މަޤާމު       

ސީނިއަރ އެޑްމިނިސްޓްރޭޓިވް އޮފިސަރ

ސެކްޝަން

ޕްރޮކިއުމެންޓް އެންޑް މެއިންޓެނަންސް

ބޭނުންވާ ޢަދަދު:

01 (އެކެއް)

ރޭންކް:                

MS 1

މަޤާމުގެ ޝަރުޠު:

• މަޤާމުގެ މަސައްކަތް ކުރުމުގެ ހުނަރު/ ޤާބިލުކަން އިންޓަރވިއުގައި ސާބިތުކޮށްދިނުމާއެކު، މަޤާމަށް ބޭނުންވާ ދާއިރާއަކުން ޑިޕްލޮމާ ހާސިލުކޮށްފައިވުން، ނުވަތަ،
• މަސައްކަތުގެ ފެންވަރު ބެލުމުގެ ނިޒާމުން ވަޒީފާގެ ކުރިއެރުން ޙައްޤުވާ މަކްހެއް ލިބެމުންދިޔުމާއެކު GS 4 ރޭންކުގައި މަދުވެގެން 3 އަހަރު ދުވަހުގެ މަސައްކަތު ތަޖުރިބާ ލިބިފައިވުން

އިންޓަރވިއުގައި ސާބިތު ކޮށްދޭންޖެހޭ ޤާބިލުކަން

• އޮފީހުގެ ފަރުނީޗަރތަކާއި އިކުއިޕްމަންޓްސް އެއްތަނުން އަނެއްތަނަށް (ސިޑިންމައްޗަށާއި ތިރިއަށް) ބަދަލުކުރާއިރު މި ތަކެތި އުފުލުމުގައި ޢަމަލީގޮތުން ބައިވެރިވެވޭފަދަ ޤާބިލު މީހަކަށްވުން.
• މެއިންޓެނެންސް މަސައްކަތް އާންމުގޮތުގައި ކުރިއަށްދަނީ ނުރަސްމީ ގަޑިތަކުގައި (މެންދުރުފަހާއި، ރޭގަނޑު) އާއި ބަންދު ދުވަސްތަކުގައި ކަމަށްވާތީ، މި ވަގުތުތަކުގައި މަސައްކަތް ކުރެވޭފަދަ ހީވާގި މީހަކަށްވުން.
• މެއިންޓެނެންސް މަސައްކަތް ކުރުމުގެ ވައްޓަފާޅި އާއި މަސައްކަތްކުރުވުމުގެ ހުނަރާއި އެކަންކަމަށް ފަންނީ ލަފާދިނުމުގެ ހުނަރު ހުންނަ ފަރާތަކަށް އިސްކަންދެވޭނެއެވެ.
• މެއިންޓެނެންސް މަސައްކަތާގުޅޭ އެއްޗެހި ހޯދުމާއި، އަގުބެލުމާއި، އެކިތަންތަނަށް ގޮސް ލަފާހޯދުމުގެ ކަންކަމުގައި ރަސްމީ ގަޑިއާއި ނުރަސްމީ ގަޑިތަކުގައި އޮފީހުން ބޭރުގައިވެސް ހަރަކާތްތެރިވެވޭ ފަދަ ޤާބިލް މީހަކަށް ވުން.

މަޤާމުގެ މައިގަނޑު މަސްއޫލިއްޔަތު

• މެއިންޓެނެންސް މަސައްކަތް ސުޕަވައިޒްކޮށް ބެލެހެއްޓުން: 
• ޢިމާރާތާއި ވެހިކަލްތަކާއި، ފަރުނީޗަރާއި މެޝިންތަކުގެ މަރާމާތެއް ހުރިތޯ ދުވަހުން ދުވަހަށް ބަލައި، ކުރަންހުރި މަރާމާތުގެ ލިސްޓް ތައްޔާރުކޮށް ވެރިއަކު ލައްވާ ސޮއިކުރުވައި ވެރިއަކު އަންގަވާ ގޮތެއްގެ މަތިން މިކަން ފުރިހަމަ ކުރުން.
• ފަރުނީޗަރާއި ހިފާގެންގުޅޭ ތަކެތި ފޮޅާ ސާފުކުރުމުގެ މަސައްކަތް ބެލެހެއްޓުން:
• ފަރުނީޗަރާއި އިމާރާތާއި، ވެހިކަލްތައް ސާފުކުރާނެ އުސޫލެއް ހަމަޖައްސައި، ސާފުކުރުމުގެ މަސައްކަތް ކުރުވުން،
• އިންވެންޓްރީ، މާލިއްޔަތު ގަވާއިދުގައިވާ ގޮތަށް މަޢުލޫމާތު ފުރިހަމަކުރުން:
• ކޮންމެ ތިންމަހެއް ނިމުމުގެ ކުރިން އިންވެންޓްރީ އަޕްޑޭޓްކޮށް އުނިވި ތަކެއްޗާއި އިތުރުވި ތަކެތީގެ ލިސްޓެއް ނަގައި ވެރިއަކު ލައްވައި ސޮއިކުރުވައި އެކަން ބެލެހެއްޓުން.
• ރަސްމީ ގަނޑީގައާއި ނުރަސްމީ ގަޑީގައި މެއިންޓެނެންސްގެ މަސައްކަތާ ގުޅޭގޮތުން އެކިތަންތަނަށްގޮސް ލަފާހޯދުމާއި، އަގުބެލުމާއި، ކަނޑައަޅާ ވަގުތުތަކަށް މަސައްކަތް ފުރިހަމަ ކުރުން.
• ނީލަމަށް ތަކެތި ފޮނުވުމާއި އިންވެންޓްރީން އެތަކެތީގެ ރެކޯޑް ބެލެހެއްޓުން:
• މަހަކު އެއްފަހަރު ނީލަމަށް ފޮނުވަނެޖެހޭ އެއްޗެއް ހުރިތޯ ބަލައި ނީލަމަށް ފޮނުވާ ތަކެތީގެ ލިސްޓް ތައްޔާރުކޮށް ވެރިއަކު ލައްވައި ސޮއިކުރުވައި ތަކެތި ނީލަމަށް ފޮނުވައި އެތަކެތީގެ ރިޕޯޓް ބެލެހެއްޓުން އަދި ނީލަމަށް ފޮނުވާ ތަކެތި ވީނުވީގޮތެއް ބަލައި ރިކޯޑް ބެލެހެއްޓުން.
• ޕެޓީކޭޝް ފައިސާއިން ގަންނަން ޖެހޭ ތަކެތި ޑޮކިއުމެންޓްތައް ހަމަކޮށް ގަވާއިދުން އެތަކެތި ސެކްޝަނަށް ހޯދުން: މިގޮތުން ހޯދާ ތަކެތީގެ ބިލްތަކާއި އެންމެހާ ލިޔުންތައް 1 ދުވަސް ތެރޭ ބަޖެޓް ސެކްޝަނާ ޙަވާލުކޮށް ރެކޯޑް ބެލެހެއްޓުން.
• މެއިންޓަނަންސްގެ ޔައުމިއްޔާ ދުވަހުންދުވަހަށް ލިޔެ ބެލެހެއްޓުން.
• އޮފީހުގެ ފަރާތުން ބާއްވާ ބައްދަލުވުންތަކާއި ޖަލްސާތައް އިންތިޒާމްކުރުމާއި އެކަމާ ގުޅިގެން ކުރަންޖެހޭ އިންތިޒާމްތައް ރާވާ ބެލެހެއްޓުން.
• ސެކްޝަންގެ މުވައްޒަފަކު ސަލާމްބުނެ ޗުއްޓީ ނަންގަވައިފިނަމަ އެ މުވައްޒަފެއްގެ މަސައްކަތްތައް ކުރުމުގައި ސެކްޝަންގެ ވެރިޔާ އަންގަވާގޮތެއްގެ މަތިން އެހީތެރިވެދިނުން.
• މީގެ އިތުރުން ވެސް ރަސްމީ ގަޑީގައާއި ނުރަސްމީ ގަޑީގައި ދިމާވާ ޚާއްޞަ ކަންކަމާ ގުޅިގެން އޮފީހުގެ މަސައްކަތެއް ޙަވާލުކޮށްފިނަމަވެރިއަކު އަންގަވާ ގޮތެއްގެ މަތިން އެކަމެއް ކުރުން

މުސާރަ:

-/5610 ރ. (ފަސްހާސް ހަސަތޭކަ ދިހަ ރުފިޔާ)

އެލަވަންސްތަކާއި އިނާޔަތްތައް: 

ސަރވިސް އެލަވަންސްގެ ގޮތުގައި މަހަކު -/2000 ރ (ދެހާސްރުފިޔާ ) އާއި ލިވިންގ އެލަވަންސްގެ ގޮތުގައި މަހަކު -/2850 ރ (ދެހާސް އަށްސަތޭކަ ފަންސާސް ރުފިޔާ) ހަމަޖެހިފައިވާ އުސޫލުން ޖުޑިޝަލް އެލަވަންސްގެ ގޮތުގައި މުސާރައިގެ%45 އާއި އިތުރުގަޑީގައި މަސައްކަތް ކޮށްފިނަމަ ހަމަޖެހިފައިވާ އުސޫލުން އިތުރުގަޑީގެ ފައިސާގެ ދެވޭނެއެވެ.