2026 ވަނަ އަހަރުގެ ސާނަވީ (އެސް.އެސް.ސީ) އިމްތިހާނުގެ ޖަވާބު ކަރުދާސް މާކު ކުރުމުގެ މަސައްކަތް ކުރުމަށް އެގްޒޭމިނަރުންގެ ޓީމަށް މުވައްޒަފުން ބޭނުންވެއެވެ. ވީމާ، މިކަމަށް ޝައުގުވެރިވާ ފަރާތްތަކުން އެޕްލިކޭޝަން ހުށަހެޅުމަށް އާންމުކޮށް އިޢުލާންކުރީމެވެ.

ބޭނުންވާ އަދަދު:

ޝަރުޠު:

ލީޑް އެގްޒޭމިނަރުން، އޮޑިޓިންގ އެގްޒޭމިނަރުން، މޮޑަރޭޓިންގ އެގްޒޭމިނަރުންގެ ޝަރުތު:

1. މިއަހަރު އިމްތިޙާނުގައި ތިމާ، ތިމާގެ ދަރި ބައިވެރި ވެފައިވާ ފަރާތަކަށް ނުވުން
2. މާއްދާއާ ގުޅޭ ދާއިރާއަކުން ދަށްވެގެން މާސްޓަރ ޑިގްރީ ޙާޞިލް ކޮށްފައިވުން
3. ވޭތުވެދިޔަ އަހަރުތަކުގައި މިނިސްޓްރީ އޮފް އެޑިއުކޭޝަނުން ނުވަތަ މި ޑިޕާޓްމަންޓުން ނުވަތަ ކަމާގުޅުން ހުރި އިދާރާއަކުން ސުލޫކީ މައްސަލައެއްގައި ފިޔަވަޅު އަޅާފައިވާ ފަރާތެއް ކަމުގައި ނުވުން
4. ވޭތުވެދިޔަ އަހަރުގައި އެޗް.އެސް.ސީ ނުވަތަ އެސް.އެސް.ސީ އިމްތިޙާނުގައި  ޗީފު އެގްޒޭމިނަރަކަށް، ނުވަތަ ލީޑް އެގްޒޭމިނަރަކަށް ނުވަތަ، އޮޑިޓިން އެގްޒޭމިނަރަކަށް ނުވަތަ މޮޑަރޭޓިން އެގްޒޭމިނަރަކަށް ނުވަތަ މާކަރެއްގެ   ގޮތުގައި ބައިވެރިވެފައިވާނަމަ، މާކިން ނިމުނުއިރު ލިބިފައިވާ  ޕަރފޯމަންސް ސްކޯ %85  ނުވަތަ އެއަށްވުރެ މަތިވެފައިވުން.
5. މާކުކުރާ މާއްދާގެ  ކީސްޓޭޖް 5) ގްރޭޑް 11 ނުވަތަ 12) ނުވަތަ  ކީސްޓޭޖް 4ގެ ގްރޭޑް 10ގެ  ސިލަބަހަށް ސްކޫލެއްގައި ކިޔަވައިދޭ ފަރާތަކަށްވުމާ އެކު، ފާއިތުވި ހަތަރު އަހަރުގެ ތެރެއިން ދެ އަހަރު  މާކުކުރާ މާއްދާގެ އެޗް.އެސް.ސީ ނުވަތަ އެސް.އެސް.ސީ މާކިން މަސައްކަތުގައި ޢަމަލީގޮތުން ބައިވެރިވެފައިވުން ނުވަތަ
6. ކީސްޓޭޖް 5) ގްރޭޑް 11 ނުވަތަ 12) ނުވަތަ  ކީސްޓޭޖް 4ގެ ގްރޭޑް 10 ސިލަބަހުގެ މަސައްކަތުގައި  މިހާރު ވެސް  މިނިސްޓްރީ އޮފް އެޑިޔުކޭޝަންގައި   ޢަމަލީގޮތުން ނުވަތަ  ފަންނީލަފާދިނުމުގެ  މަސައްކަތްކުރާ ފަރާތަކަށްވުން. 

މަސްޢޫލިއްޔަތު:

 ލީޑް އެގްޒޭމިނަރުންގެ މަސްޢޫލިއްޔަތުތައް:

1. ލީޑް އެގްޒޭމިނަރުންގެ މަސްއޫލިއްޔަތަކީ ތެދުވެރިކަމާ، އިންސާފުވެރިކަމާއެކު މާކިންގެ  އެންމެހައި މަސައްކަތްތައް ޗީފު އެގްޒޭމިނަރުގެ އިރުޝާދާއެކު، ބަލަހައްޓަވައި ދެއްވުމެވެ.

2.  ލީޑް އެގްޒޭމިނަރެއްގެ ހައިސިއްޔަތުން، އިމްތިޙާނުގައި ބައިވެރިވި ކެނޑިޑޭޓުންނާއި މާކިން މަސައްކަތުގައި ޝާމިލްވާ އެންމެހާ ފަރާތްތަކުގެ ޙައްޤުތައް ޙިމާޔަތްކޮށް ދިނުމަށް ބާރުއަޅަން ވާނެއެވެ.

3.  މާކިން މަސައްކަތް ފެށުމުގެ ކުރިން އެއްބަސްވުމުގައި ސޮއި ކުރަންވާނެއެވެ.

  4. މާކިންއަށް ޙާޟިރުވާ ކޮންމެދުވަހެއްގެ ކޮންމެ ދަންފަޅިއެއްގައި ލީޑް އެގްޒޭމިނަރުންގެ ޙާޟިރީގައި ސޮއި ކުރަންވާނެއެވެ.

5. އިމްތިޙާނުގެ އެންމެހައި  ބައިވެރިންގެ ޙައްޤުތަކަށް އުނިކަމެއް ލިބޭފަދަ އެއްވެސް ކަމެއް މާކިންގެ ތެރޭގައި ހިނގާތޯ ބައްލަވައި ދެއްވާ އެފަދަކަމެއް ހިނގާނަމަ، ޗީފް އެގްޒޭމިނަރަށް އެކަން އަންގަންވާނެއެވެ. 

6. މަސައްކަތުގެ ހޯލުގައި މަސައްކަތަށް ދަތިވާފަދަ އަމަލެއް ހިންގާނަމަ އެފަދަކަންކަން ނުހިނގާނޭގޮތަށް އެފަދަ ފަރާތްތަކަށް ނަސޭހަތްދީ، އޮމާން ކަމާއެކު މާކިންގެ އެންމެހައި މަސައްކަތް ނިންމަވައި ދޭންވާނެއެވެ.

7. ލީޑް އެގްޒޭމިނަރުނަށް ހަވާލުކުރެވިފައިވާ އޮޑިޓިން އެގްޒޭމިނަރުންނާއި މޮޑަރޭޓިން އެގްޒޭމިނަރުން މާކުކޮށް ނިމިފައިހުރި ކަރުދާސްތަކުގެ ތެރެއިން ކޮންމެ ގްރޫޕަކުން މާކަރެއްގެ އެއް ކަރުދާސް،  ކޮންމެދުވަހަކުވެސް މޮޑަރޭޓްކޮށް، އެހެން މާކަރުންގެ މަސައްކަތް ރެންޑަމްކޮށް ޗެކްކުރަން ވާނެއެވެ.  

8. މާކުކުރަން ފެށުމުގެ ކުރީ ދުވަހު ނުވަތަ ޑީޕީއީން އަންގަވާ ދުވަހަކު މާކު ކުރަން ހަމަޖެހިފައިވާ ފޮޓޯ ކޮޕީ ކަރުދާހުގެ ދެކަރުދާސް މާކު ކޮށްދޭންވާނެއެވެ. އަދި މާކިން ފެށުމަށްފަހު ޑީޕީއީން އަންގާ ގޮތެއްގެ މަތީން ކޮންމެވެސް ދެ މާކަރެއްގެ ފޮޓޯކޮޕީ ކަރުދާސް މާކުކުރުމަށްފަހު، ޗީފް އެގްޒޭމިނަރުގެ މޭޒާ ޙަވާލުކުރަން ވާނެއެވެ. 

9. މާކިން މައްސަލަ ހުރި ދިމާއަށް ބޮޑަށް ސަމާލުކަން ދިނުމަށާއި، ސަމާލުކަންދޭންވީގޮތް، މޮޑަރޭޓިން އެގްޒޭމިނަރުން މެދުވެރިކޮށް މައްސަލަ ހުރި މާކަރުންނަށް އަންގަންވާނެއެވެ. މައްސަލަޖެހޭ މާކަރުންގެ މައްސަލަ ފަހަށްބެހެއްޓުމަކީ އޭގެ ސަބަބުން ކުރިން މާކުކުރި ހުރިހާ ޖަވާބުކަރުދާސްތައް އަލުން މާކުކުރަން ޖެހިދާނެ ކަމަކަށްވާތީ މިކަމަށް ލީޑް އެގްޒޭމިނަރުން ސަމާލުކަން ދޭންވާނެއެވެ.

10. މުޅި ކަރުދާހަށް ނުވަތަ 8 (އަށެއް) މާކުހުން ފެށިގެން މަތީން މާކުސް ލިބޭ ސުވާލަކަށް (އިސްލާމީ ތަރުބިޔަތު މާއްދާގައި ކަރުދާސް 2 ގެ ފުރަތަމަ ބަޔާއި ދެވަނަ ބައިގެ ޢަޤީދާއާއި ފިޤުހުގެ ބައިގެ ހުރިހާ ސުވާލަކަށް) ސުމެއްދޭން ޖެހިއްޖެނަމަ، އެ ސުވާލަށް ސުމެއް ދެވޭތޯ ބަލައިދޭންވާނެއެވެ. އަދި އެ ސުވާލަށް ސުމެއްދެވޭނަމަ އަރިމަތީ ހަވާސާގައި ރަތްގަލަމުން ސުމެއް ދެވޭ ސަބަބު ލިޔެ ސޮއިކުރަންވާނެއެވެ. ސުމެއް ނުދެވޭނަމަ ސުމެއް ނުދެވޭ ސަބަބު އޮޑިޓިން އެގްޒޭމިނަރާއި މޮޑަރޭޓިން އެގްޒޭމިނަރު ބުނެދީ އަލުން އެސުވާލުގެ ޖަވާބު މާކުކުރަން މާކަރާ ޙަވާލުކުރަން ވާނެއެވެ.

11. މާކަރެއްގެ މާކިން މައްސަލަ ރަނގަޅުކުރުމަށް ތަކުރާރުކޮށް، އިރުޝާދު ދިނުމުންވެސް އެ މައްސަލަ ހައްލުނުކުރެވިއްޖެނަމަ، އެ މާކަރެއްގެ މައްސަލަ ބައްލަވައި، އެ މާކަރަކަށް މާކިންގެ މަސައްކަތް ކުރެވޭވަރު ނުވާނަމަ، ޗީފްއެގްޒަމިނަރުންގެ މަޝްވަރާގެ މަތިން އެ މާކަރަކު މަސައްކަތުން އެކަހެރި ކުރަންވާނެއެވެ.

12. މާކިން މަސައްކަތް ނިމުމަށްފަހު، އެ އަހަރުގެ މާކިން ހިނގާ ދިޔަގޮތާއި ކުރިއަށް އިސްލާޙުކުރަން ފެންނަކަންތައް ބަޔާންކޮށް 'މާކިން ހިގާދިޔަގޮތުގެ ޚުލާޞާ ރިޕޯޓު' ޑީޕީއީއަށް ހުށައަޅަންވާނެއެވެ. (މި މަސައްކަތް ކުރިއަށް ގެންދާނީ ލީޑް އެގްޒޭމިނަރުންނާއި، އޮޑިޓިން އެގްޒޭމިނަރުންނާއި، މޮޑަރޭޓިން އެގްޒޭމިނަރުންނާއެކުގައެވެ.)

13. ޑީ.ޕީ.އީން އެދިއްޖެ ހާލަތެއްގައި ރީޗެކަށް އެދޭ ކެނޑިޑޭޓުންގެ ޖަވާބު ކަރުދާސްތައް މާކުކޮށް ދޭންވާނެއެވެ.

އޮޑިޓިންގ އެގްޒޭމިނަރުންގެ މަސްޢޫލިއްޔަތުތައް:

1. އޮޑިޓިން އެގްޒޭމިނަރުންގެ މަސްއޫލިއްޔަތަކީ ތެދުވެރިކަމާ، އިންސާފުވެރިކަމާއެކު މާކިންގެ އެންމެހައި މަސައްކަތްތައް ލީޑް އެގްޒޭމިނަރުންގެ އިރުޝާދާއެކު، ބަލަހައްޓަވައި ދެއްވުމެވެ.
2. އޮޑިޓިން އެގްޒޭމިނަރެއްގެ ހައިސިއްޔަތުން، އިމްތިޙާނުގައި ބައިވެރިވި ކެނޑިޑޭޓުންނާއި މާކިން މަސައްކަތުގައި ޝާމިލްވާ އެންމެހާ ފަރާތްތަކުގެ ޙައްޤުތައް ޙިމާޔަތްކޮށްދިނުމަށް ބާރުއަޅަން ވާނެއެވެ.
3. މާކިން މަސައްކަތް ފެށުމުގެ ކުރިން އެއްބަސްވުމުގައި ސޮއި ކުރަންވާނެއެވެ.
4. މާކިންއަށް ޙާޟިރުވާ ކޮންމެދުވަހެއްގެ ކޮންމެ ދަންފަޅިއެއްގައި އެގްޒޭމިނަރުންގެ ޙާޟިރީގައި ސޮއި ކުރަންވާނެއެވެ.
5. އިމްތިޙާނުގެ އެންމެހައި  ބައިވެރިންގެ ޙައްޤުތަކަށް އުނިކަމެއް ލިބޭފަދަ އެއްވެސް ކަމެއް މާކިންގެ ތެރޭގައި ހިނގާތޯ ބައްލަވައި ދެއްވާ އެފަދަކަމެއް ހިނގާނަމަ އެކަން ލީޑް އެގްޒޭމިނަރަށް އަންގަންވާނެއެވެ. 
6. މަސައްކަތުގެ ހޯލުގައި މަސައްކަތަށް ދަތިވާފަދަ އަމަލެއް ހިންގާނަމަ އެފަދަކަންކަން ނުހިނގާނޭގޮތަށް އެފަދަ ފަރާތްތަކަށް ނަސޭހަތްދީ، އޮމާން ކަމާއެކު މާކިންގެ އެންމެހައި މަސައްކަތް ނިންމަވައި ދޭންވާނެއެވެ.
7. މާކުކުރަން ފެށުމުގެ ކުރީ ދުވަހު ނުވަތަ ޑީޕީއީން އަންގަވާ ދުވަހަކު މާކު ކުރަން ހަމަޖެހިފައިވާ ފޮޓޯ ކޮޕީ ކަރުދާހުގެ ދެކަރުދާސް މާކު ކޮށްދޭންވާނެއެވެ. އަދި މާކިން ފެށުމަށްފަހު ޑީޕީއީން އަންގާ ގޮތެއްގެ މަތީން ކޮންމެވެސް ދެ މާކަރެއްގެ ފޮޓޯކޮޕީ ކަރުދާސް މާކުކުރުމަށްފަހު، ޗީފް އެގްޒޭމިނަރުގެ މޭޒާ ޙަވާލުކުރަން ވާނެއެވެ. 
8. އޮޑިޓިން އެގްޒަމިނަރުންނާ ހަވާލުކުރެވިފައިވާ ކޮންމެ ގްރޫޕަކުން ދެ މާކަރެއްގެ މާކިން، މާކިންގެ ފުރަތަމަ ދުވަހު ރެންޑަމްކޮށް ޗެކުކޮށް ދޭންވާނެއެވެ.

9. އޮޑިޓިން އެގްޒޭމިނަރުންނާ ހަވާލުކުރެވިފައިވާ ކޮންމެ ގްރޫޕަކުން ދެ މާކަރެއް، މާކުކުރާ ކަރުދާސްތަކުގެ ތެރެއިން ކޮންމެ 10 ކަރުދާހުގެ ޕެކެޓަކުން 1 ކަރުދާސް މޮޑަރޭޓްކުރަން ވާނެއެވެ. އެގޮތުން މާކިންގައި މައްސަލަ ހުރިނަމަ ވަގުތުން އެކަން ލީޑް އެގްޒޭމިނަރަށާއި މޮޑަރޭޓިން އެގްޒޭމިނަރަށް އަންގާ، ދޭންޖެހޭ އިރުޝާދު ލަސްނުވެ ދޭންވާނެއެވެ. އަދި އެހެން ކަރުދާސްތައް ރެންޑަމްކޮށް ޗެކުކޮށް ދޭންވާނެއެވެ.
10. މާކިން މައްސަލަ ހުރި ދިމާއަށް ބޮޑަށް ސަމާލުކަން ދިނުމަށާއި، ސަމާލުކަންދޭންވީގޮތް، މޮޑަރޭޓިން އެގްޒޭމިނަރުން މެދުވެރިކޮށް މައްސަލަ ހުރި މާކަރުންނަށް އަންގަންވާނެއެވެ.
11. މުޅި ކަރުދާހަށް ނުވަތަ އަށް (އަށެއް) މާކުހުން ފެށިގެން މަތީން މާކުސް ލިބޭ ސުވާލަކަށް (އިސްލާމީ ތަރުބިޔަތު މާއްދާގައި ކަރުދާސް 2 ގެ ފުރަތަމަ ބަޔާއި ދެވަނަ ބައިގެ ޢަޤީދާއާއި ފިޤުހުގެ ބައިގެ ހުރިހާ ސުވާލަކަށް) ސުމެއްދޭން ޖެހިއްޖެނަމަ، އެ ސުވާލަށް ސުމެއް ދެވޭތޯ ބަލައިދޭންވާނެއެވެ. އަދި އެ ސުވާލަށް ސުމެއްދެވޭނަމަ އަރިމަތީ ހަވާސާގައި ރަތްގަލަމުން ސުމެއް ދެވޭ ސަބަބު ލިޔެ ސޮއިކުރަންވާނެއެވެ. ސުމެއް ނުދެވޭނަމަ ސުމެއް ނުދެވޭ ސަބަބު މޮޑަރޭޓިން އެގްޒޭމިނަރާއި މާކަރަށް ބުނެދީ އަލުން އެސުވާލުގެ ޖަވާބު މާކުކުރަން މާކަރާ ޙަވާލުކުރަން ވާނެއެވެ.
12. މާކަރެއްގެ މާކިން މައްސަލަ ރަނގަޅުކުރުމަށް ތަކުރާރުކޮށް، އިރުޝާދު ދިނުމުންވެސް އެ މައްސަލަ ހައްލުނުކުރެވިއްޖެނަމަ، އެ މާކަރެއްގެ މައްސަލަ ބައްލަވައި، އެ މާކަރަކަށް މާކިންގެ މަސައްކަތް ކުރެވޭވަރު ނުވާނަމަ، ޗީފްއެގްޒޭމިނަރުންގެ މަޝްވަރާގެ މަތިން އެ މާކަރަކު މަސައްކަތުން އެކަހެރި ކުރަންވާނެއެވެ.
13. މާކިން މަސައްކަތް ނިމުމަށްފަހު، އެ އަހަރުގެ މާކިން ހިނގާ ދިޔަގޮތާއި ކުރިއަށް އިސްލާޙުކުރަން ފެންނަކަންތައް ބަޔާންކޮށް 'މާކިން ހިގާދިޔަގޮތުގެ ޚުލާޞާ ރިޕޯޓު' ޑީޕީއީއަށް ހުށައަޅަންވާނެއެވެ. (މި މަސައްކަތް ކުރިއަށް ގެންދާނީ ލީޑް އެގްޒޭމިނަރުންނާއި، އޮޑިޓިން އެގްޒޭމިނަރުންނާއި މޮޑަރޭޓިން އެގްޒޭމިނަރުންނާއެކުގައެވެ.)
14. ޑީ.ޕީ.އީން އެދިއްޖެ ހާލަތެއްގައި ރީޗެކަށް އެދޭ ކެނޑިޑޭޓުންގެ ޖަވާބު ކަރުދާސްތައް މާކުކޮށް ދޭންވާނެއެވެ. 

މޮޑަރޭޓިންގ އެގްޒޭމިނަރުންގެ މަސްޢޫލިއްޔަތުތައް:

1. މޮޑަރޭޓިން އެގްޒޭމިނަރުންގެ މަސްއޫލިއްޔަތަކީ ތެދުވެރިކަމާ، އިންސާފުވެރިކަމާއެކު މާކިންގެ އެންމެހައި މަސައްކަތްތައް މޮޑަރޭޓިން އެގްޒޭމިނަރުންގެ އިސްކޮށް ތިއްބަވާ އެގްޒޭމިނަރުންގެ އިރުޝާދާއެކު، ބަލަހައްޓަވައި ދެއްވުމެވެ.
2. މޮޑަރޭޓިން އެގްޒޭމިނަރެއްގެ ހައިސިއްޔަތުން، އިމްތިޙާނުގައި ބައިވެރިވި ކެނޑިޑޭޓުންނާއި މާކިން މަސައްކަތުގައި ޝާމިލްވާ އެންމެހާ ފަރާތްތަކުގެ ޙައްޤުތައް ޙިމާޔަތްކޮށްދިނުމަށް ބާރުއަޅަން ވާނެއެވެ.
3. މާކިން މަސައްކަތް ފެށުމުގެ ކުރިން އެއްބަސްވުމުގައި ސޮއި ކުރަންވާނެއެވެ.
4. މާކިންއަށް ޙާޟިރުވާ ކޮންމެދުވަހެއްގެ ކޮންމެ ދަންފަޅިއެއްގައި ޙާޟިރީގައި ސޮއި ކުރަންވާނެއެވެ.
5. އިމްތިޙާނުގެ އެންމެހައި  ބައިވެރިންގެ ޙައްޤުތަކަށް އުނިކަމެއް ލިބޭފަދަ އެއްވެސް ކަމެއް މާކިންގެ ތެރޭގައި ހިނގާތޯ ބައްލަވައި ދެއްވާ އެފަދަކަމެއް ހިނގާނަމަ އެކަން އޮޑިޓިން އެގްޒޭމިނަރަށް އަންގަންވާނެއެވެ.
6. މަސައްކަތުގެ ހޯލުގައި މަސައްކަތަށް ދަތިވާފަދަ އަމަލެއް ހިންގާނަމަ އެފަދަކަންކަން ނުހިނގާނޭގޮތަށް އެފަދަ ފަރާތްތަކަށް ނަސޭހަތްދީ، އޮމާން ކަމާއެކު މާކިންގެ އެންމެހައި މަސައްކަތް ނިންމަވައި ދޭންވާނެއެވެ.
7. މާކުކުރަން ފެށުމުގެ ކުރީ ދުވަހު ނުވަތަ ޑީޕީއީން އަންގަވާ ދުވަހަކު މާކު ކުރަން ހަމަޖެހިފައިވާ ފޮޓޯ ކޮޕީ ކަރުދާހުގެ 5 ކަރުދާސް މާކު ކޮށްދޭންވާނެއެވެ. އަދި މާކިން ފެށުމަށްފަހު ޑީޕީއީން އަންގާ ގޮތެއްގެ މަތީން ކޮންމެ މާކަރެއްގެ ޕޮޓޯކޮޕީ އެއްކަރުދާސް މާކުކުރުމަށްފަހު، ޗީފް އެގްޒޭމިނަރުގެ މޭޒާ ޙަވާލުކުރަން ވާނެއެވެ.
8. މާކަރުން މާކުކުރާ ފޮޓޯކޮޕީކަރުދާހާއި ބެހޭގޮތުން މަޝްވަރާކުރުމަށް ބާއްވާ ބައްދަލުވުމުގައި ކޮންމެ މޮޑަރޭޓިން އެގްޒޭމިނަރެއްވެސް ބައިވެރިވާން ވާނެއެވެ. އަދި ޗީފް އެގްޒޭމިނަރު ދެއްވާ މަޝްވަރާގެ މަތިން މާކިން ކަންތައް ކުރިއަށް ގެންގޮސް ދޭންވާނެއެވެ. 
9. ފޮޓޯ ކޮޕީ ކަރުދާހުގެ އަސްލުކަރުދާސް އޮންނަ ޕެކެޓުތައް ފިޔަވައި އެހެން ކޮންމެ 10 ކަރުދާހަކުން އެއްކަރުދާސް މޮޑެރޭޓް ކޮށްދޭންވާނެއެވެ.
10. މޮޑަރޭޓްކުރި ކަރުދާސްތަކުގެ މަޒުމޫނާއި ވާހަކަ ނުވަތަ ރިޕޯޓު ފިޔަވާ އެހެން ސުވާލުތަކުގެ މާކުހުގެ ފަރަގު 3 އަކަށްވުރެ ބޮޑުނަމަ އެ ސުވާލުތައް މާކު ކުރުމުގައި ހިފަހައްޓަންޖެހޭ މިންގަނޑާބެހޭ ގޮތުން އޮޅުން ފިލުވައިދީ މާކަރުންނަށް އިރުޝާދު ދޭންވާނެއެވެ. (މަޒުމޫނާއި ވާހަކަ ނުވަތަ ރިޕޯޓުގެ ތަފާތެއްކަމަށް ބަލާނީ 5 މާކުހުގެ ފަރަގު ހުންނަ ނަމައެވެ.)
11. މާކިންގެ ތަފާތު ބޮޑުނަމަ އެ ޕެކެޓުގެ އެހެން ކަރުދާހެއް މޮޑެރޭޓު ކުރަން ވާނެއެވެ. މިގޮތަށް މޮޑަރޭޓު ކުރުމުންވެސް އެކުށް ތަކުރާރުވާނަމަ، އެ ޕެކެޓުގެ އެ ސުވާލު، މާކަރު ލައްވާ އަލުން މާކުކުރުވަން ވާނެއެވެ. ތަފާތު ނުވާނަމަ ކުރިން މާކުކުރި ކަރުދާހުގެ އެ ސުވާލު އިސްލާހު ކުރުވާނީއެވެ.
12. ތަކުރާރުކޮށް ކިޔައިދީގެންވެސް މާކަރުގެ މާކިން އިސްލާޙު ނުވާނަމަ އެކަން ލީޑް އެގްޒޭމިނަރުންނާއި އޮޑިޓިން އެގްޒޭމިނަރުންގެ ސަމާލުކަމަށް ގެންނަވަން ވާނެއެވެ. ހަމައެހެންމެ މާކިން މަސައްކަތުގެ ކުރީކޮޅުގައި އެ މާކަރެއްގެ މައްސަލަތައް ޗީފްއެގްޒޭމިނަރާއި ހިއްސާކުރަން ވާނެއެވެ.
13. މާކަރެއްގެ މާކިން މައްސަލަ ރަނގަޅުކުރުމަށް ތަކުރާރުކޮށް، އިރުޝާދު ދިނުމުންވެސް އެ މައްސަލަ ހައްލުނުކުރެވިއްޖެނަމަ، އެ މާކަރެއްގެ މައްސަލަ ބައްލަވައި، އެ މާކަރަކަށް މާކިންގެ މަސައްކަތް ކުރެވޭވަރު ނުވާނަމަ، ޗީފްއެގްޒަމިނަރުންގެ މަޝްވަރާގެ މަތިން އެ މާކަރަކު މަސައްކަތުން އެކަހެރި ކުރަންވާނެއެވެ.
14. މާކިން މަސައްކަތް ނިމުމަށްފަހު، އެ އަހަރުގެ މާކިން ހިނގާ ދިޔަގޮތާއި ކުރިއަށް އިސްލާޙުކުރަން ފެންނަކަންތައް ބަޔާންކޮށް 'މާކިން ހިގާދިޔަގޮތުގެ ޚުލާސާ ރިޕޯޓު' ޑީޕީއީއަށް ހުށައަޅަންވާނެއެވެ. (މި މަސައްކަތް ކުރިއަށް ގެންދާނީ ލީޑް އެގްޒޭމިނަރުންނާއި، އޮޑިޓިން އެގްޒޭމިނަރުންނާއި މޮޑަރޭޓިން އެގްޒޭމިނަރުންނާއެކުގައެވެ.)
15. ޑީ.ޕީ.އީން އެދިއްޖެ ހާލަތެއްގައި ރީޗެކަށް އެދޭ ކެނޑިޑޭޓުންގެ ޖަވާބު ކަރުދާސްތައް މާކުކޮށް ދޭންވާނެއެވެ. 

މާކިންއަށް އެދޭ ފަރާތްތައް ނަގާނެ ގޮތާއި މާކުސް ދެވޭ ގޮތުގެ ތަފްޞީލް

މާކުސް ދެވޭ ގޮތުގެ ތަފުޞީލް

މަސައްކަތް ކުރިއަށް ދާނެ ތާރީޚާއި ވަގުތު

1. މާކިންގ ސްކީމް ފައިނަލް ކުރުން:

 19 ފެބްރުވަރީ 2026 އިން 17 މާރިޗު 2026 އަށް (13:00 އިން 16:00 އަށް)

  2.މާކިންގ ވޯރކްޝޮޕް:

 23 މާރިޗު 2026 އިން 26 މާރިޗު 2026 އަށް (13:00 އިން 17:30 އަށް)

  3. މާކިންގ:

 28 މާރިޗު 2026 އިން 23 އެޕްރީލް 2026 އަށް (14:00: އިން 20:00 އަށް)

އުޖޫރަ:

1. މާކިންގ ސްކީމް ފައިނަލް ކުރުމާއި މާކިން ވޯރކްޝޮޕް ހިންގުން: 12000.00 ރުފިޔާ (އެގްޒަމިނަރުންގެ ޓީމުގައި ހިމެނޭ ފަރާތްތަކަށް)

2. ލީޑް އެގްޒޭމިނަރުންގެ ގޮތުގައި މަސައްކަތް ކުރާ ފަރާތްތަކަށް ކަނޑައެޅިފައިވާ އުޖޫރުއަކީ، މާކިންގ މަސައްކަތް ފަށާއިރު ތިބި މާކަރުންގެ އަދަދަށް ބަލައި މާކަރަކަށް އެވްރެޖްކޮށް ޖެހޭ ޖުމްލަ ޢަދަދާއި މަސްޢޫލިއްޔަތު އެލަވަންސް ގޮތުގައި ގޮތުގައި -/5,000ރ (ފަސްހާސް ރުފިޔާ) އެވެ. އަދި ޑީ.ޕީ.އީގައި މާކިން މަސައްކަތް ވޭތުވެދިޔަ 5 އަހަރުގެ ތެރެއިން 3 އަހަރު ކޮށްފައިވާނަމަ، ކޮންޓިނިއުޓީ އެލަވަންސްގެ ގޮތުގައި -/1,000ރ (އެއްހާސް ރުފިޔާ) އެވެ.

3. އޮޑިޓިންގ އެގްޒޭމިނަރުންގެ ގޮތުގައި މަސައްކަތް ކުރާ ފަރާތްތަކަށް ކަނޑައެޅިފައިވާ އުޖޫރުއަކީ، މާކިންގ މަސައްކަތް ފަށާއިރު ތިބި މާކަރުންގެ އަދަދަށް ބަލައި މާކަރަކަށް އެވްރެޖްކޮށް ޖެހޭ ޖުމްލަ ޢަދަދާއި މަސްޢޫލިއްޔަތު އެލަވަންސް ގޮތުގައި ގޮތުގައި -/4,000ރ (ހަތަރުހާސް ރުފިޔާ) އެވެ. އަދި ޑީ.ޕީ.އީގައި މާކިން މަސައްކަތް ވޭތުވެދިޔަ 5 އަހަރުގެ ތެރެއިން 3 އަހަރު ކޮށްފައިވާނަމަ، ކޮންޓިނިއުޓީ އެލަވަންސްގެ ގޮތުގައި -/1,000ރ (އެއްހާސް ރުފިޔާ) އެވެ.

4. މޮޑަރޭޓިންގ އެގްޒޭމިނަރުންގެ ގޮތުގައި މަސައްކަތް ކުރާ ފަރާތްތަކަށް ކަނޑައެޅިފައިވާ އުޖޫރުއަކީ، މާކިންގ މަސައްކަތް ފަށާއިރު ތިބި މާކަރުންގެ އަދަދަށް ބަލައި މާކަރަކަށް އެވްރެޖްކޮށް ޖެހޭ ޖުމްލަ ޢަދަދާއި މަސްޢޫލިއްޔަތު އެލަވަންސް ގޮތުގައި ގޮތުގައި -/3,000ރ (ތިންހާސް ރުފިޔާ) އެވެ. އަދި ޑީ.ޕީ.އީގައި މާކިން މަސައްކަތް ވޭތުވެދިޔަ 5 އަހަރުގެ ތެރެއިން 3 އަހަރު ކޮށްފައިވާނަމަ، ކޮންޓިނިއުޓީ އެލަވަންސްގެ ގޮތުގައި -/1,000ރ (އެއްހާސް ރުފިޔާ) އެވެ.

• ރީޗެކް މަސައްކަތް ކުރާ ފަރާތްތަކަށް ކަނޑައެޅިފައިވާ އުޖޫރައަކީ، ކަރުދާހަކަށް -/60ރ (ފަސްދޮޅަސް ރުފިޔާ) އެވެ.
• ރީޗެކުގައި މާކުސް ދެވުނުގޮތުގެ ރިޕޯޓް ލިޔުމުގެ މަސައްކަތްކުރާ ފަރާތްތަކަށް ކަނޑައެޅިފައިވާ އުޖޫރައަކީ ރިޕޯޓަކަށް -/200ރ (ދުއިސައްތަ ރުފިޔާ)އެވެ.

ހުށަހަޅަންޖެހޭ ތަކެތި:

• ފުރިހަމަ ކޮށްފައިވާ މާކިންގ ގެ މަސައްކަތަށް އެދި ހުށަހަޅާ ފޯމު، ޑިޕާޓްމަންޓް އޮފް ޕަބްލިކް އެގްޒޭމިނޭޝަންސްގެ ކައުންޓަރުންނާއި، މިޑިޕާޓްމަންޓްގެ ވެބްސައިޓުން www.dpe.edu.mv އިން ލިބެން ހުންނާނެއެވެ. އަދި ތިރީގައިމިވާ ލިންކުންވެސް ލިބެން ހުންނާނެއެވެ.
• https://shorturl.at/lV1Sr

1. ވަނަވަރު (ސީ.ވީ)
2. ދިވެހިރައްޔިތެއްކަން އަންގައިދޭ ކާޑުގެ ކޮޕީ
3. ލިބިފައިވާ އެންމެ މަތީ ތަޢުލީމީ ސެޓްފިކެޓްގެ ކޮޕީ  ( ކިޔަވައިދޭ މާއްދާއާގުޅޭ އެންމެމަތީ ސެޓްފިކެޓް )
4. ވަޒީފާ އަދާކުރާނަމަ އެކަމުގެ ލިޔުން (03 މަސް ހަމަނުވާ)،  މިލިޔުމުގައި ކިޔަވައިދޭ ކީސްޓޭޖާއި މާއްދާ އެނގެން އޮންނަންވާނެއެވެ.

• ނޯޓް: މަތީގައި ބަޔާންކޮށްފައިވާ ލިޔުންތައް (ހުށަހަޅަންޖެހޭ ތަކެތި) އެއް ޑޮކިއުމެންޓެއްގެ ގޮތުގައި ޕީ.ޑީ. އެފް ފޯމެޓަށް ތައްޔާރުކޮށް ގޫގުލް ފޯމުގައި އެޓޭޗު ކުރަންވާނެއެވެ.

ސުންގަޑި:

22 ޖަނަވަރީ 2026 ވާ ބުރާސްފަތި ދުވަހުގެ 13:00 ގެ ކުރިން

އިންޓަރވިއު އަދި އިމްތިޙާނު އޮންނާނެ ތަނާއި، މުއްދަތު

މި މަޤާމަށް މިހަކު ހޮވުމަށް ބޭއްވޭ އިންޓަރވިއު އަދި އިމްތިޙާނު އޮންނާނީ 25 ޖަނަވަރީ 2026 އާއި 10 ފެބްރުވަރީ 2026 އާ ދެމެދުގެ ތާރީޚެއްގައި، ޑިޕާޓްމަންޓް އޮފް ޕަބްލިކް އެގްޒޭމިނޭޝަންސް ގައެވެ.

އެދެންވީ ގޮތް:

• މަޤާމަށް އެދި ހުށަހަޅަންޖެހޭ ތަކެތި ހުށަހަޅާނީ ތިރީގައިވާ ލިންކު މެދުވެރިކޮށެވެ.

https://forms.gle/9TZ6dg9MPndiutVo8

• އެސް.އެސް.ސީ/އެޗް.އެސް.ސީ އިމްތިޙާނު މާކު ކުރުމުގެ މަސައްކަތަށް މީހުންނެގުމުގެ އުސޫލު  މި ޑިޕާޓްމަންޓް ގެ ވެބްސައިޓުން ލިބެން ހުންނާނެއެވެ.

• އިތުރު މައުލޫމާތު ހޯއްދެވުމަށް 3041348 ނުވަތަ 7957373 ގުޅުއްވުން އެދެމެވެ.