ދިވެހިރާއްޖެ
އަތޮޅުތަކުގައި ހުންނަ އެސްޓީއޯ ފާމަސީތައް އިމާރާތްކުރުމުގެ މަސައްކަތް ކޮށްދޭނެ ފަރާތްތައް ހޯދަން ބޭނުންވެއްޖެ.
ތިރީގައިވާ ރަށުގައި ފާމަސީ އިމާރާތް ކުރުމުގެ މަސައްކަތް ކޮށްދޭނެ ފަރާތްތައް ހޯދުމަށް އިޢުލާން ކުރަމެވެ. ވީމާ، މިބާވާތުގެ މަސައްކަތްކުރުމުގެ ފަންނީ އަދި އަމަލީ ތަޖުރިބާ ހުރި ފަރާތްތަކަށް ފުރުޞަތު ހުޅުވާލަމެވެ.
- ފ. މަގޫދޫ
- ތ. ތިމަރަފުށި
- މަސައްކަތުގެ ވެރިފަރާތް: ސްޓޭޓް ޓްރޭޑިންގ އޯގަނައިޒޭޝަން ޕލކ
2. މަސައްކަތުގެ ބާވަތް:
- ތ. ތިމަރަފުށި 15’x20’ ފާމަސީއެއް އެޅުން.
- ފ. މަގޫދޫ ގައި ފާމަސީ އިމާރަތްކުރުން.
3. ރަޖިސްޓްރީ ކުރާ ފަރާތްތަކުގައި ހުންނަންޖެހޭ ޝަރުތުތައް:
3.1 ރަޖިސްޓްރީ ކުރުމަށް އެދި ހުށަހަޅާ ފަރާތަކީ ފާމަސީ އިމާރާތް ކުރުމަށް ކަނޑައެޅިފައިވާ ރަށުގައި މި ބާވަތުގެ މަސައްކަތް ކުރާ ފަރާތަކަށްވުން.
3.2 ރަޖިސްޓްރީ ކުރުމަށް އެދި ހުށަހަޅާ ފަރާތަކީ ފާއިތުވި 5 (ފަހެއް) އަހަރުދުވަހުގެ ތެރޭގައި، 200،000.00ރފ (ދެ ލައްކަ ރުފިޔާ) އަށް ވުރެ ކުޑަ ނޫން އިމާރާތް ކުރުމުގެ މަސައްކަތެއް ކޮށްފައިވާ ފަރާތަކަށް ވުން.
3.2.1 ތަޖުރިބާ ހުރިކަމަށް ބަލައިގަނެވޭނީ މަސައްކަތް ކޮށްދެވުނު ފަރާތުގެ ރެފަރެންސް ސިޓީ (ޕޮސިޓިވް ރިފަރެންސް) ހުށަހެޅުމުންނެވެ. އެސްޓީއޯއިން ބޭނުންވެއްޖެ ހިނދެއްގައި ކޮށްފައިވާ މަސައްކަތްތައް ވެރިފައި ކުރުމަށް އިތުރު މައުލޫމާތު ހޯދިދާނެއެވެ.
3.2.2 ރެފަރެންސް ސިޓީގައި މަސައްކަތުގެ ތަފްސީލް ނެތްކަމުގައި ވަނީނަނަމަ، ސިޓީއާއި އެކު އެ މަސައްކަތުގެ ސަޕޯޓިންގ ޑޮކިއުމަންޓްސް ހުށަހަޅަންވާނެއެވެ. އަދި އަމިއްލަ ފަރާތްތަކުގެ ނަމުގައި ހުށަހަޅާ ސިޓީ ބަލައި ނުގަނެވޭނެއެވެ. ހުށަހަޅާފައިވާ ސިޓީ އާއި ސަޕޯޓިންގ ޑޮކިއުމަންޓްސް ތަކުން މަސައްކަތުގެ ތަފްސީލު އަދި މަސައްކަތް ނިންމި ގޮތް ސާފުކޮށް އެނގެން ނެތްނަމަ އެ ސިޓީ ބަލައިނުގަތުމުގެ އިޚްތިޔާރު އެސްޓީއޯއަށް ލިބިގެންވެއެވެ.
3.3 މިޢިއުލާން ގެ ދަށުން ކޮންމެ ފަރާތަކަށް ވެސް ކުރިމަތި ލެވޭނީ ގިނަވެގެން 2 (ދޭއް) ރަށަށެވެ. ނަމަވެސް ރަޖިސްޓަރ ކުރާފަރާތަކީ، އެސްޓީއޯ ގައި މިވަގުތު އިތުރު ޕްރޮޖެކްޓެއްގެ (1 ޕްރޮޖެކްޓް) މަސައްކަތް ކުރަމުންދާ ކުންފުނި ނުވަތަ ކުންފުނީގެ ހިއްސާދާރެއް ނަމަ، އެފަރާތަކަށް ރެޖިސްޓަރ ކުރެވޭނީ މި އިޢުލާން ގައި ބުނެފައިވާ ރަށްތަކުގެ ތެރެއިން 1 (އެކެއް) ރަށަކަށެވެ. އަދި ރެޖިސްޓަރ ކުރި ކުންފުނި ނުވަތަ ކުންފުނީގެ ހިއްސާދާރުންނަކީ، މިވަގުތު އެސްޓީއޯގެ ޕްރޮޖެކްޓެއްގެ 2 (ދޭއް) މަސައްކަތް ކުރަމުންދާ ފަރާތެއްނަމަ އެފަރާތުގެ ރެޖިސްޓްރޭޝަން ބަލައި ނުގަނެވޭނެއެވެ.
3.4 ރެޖިސްޓަރ ކުރާފަރާތަކީ، ކުރިން އެސްޓީއޯ ގެ ޕްރޮޖެކްޓެއް ނިންމާ އަދި މިވަގުތު ޕްރޮޖެކްޓެއް ކުރިއަށް ގެންދާ ފަރާތެއްނަމަ، ރަޖިސްޓަރ ކުރެވޭނީ އެއްވެސް ޕޮރޮޖެކްޓެއްގައި 20% (ވިހި އިންސައްތަ) ޑިލޭއެއް ނޫޅޭނަމައެވެ.
3.5 ބީލަން ހުށަހަޅާ ފަރާތަކީ އެއްވެސް މައްސަލައެއްގެ ސަބަބުން އެސްޓީއޯ އަދި އެސްޓީއޯގެ ސަބްސިޑަރީ ކުންފުންޏެއްގައި ބްލެކްލިސްޓް ކުރެވިފައިވާ ފަރާތަކައް ވެގެން ނުވާނެ އެވެ.
3.6 ބީލަން ހުށަހަޅާ ފަރާތަކީ އެއްވެސް މައްސަލައެއްގެ ސަބަބުން އިކޮނޮމިކް މިނިސްޓްރީ އަދި މީރާގައި ޑީބަރޑް ނުވަތަ ބްލެކްލިސްޓް ކުރެވިފައިވާ ފަރާތަކައް ވެގެން ނުވާނެ އެވެ.
4. ރަޖިސްޓްރީ ކުރުމަށް އެދި ހުށަހަޅަން ޖެހޭ ލިޔުންތައް:
4.1 ކުރިން ކޮށްފައިވާ މި ބާވަތުގެ މަސައްކަތުގެ ރިފަރެންސް ސިޓީ
4.2 ކުންފުނީގެ/ ސޯލް ޕްރޮޕްރައިޓަރޝިޕްގެ ރެޖިސްޓްރޭޝަންކޮޕީ
4.3 ކުންފުނީގެ/ ސޯލް ޕްރޮޕްރައިޓަރޝިޕްގެ ހިއްޞާދާރުންގެ އައި.ޑީ.ކާޑް ކޮޕީ
4.4 ކުންފުނީގެ ހިންގާ ޤަވާއިދު
4.5 ކުންފުނީގެ އަސާސީ ޤަވާއިދު
5. ރަޖިސްޓަރީ ކުރުން:
5.1 ރަޖިސްޓަރީ ކުރައްވަން ބޭނުންފުޅުވެލައްވާ ފަރާތްތަކުން 07 އޮގަސްޓް 2025 ވަނަ ދުވަހު 1100 ގެ ކުރިން، ތިރީގައިވާ އީމެއިލް މެދުވެރިކޮށް ރަޖިސްޓްރީ ކުރަންވާނެއެވެ.
އީމެއިލް އެޑްރެސް: [email protected]
އިތުރު މަޢުލޫމާތު ހޯއްދެވުމަށް ގުޅުއްވާނީ:
ފޯނު: 1422
އީމެއިލް: [email protected]