބަރު  (IUL)412/412/2024/9 އިޢުލާނާއި ގުޅިގެން ގޯއްޗަށް އެދި ހުށަހަޅާފައިވާ ފަރާތްތަކުގެ ތެރެއިން ގޯތި ލިބޭކަމަށް މި އިދާރާގެ ނަންބަރު (IUL)412/412/2024/56 އިޢުލާނުން އާންމު ކޮށްފައިވާ 68  މީހުންގެ މެދުގައި 21 ޖެނުއަރީ 2026 ގައި ނެގިފައިވާ ގުރުއަތާއި އެއްގޮތަށް އެއްބަސްވުމުގައި ސޮއިކޮށް ގޯތީގެ ވަގުތީގެ ރަޖިސްޓްރީ ހަވާލު ކުރުމަށް 28 ޖެނުއަރީ 2026 އިން ފެށިގެން 2 މަސްދުވަހުގެ މުއްދަތެއް ދިނުމަށް ކައުންސިލްގެ 04 ވަނަ ދައުރުގެ 244 ވަނަ ބައްދަލުވުމުން ވަނީ ނިންމާފައެވެ.

ގޯތީގެ އެއްބަސްވުމުގައި ސޮއި ކުރުން ކުރިއަށް ދާނީ 28 ޖެނުއަރީ 2026 އިން ފެށިގެން 28 މާރިޗު 2026 ގެ ނިޔަލަށް ބަންދު ނޫން ކޮންމެ ދުވަހެއްގެ ހެނދުނު 10:00 އިން 14:00 އަށް ކޮނޑޭ ކައުންސިލް އިދާރާގައެވެ. ގޯތީގެ އެއްބަސްވުމުގައި ސޮއި ކުރުމަށް ހާޟިރުވާންވާނީ ގޯތި ލިބޭ ފަރާތުންނެވެ. އެއްވެސް ސަބަބަކާއި ގުޅިގެން ގޯތި ލިބޭ ފަރާތައް ހާޟިރު ނުވެވޭނަމަ ބަދަލުގައި ހާޟިރުވާނެ ފަރާތެއް ކަނޑައަޅައި، ނޮޓަރައިސް ކޮށްފައިވާ ޕަވަރ އޮފް އެޓާނީއަކާއި، ބަދަލުގައި ހާޟިރުވާ ފަރާތުގެ ދިވެހިރައްޔިތެއްކަން އަންގައިދޭ ކާޑްގެ ކޮޕީއެއް ސިޓީއަކުން ހުށަހަޅުއްވަން ވާނެއެވެ. މީގެ އިތުރުން ގޯތީގެ އެއްބަސްވުމުގައި ސޮއި ކުރުމަށް އެޕޮއިންޓްމެންޓް ހަމަޖެއްސުމަށް ކައުންސިލްގެ ވައިބަރ ނަންބަރު 7230019 އަށް މެސެޖް ކުރެއްވުމުން ސޮއި ކުރެއްވުމަށް ތާރީޚަކާއި، ގަޑިއެއް ހަމަޖައްސައި ދެވޭނެއެވެ. އަދި އެއްބަސްވުމުގައި ސޮއި ކުރުމަށް ދެވިފައިވާ  މުއްދަތުގެ ތެރޭގައި އެއްބަސްވުމުގައި ސޮއިކޮށް ގޯއްޗާއި ހަވާލު ނުވާނަ ގޯތީ ދޫކުރުމަށް ނިންމި ނިންމުން ބާޠިލްކޮށް، ގޯތި ހަވާލު ނުކުރެވޭނެއެވެ.

ވީމާ، ގޯތި ލިބޭ ފަރާތްތަކުން 28 މާރިޗު 2026 ވަނަ ދުވަހުގެ 14:00ގެ ކުރިން ގޯތީގެ އެއްބަސްވުމުގައި ސޮއިކޮށް، ގޯއްޗާއި ހަވާލުވުމަށް ދެންނެވީމެވެ.