އިޢުލާން 

 ދިރާސީ އަހަރު ދަރިވަރުން ސްކޫލަށް ވެއްދުމާއި ގުޅޭ.

2026ވަނަ ދިރާސީ އަހަރު ވ.އަތޮޅު ތަޢުލީމީ މަރުކަޒުގައި ތަޢުލީމް ޙާޞިލްކުރުމަށް ބޭނުންވާ ދަރިވަރުންނަށް ފުރުޞަތު ހުޅުވާލެވިފައިވާ ވާހަކަ ދެންނެވީމެވެ.

2026 ވަނަ އަހަރު ސްކޫލަށް ދަރިވަރުން ވައްދާ އުމުރުފުރާތައް.

ގްރޭޑް 1 :  2025 ޑިސެމްބަރ31އަށް 6 އަހަރު ފުރި 7 އަހަރު ނުފުރޭ ދަރިވަރުން. އަދި ދިރާސީ އަހަރު ޔޫ.ކޭ.ޖީ ފުރިހަމަކޮށްފައިވާ ހުރިހާ ދަރިވަރުން 2026 ވަނަ ދިރާސީ އަހަރު ( 27 ޖެނުއަރީ 2026ގައި ފެށޭ ދިރާސީ އަހަރު ) ގްރޭޑް 1 އަށް ބަދަލުކުރެވޭނެއެވެ.

• އެލް.ކޭ.ޖީ އަށް ދަރިވަރަކަށް ވަދެވޭނީ، ނިމުނު އަހަރުގެ ޑިސެމްބަރ 31އަށް ( 2025 ޑިސެމްބަރ 31އަށް ) އުމުރުން 4 އަހަރު ފުރިފައިވާ ކުދިންނަށް ކަމުގައި ކަނޑައަޅާފައިވީ ނަމަވެސް ހިނގާ އަހަރުގެ ( 2026 ވަނަ އަހަރުގެ ) 31 މާރޗުގެ ނިޔަލަށް 4 އަހަރު ފުރޭ ކުދިންނަށް އެލް.ކޭ.ޖީއަށް ވަނުމުގެ ފުރުޞަތު ބެލެނިވެރިޔާ އެދިއްޖެނަމަ އެ ކުއްޖަކަށް ދެވިދާނެއެވެ.

• އެއްވެސް ދަރިވަރަކު ހިނގަމުންދާ އަހަރެއްގެތެރޭގައި އެއް ގްރޭޑުން އަނެއް ގްރޭޑަށް ބަދަލުނުކުރެވޭނެއެވެ.

ވީމާ، މި މަރުކަޒަށް ކުދިން ވެއްދުމަށް އެދޭ ފޯމް ނަންގަވައި ފުރުއްވުމަށްފަހު މި މަރުކަޒުގެ އިދާރާއަށް ހުށަހެޅުއްވުން އެދެމެވެ.

• ފޯމު ދޫކުރަން ފަށާ ތާރީޚް: 20 ޖުލައި 2025 ( އާދީއްތަ )
• ފޯމު ހުށަހަޅަންޖެހޭ ސުންގަޑި: 18 އޮގަސްޓް 2025 ( ހޯމަ ) މެންދުރުފަހު 14:00 ގެ ކުރިން.
  
  
•  އޮފީސް ރަސްމީ ގަޑި: ހެނދުނު 08:00 އިން މެންދުރުފަހު 14:00

  ފޯމާއެކު ހުށަހަޅަންޖެހޭ ލިޔުންތައް:

•  ކުއްޖާގެ ދިވެހިރައްޔިތެއްކަން އަންގައިދޭ ކާޑުގެ ކޮޕީ ނުވަތަ ޕާސްޕޯޓް ކޮޕީ.
•  ކުއްޖާގެ މަންމަ ނުވަތަ ބައްޕަގެ ދިވެހިރައްޔިތެއްކަން އަންގައިދޭ ކާޑުގެ ކޮޕީ ނުވަތަ ޕާސްޕޯޓް ކޮޕީ.
•  ބެލެނިވެރިޔާގެ ދިވެހިރައްޔިތެއްކަން އަންގައިދޭ ކާޑުގެ ކޮޕީ ނުވަތަ ޕާސްޕޯޓް ކޮޕީ.
•  ކުއްޖާގެ ޞިއްޙީ މައްސަލައެއްވާނަމަ އެކަމުގެ ލިޔެކިޔުންތައް.
• ހަގު އުމުރުފުރާއިން ވައްދާނަމަ ބެލެނިވެރިޔާ އިޢުތިރާޒް ނުކުރާކަމުގެ ލިޔުން.
•  ދަރިވަރުގެ ވެކްސިން ކާޑު.