ދިވެހިރާއްޖެ
މަޤާމު: އެޑްމިނިސްޓްރޭޓިވް އޮފިސަރ (ދާއިމީ)
ބޭނުންވާ އަދަދު: 01 ( އެކެއް )
ވަޒީފާ އަދާކުރަންޖެހޭ ތަން: ގއ. ނިލަންދޫ ސްކޫލް
ކްލެސިފިކޭޝަން: ޖީ. އެސް 4
އަސާސީ ޝަރުޠު
- މަޤާމުގެ މަސައްކަތްކުރުމުގެ ހުނަރު/ ޤާބިލުކަން ސާބިތުކޮށްދިނުމާއެކު ސާނަވީ އިމްތިހާނަކުން 02 މާއްދާއިން ދަށްވެގެން "ޑީ" ގްރޭޑް ލިބިފައިވުމާއެކު ، ސެކަންޑްރީ ސެޓްފިކެޓް އިމްތިހާނުގެ " ދިވެހި " މިމާއްދާއިން ދަށްވެގެން "ސީ" ގްރޭޑް ލިބިފައިވުން.
- މަޤާމުގެ މަސައްކަތް ކުރުމުގެ ހުނަރު/ ޤާބިލުކަން ސާބިތުކޮށްދިނުމާއެކު މަޤާމަށް ބޭނުންވާ ދާއިރާއަކުން ދިވެހިރާއްޖޭގެ ޤައުމީ ސަނަދު ތަކުގެ އޮނިގަޑުގެ ލެވެލް 2 ގެ ސަނަދެއް ހާސިލުކޮށްފައިވުމާއެކު މަޤާމުގެ މަސައްކަތާއިގުޅޭ ދާއިރާއެއްގައި 06 އަހަރުދުވަހުގެ ތަޖުރިބާ ލިބިފައިވުން.
- މަޤާމުގެ މަސައްކަތްކުރުމުގެ ހުނަރު/ ޤާބިލުކަން ސާބިތުކޮށްދިނުމާއެކު، މަޤާމަށް ބޭނުންވާ ދާއިރާއަކުން ދިވެހިރާއްޖޭގެ ޤައުމީ ސަނަދުތަކުގެ އޮނިގަޑުގެ ލެވެލް 3 ގެ ސަނަދެއް ހާސިލުކޮށްފައިވުމާއެކު މަޤާމުގެ މަސައްކަތާގުޅޭ ދާއިރާއެއްގައި 3 އަހަރުދުވަހުގެ މަސައްކަތުގެ ތަޖުރިބާ ލިބިފައިވުން
- ވަކިވަކި ދާއިރާ ތަކުގެ އޮނިގަޑުގައި އެދާއިރާއަކުން ޖީ.އެސް 3 ގެ ރޭންކަށް ކަޑައަޅާ ތަމްރީނެއް ހާސިލުކޮށްފައިވުން
- މަޤާމުގެ މަސައްކަތް ކުރުމުގެ ހުނަރު/ ޤާބިލުކަން ސާބިތުކޮށްދިނުމާއެކު، މަސައްކަތުގެ ފެންވަރު ބަލުމުގެ ނިޒާމުން ވަޒީފާގެ ކުރިއެރުން ހައްގުވާ މާކްސްއެއް ލިބެމުން ދިއުމާއެކު ޖީ.އެސް 2 ގެ ރޭންކު ފުރިހަމަވެ އެރޭންކުގައި މަޤާމުގެ މަސައްކަތާއިގުޅޭ ދާއިރާއެއްގައި މަދުވެގެން 3 އަހަރު ދުވަހުގެ މަސައްކަތުގެ ތަޖުރިބާ ލިބިފައިވުން.
- މަޤާމުގެ މަސައްކަތްކުރުމުގެ ހުނަރު/ ޤާބިލުކަން ސާބިތުކޮށްދިނުމާއެކު ޖީ.އެސް 3 ރޭންކުގެ ނުވަތަ އެއަށްވުރެ މަތީ ރޭންކަކާއި އެއްފެންވަރުގެ މަޤާމެއްގައި ނުވަތަ މަޤާމުގެ މަސައްކަތާގުޅޭ ދާއިރާއެއްގައި 3 އަހަރުދުވަހު އުޅެ ތަޖުރިބާ ލިބިފައިވުން ނުވަތަ މަޤާމުގެ މަސައްކަތާގުޅޭ ދާއިރާއެއްގައި އުޅެ 3 އަހަރުދުވަހުގެ ތަޖުރިބާ ލިބިފައިވުން ނުވަތަ މަޤާމުގެ މަސައްކަތާގުޅޭ ދާއިރާއެއްގައި އެފެންވަރުގެ މަޤާމެއްގައި މަސައްކަތްކުރަމުންދާ މީހެއްކަމުގައިވުން.
މަޤާމުގެ އަސާސީ މުސާރަ: -/4465 ރުފިޔާ
ސާވިސް އެލަވަންސް: -/1500 ރުފިޔާ
އިތުރުގަޑީގެ ފައިސާ: މިމަޤާމުގައި މަސައްކަތްކުރާ މުވައްޒަފަށް ވެސް އިތުރުގަޑީގައި މަސައްކަތްކުރާނަމަ ހަމަޖެހިފައިވާ އުސޫލުން އިތުރުގަޑީގެ ފައިވާ ދެވޭނެއެވެ.
ވަޒީފާއަށް އެންމެ ޤާބިލު ފަރާތެއް ހޮވުމުގައި ބެލެވޭނޭ ކަންތައްތައް:
- ހާސިލުކޮށްފައިވާ ތަޢުލީމާއި، ތަމްރީނަށް
- މަސައްކަތުގެ ދާއިރާއިން ލިބިފައިވާ ތަޖުރިބާ
- ޤާބިލުކަން ކަށަވަރުކުރުމަށްޓަކައި ކުރެވޭ އިންޓަވިއު
މަޤާމުގެ މައިގަޑު މަސައްކަތް:
- އިދާރީ މަސައްކަތް
- އިންވެންޓްރީ އާއި ސްޓޮކް ބެލެހެއްޓުމުގެ މަސައްކަތް
- މުވައްޒަފުންގެ ހާޒިރީ ބެލެހެއްޓުމުގެ މަސައްކަތް
އިންޓަވިއު ކުރުން
މިވަޒީފާއަށް އެދިފައިފައިވާ ޝަރުޠު ހަމަވާ ފަރާތްތަކުގެ އަދަދު 20 އަށްވުރެ އިތުރުވާނަމަ ވަޒީފާއަށް ކުރިމަތިލާފައިވާ ފަރާތްތަކުގެ ތަޢުލީމާއި ތަޖުރިބާއަށް ބަލައި ޝޯޓްލިސްޓް ކުރެވޭނެއެވެ.
ހުށަހަޅަންޖެހޭ މަޢުލޫމާތު:
- ސިވިލްސާވިސްގެ ވަޒީފާއަށް އެދޭ ފޯމު (ފުރިހަމަކުރުމަށްފަހު) މިފޯމު މިސްކޫލުން ލިބެން ހުންނާނެ
- މުއްދަތު ހަމަނުވާ ދިވެހިރައްޔިތެއްކަން އަންގައިދޭކާޑުގެ ސާފު ކޮޕީ
- ތަޢުލީމީ ސެޓްފިކެޓްތަކުގެ ކޮޕީ (އެކްރެޑިޓްކޮށް އެޓެސްޓްކޮށްފައިވާ)
- ލިބިފައިވާ ތަޖުރިބާ ހާމަކޮށްދޭ ލިޔުންތައް
- ވަޒީފާއަށް ކުރިމަތިލާ ފަރާތުގެ ސީ،ވީ
- ސަރުކާރަށް ޚިދުމަތްކުރުމުގެ އެއްބަސްވުމެއް އޮތް މުވައްޒަފުން، ކުރިމަތިލާ މަޤާމަށް ހޮވިއްޖެނަމަ އަދާކުރަމުންދާ ވަޒީފާއިން ދޫކުރުމާއިމެދު އިއުތިރާޒެއް ނެތްކަމަށް، އެމުވައްޒަފަކު ވަޒީފާ އަދާކުރާ އޮފީހުގެ ރަސްމީ ލިޔުމެއް ހުށަހަޅަންވާނެއެވެ.
ކުރިމަތި ލުމުގެ މުއްދަތާއި، ކުރިމަތިލާނެގޮތް:
މިމަޤާމަށް ކުރިމަތިލެއްވުމުމަށް އެދިވަޑައިގަންނަވާ ފަރާތްތަކުން ސިވިލް ސާވިސްގެ ވަޒީފާއަށް އެދި ހުށަހަޅާ ފޯމު ފުރިހަމަކުރެއްވުމަށްފަހު މަތީގައި ދެންނެވިފައިވާ ލިޔުންތަކާއެކު 17 ސެޕްޓެންބަރު 2015 ވާ ހޯމަދުވަހުގެ މެންދުރުފަހު 02:00 ގެކުރިން މިސްކޫލަށް ހުށަހެޅުއްވުން އެދެމެވެ.
އިތުރު މަޢުލޫމާތު ހޯއްދެވުމަށް ގުޅުއްވާނީ: 7983074
އީމެއިލް :[email protected]
24 ޛުލްޤަޢިދާ 1436