ދިވެހިރާއްޖެ
2025 އޮކްޓޫބަރު މަހުގެ 16 ވަނަ ދުވަހަކީ ބައިނަލް އަޤްވާމީ ކާބޯތަކެތީގެ ދުވަސް ކަމުގައިވާތީ، ފުޑް އެންޑް އެގްރިކަލްޗަރ އޯގަނައިޒޭޝަން ( އެފް.އޭ.އޯ ) އިން ވަނީ ދުނިޔޭގެ އެކި ކަންކޮޅުތަކުން ބައިވެރިވެވޭ ގޮތަށް ޕޯސްޓަރ މުބާރާތެއް އިޢުލާން ކޮށްފައެވެ. މިއަހަރުގެ މުބާރާތުގެ ތީމަކީ “how better create a better future-and how together we can build a peaceful,sustainable,prosperous, and food-secure world where everyone has access to a healthy diet”
މި މުބާރާތުގައި ބައިވެރިވެވޭނީ 5 އަހަރާއި 19 އަހަރާއި ދެމެދުގެ އުމުރު ފުރައިގެ ފަރާތްތަކަށެވެ. އަދި މުބާރާތުގައި ހުށަހަޅާ ޕޯސްޓަރުތަކުގައި ފުރިހަމަވާންޖެހޭ ޝަރުތުތައް ކަމުގައި އެފް.އޭ.އޯ އިން ބަޔާން ކޮށްފައިވާ ޝަރުޠުތައް ތިރީގައި އެވަނީއެވެ.
- ކޮންމެ ބައިވެރިއަކަށްވެސް ހުށައެޅޭނީ 01 ޕޯސްޓަރެވެ.
- ޕޯސްޓަރުގެ ގޮތުގައި ހުށަހެޅޭ ތަކެތި ކުރަހާފައި ، ކުލަޖައްސާފައި ނުވަތަ ކުރެހުމެއްގެ ގޮތުގައި ހުންނަންވާނީ ގަލަން، ފަންސޫރު، ކުރެޔޯން، ޗާރކޯލް، ތެޔޮކުލަ، އެކްރިލިކް ނުވަތަ ފެންކުލަ ބޭނުން ކޮށްގެންނެވެ. އަދި މިކްސްޑް މީޑިއާވެސް ބޭނުން ކުރެވިދާނެއެވެ. ޑިޖިޓަލްކޮށް އުފައްދާފައިވާ އާޓްވޯކްވެސް ހުށަހެޅިދާނެއެވެ. ފޮޓޯ ބޭނުމެއް ނުކުރެވޭނެއެވެ.
- އާޓިފިޝަލް އިންޓެލިޖެންސް ( އޭއައި ) ޓޫލްއަކުން އުފައްދާފައިވާ އެއްވެސް ޕޯސްޓަރެއް މި މުބާރާތުގައި ހުށަހެޅުން މަނައެވެ.
- ޕޯސްޓަރުގައި ލިޔުން ހިމެނިދާނެއެވެ. ލިޔުން ހިމެނޭނީ 25 ބަހަށްވުރެ ގިނަނުވާގޮތަށް ނުވަތަ 100 އަކުރަށްވުރެ ގިނަ ނުވާގޮތަށެވެ. ނަން، ސްކޫލްގެ ނަން ނުވަތަ އުމުރު ފަދަ އަމިއްލަ މަޢުލޫމާތު ހިމަނައިގެން ނުވާނެއެވެ.
- ހުރިހާ ހުށައެޅުމެއްވެސް ވާނަޖެހޭނީ އަމިއްލަ އުފެއްދުމަށެވެ.
- ހުރިހާ ބައިވެރިންވެސް ބާރު އަޅަނީ ވާރލްޑް ފުޑް ޑޭ ގެ ތީމާ ބެހޭގޮތުން ވާރލްޑް ފުޑް ޑޭ އެކްޓިވިޓީ ފޮތުން ކިޔުމަށެވެ.
https://www.fao.org/world-food-day/youth/en
- ޑިޖިޓަލް ޕޯސްޓަރެއް ހުށައަޅުއްވާނަމަ، އެ ޕޯށްޓަރ ހުންނަންވާނީ (JPEG) ފޯމެޓަށް ސޭވްކޮށްފައެވެ.
- · ހުރިހާ ޕޯސްޓަރ އެއްވެސް ހުށައަޅަންވާނީ ފޯރުކޮށްދީފައިވާ އޮންލައިން ފޯމް މެދުވެރިކޮށެވެ.
https://www.fao.org/world-food-day/contest/en
- · ޕޯސްޓަރު ހުށައެޅުމުގެ ސުންގަޑި ހަމަވާނީ 07 ނޮވެންބަރު 2025 ގެ 15:00 ގައެވެ.
ވީމާ، މިކަން ޢާންމުކޮށް އެންގުމަށް ޓަކައި އިޢުލާން ކުރީމެވެ.