މިކައުންސިލްގެ އިދާރާގެ ނަންބަރު (IUL)355-ESMS/355/2025/50 (30 ސެޕްޓެމްބަރު 2025) އިއުލާނާ ހަވާލާދީ ދަންނަވަމެވެ.

            ހަވާލާދެވިފައިވާ އިއުލާނާއެކު އާންމުކުރެވިފައިވާ މިރަށުން އަލަށް ބަންޑާރަގޯތިލިބޭ 109 ފަރާތަށް ލިބޭ ގޯތި ކަނޑައެޅުމަށްޓަކާ، ގުރުއަތު ނެގުމަށް ބާއްވާ ބައްދަލުވުން 20 ނޮވެންބަރު 2025 ވާ ބްރާސްފަތިދުވަހުގެ ރޭ 21:00 ގައި މިރަށު އިޖްތިމާއީ މަރުކަޒުގައި ބޭއްވުމަށް ވަނީ ހަމަޖެހިފައެވެ.

            މިކައުންސިލްގެ އިދާރާގެ ނަންބަރު (IUL)355-ESMS/355/2025/50 (30 ސެޕްޓެމްބަރު 2025) އިއުލާނާ އެކު އާންމުކުރެވިފައިވާ މިރަށުން އަލަށް ބަންޑަރަ ގޯތި ލިބޭ 109 މީހުން، 20 ނޮވެންބަރ 2025 ވާ ބްރާސްފަތި ދުވަހުގެ ރޭ 21:00 އަށް މިރަށު އިޖްތިމާއީ މަރުކަޒަށް ވަޑައިގެންދެއްވުމަށް ދައުވަތު އަރުވަމެވެ.

            އެއްވެސް ސަބަބަކާހުރެ މިބުރު މިރަށުން އަލަށް ބަންޑަރަގޯތިލިބޭ 109 މީހުންގެ ތެރެއިން މީހަކު މިބައްދަލުވުމަށް ހާޒިރުވުމަށް އުޒުރުވެރިވެލައްވާނަމަ، 20 ނޮވެންބަރ 2025 ވާ ބްރާސްފަތި ދުވަހުގެ 13:30 ގެ ކުރިން ސިޓީއަކުން އެފަރާތުގެ ބަދަލުގައި މިބައްދަލުވުމަށް ހާޒިރުވެ ގުރުއަތުލުމުގައި ބައިވެރިވާނެ ފަރާތެއް އެންގެވުމަށް ދަންނަވަމެވެ. އަދި ބަދަލުގައި ހަމަޖައްސަވާ ފަރާތުގެ އައި ޑީ ކާޑުގެ ކޮޕީ މިސިޓީއާއިއެކު ފޮނުވުމަށްވެސް ދަންނަވަމެވެ.

            މިބުރު މިރަށުން އަލަށް ބަނޑާރަގޯތިލިބޭ 109 މީހުންގެ ތެރެއިން މީހަކު، ނުވަތަ ބައްދަލުގައި ހަމަޖައްސާފައިވާ މީހަކު މިބައްދަލުވުމަށް ހާޒިރުވެފައިނުވާނަމަ އެމީހެއްގެ ބަދަލްގައި، ގޯތި ދޫކުރުމުގެ ކަންކަން ވިލަރެސްކުރާ ކޮމިޓީގެ މެންބަރަކު ގުރުއަތު ނެގުމަށްވަނީ ހަމަޖެހިފައެވެ.

            ވީމާ މިކަން އާންމުކޮށް އެންގުމަށްޓަކާ އިއުލާންކުރީމެވެ.