މަރާމާތުކުރުމާ ގުޅޭ

ތިރީގައި މިދަންނަވާ މަރާމާތުގެ މަސައްކަތްތައް ކޮށްދޭނެ ފަރާތެއް ހޯދަން ބޭނުންވެއެވެ.

1- ކުލާސްރޫމްތަކުގެ ދޮރުމަތީގައި ގާ އެތުރުން.

2- ބީ.ބްލޮކް ޢިމާރާތު ކޮޅުބިތުގެ ނަލަފިލާ މަރާމާތުކުރުން.

3- ކޮމްޕިއުޓަރ ލެބްގެ ދިޔަދޮވި މަރާމާތުކުރުން.

4- އޭ.ބްލޮކްގައި ހުރި ކުލާސްރޫމްތަކުގެ ބައެއް ދޮރުތަކާއި، ދޮރުފަތްތައް މަރާމާތު ކުރުން.

5- ހުޅަނގުފަރާތުގެ ފާރު 5 ފޫޓަށް އުސްކުރުމާއެކު ކަން ވައްކުރުމާއި (ހުޅަނގު އުތުރު ކަން) ފާރުގެ ދެފަރާތުގައި ސިމެންތި ޖެހުމަށް.

ވީމާ، އަމިއްލަ ތަކެތީގައި މި މަސައްކަތްތައް ކޮށްދެއްވުމަށް ޝައުޤުވެރިވެލައްވާ ފަރާތްތަކުން މަޢުލޫމާތު ސާފުކުރެއްވުމަށްފަހު އަންދާސީހިސާބު ހުށަހެޅުއްވުމަށް ފުރުޞަތު އަރުވަމެވެ.                                                         

މަޢުލޫމާތު ދިނުން:

މަޢުލޫމާތު ސާފުކުރައްވަން ބޭނުންވެލައްވާ ފަރާތްތަކުން، 5 އޮކްޓޫބަރު 2015 ވާ ހޯމަ ދުވަހުގެ މެންދުރުފަހުގެ 2:00 ގައި ސްކޫލް އޮފީހަށް ދުރުވުމުން މަޢުލޫމާތު ސާފުކޮށްދެވޭނެއެވެ.                               

އަންދާސީހިސާބު ބަލައިގަތުމާއި، ކެނޑުން:

މި މަސައްކަތް ކޮށްދެއްވުމަށް ހުށަހަޅުއްވާ އަންދާސީހިސާބުތައް ބަލައިގަނެ ކެނޑުން އޮންނާނީ 8 އޮކްޓޫބަރު 2015 ވާ ބުރާސްފަތި ދުވަހުގެ މެންދުރުފަހުގެ 2:00 ގައި މި ސްކޫލް އޮފީހުގައެވެ.

ހުށަހެޅޭ އަންދާސީހިސާބުތައް ހުންނަންވާނީ ބަންދުކުރެވިފައިވާ ސިޓީއުރައެއްގައެވެ. ކޮންމެ މަސައްކަތަކަށް ހުށަހަޅާ އަންދާސީހިސާބު އޮންނަންވާނީ ވަކި ސިޓީއުރައެއްގައެވެ. އަދި ސިޓީއުރައިގެ ބޭރުގައި، އެމަސައްކަތެއްގެ ނަން އެނގެން އޮންނަންވާނެއެވެ.

ވީމާ، މިކަން އާންމުކޮށް އެންގުމަށް އިޢުލާނުކުރަމެވެ.