ކ. ތިލަފުށީގައި ޞިއްޙީ ޚިދުމަތް ފޯރުކޮށްދިނުމަށްޓަކައި، މެޑިކަލް ފެސިލިޓީސް ފޯރުކޮށްދޭނޭ ކްލިނިކެއް ޤާއިމުކުރުމަށް މިކޯޕަރޭޝަނުން ވަނީ ކަނޑަޅާފައެވެ. މި މަޝްރޫޢުގެ މަޤްޞަދަކީ، ކ. ތިލަފުށްޓަކީ ޞިނާޢީ ރަށަކަށްވެފައި އެ ރަށުގައި ގިނަ އަދަދަކަށް ދިވެހިންނާއި ބޭރުމީހުން މަސައްކަތްކުރަމުންދާއިރު އެފަރާތްތަކަށް އެކަށީގެންވާ ޞިއްޙީ ފަރުވާ ލިބޭނެ އިންތިޒާމު ފޯރުކޮށްދިނުމެވެ. އަދި އެކި ބޭނުންތަކަށް ތިލަފުށްޓަށް ގޮސް އައިސްވާ ދަތުރުވެރިންނަށްވެސް ދިމާވެދާނެ އިމަރޖެންސީ ފަރުވާއަކަށް އެކަށީގެންވާ ޚިދުމަތެއް ފޯރުކޮށްދިނުމެވެ.

ވީމާ، ކ.ތިލަފުށީގައި ޞިއްޙީ ޚިދުމަތް ފޯރުކޮށްދިނުމަށް ޤާއިމުކުރެވޭ މެޑިކަލް ކްލިނިކް ހިންގުމަށް ޝައުޤުވެރިވެލައްވާ ފަރާތްތަކުން ބީލަން ހުށަހެޅުމުގެ ފުރުޞަތު ޢާންމުކޮށް ހުޅުވާލައި ދަޢުވަތު އަރުވަމެވެ.

އަންދާސީހިސާބު ހުށަހެޅުއްވުމާ ގުޅޭ:

• ބީލަން ހުށަހެޅޭނީ ބީލަމުގައި ބައިވެރިވުމަށް ރަޖިސްޓަރީވެ މަޢުލޫމާތު ކަރުދާސް ނަގާފައިވާ ފަރާތްތަކަށެވެ.
• ބީލަން ހުށަހަޅުއްވަން ވަޑައިގަންނަވާ ކޮންމެ ފަރާތަކަށްވެސް ހުށަހެޅޭނީ އެންމެ ބީލަމެކެވެ.
• ހުށަހަޅައިފައިވާ ބީލަން ބާޠިލުވާ މުއްދަތު މަދުވެގެން 90 ދުވަހަށް ވާންވާނެއެވެ.
• މަޢުލޫމާތު ފުރިހަމަ ނޫން ބީލަންތައް ބާޠިލު ކުރުމުގެ ފުރިހަމަ އިޚުތިޔާރު މިކޯޕަރޭޝަނަށް ލިބިގެންވެއެވެ.
• ބީލަން ހުށަހަޅަންވާނީ ދީފައިވާ މަޢުލޫމާތާ އެއްގޮތަށެވެ.

މިކަމަށް ބީލަން ހުށަހަޅުއްވާނީ ބަންދުކުރެވިފައިވާ ސިޓީއުރައިގައެވެ. ބީލަން ހުޅުވުމުގެ ބައްދަލުވުން އޮންނާނީ މިކޯޕަރޭޝަންގެ ހެޑްއޮފީހުގައި ބީލަން ހުޅުވުމުގެ ބައްދަލުވުމުގައި ބައިވެރިވެލައްވަން ބޭނުންވެލައްވާ ފަރާތްތަކާ އެކުގައެވެ.

މި ބީލަމަށް މާކްސް ދެވޭނެ މިންގަނޑު މަޢުލޫމާތު ކަރުދާހުގައި ހިމެނިފައިވާނެއެވެ. އަދި މިކަމާގުޅޭ އިތުރު މަޢުލޫމާތެއް ސާފުކުރައްވަން ބޭނުންވެލައްވާ ފަރާތްތަކުން މި ކޯޕަރޭޝަނަށްް ގުޅުއްވައިގެން މަޢުލޫމާތު ސާފުކުރެއްވުން އެދެމެވެ.

16 މުޙައްރަމް 1437