މޯލްޑިވިއަން ބްލަޑް ސަރވިސަސްގައި މަސައްކަތް ކުރެއްވުމަށް ޝައުޤުވެރިވާ ފަރާތްތަކަށް މަރުޙަބާ ދަންނަވަމެވެ. މިވަޒީފާއަށް ބޭނުންވަނީ މަސައްކަތަށް ޝައުޤުވެރިކަން ހުރި ޤާބިލު މީހެކެވެ.

މަޤާމު: މެޑިކަލް އޮފިސަރ

ބޭނުންވާ އަދަދު: 1 (އެކެއް)

މަސައްކަތް ކުރަންޖެހޭ އޮފީސް: މޯލްޑިވިއަން ބްލަޑް ސަރވިސަސް

މަޤާމުގެ ގިންތި: ދާއިމީ

ވަޒީފާ އަދާކުރާ ސެކްޝަނާއި ތަން: ތެލަސީމިއާ އެންޑް އަދަރ ހިމޮގްލޯބިނޯޕަތީސް ސެންޓަރ

ވަޒީފާގައި ކުރަންޖެހޭ މައިގަނޑު މަސައްކަތްތައް

1. ތެލަސީމިއާ އެންޑް އަދަރ ހިމޮގްލޯބިނޯޕަތީސް ޕޭޝަންޓުން އޯ.ޕީ.ޑީ ގައި ބެލުން.
2. ތެލެސީމިއާ ކުދިން ވޯޑުގައި ލޭ ގުޅައިގެން ތިބޭވަގުތު ލޭ އެޅުމުގެ ސަބަބުން ދިމާވާ ޞިއްޙީ ހާލަތްތަކަށް ފަރުވާ ދިނުން.
3. ތެލެސީމިއާ ކުދިންގެ ލޭގައި ޖަމާވަމުންދާ ދަގަނޑުގެ މާއްދާތައް، އެކުދިންގެ ހަށިގަނޑުގައި ދަގަނޑު ހުންނަންޖެހޭ މިންވަރަށްވުރެ އިތުރަށް ޖަމާވިޔަ ނުދިނުމަށްޓަކައި، އެކުދިންނަށް ގަވާއިދުން ދޭންޖެހޭ ފަރުވާ ދިނުން.
4. ތެލަސީމިއާ ކުދިންގެ ފަރުވާއާބެހޭ މަޢުލޫމާތުތައް އެކުދިންގެ ބެލެނިވެރިންނަށް ރަނގަޅަށް އޮޅުންފިލުވައިދީ ދޭންޖެހޭ އިރުޝާދު ދިނުން.
5. ތެލަސީމިއާ ކުދިންގެ ފަރުވާގެ ނިޒާމު ހަރުދަނާކުރުމަށާއި ތެލެސީމިއާ ކޮންޓްރޯލްކުރުމަށާއި ތެލެސީމިއާއަށް ހޭލުންތެރިކަން އިތުރުކުރުމަށް އެޑިޔުކޭޝަން، އިންފޮމޭޝަން އަދި ކޮމިއުނިކޭޝަން މެޓީރިއަލްސް ތައްޔާރު ކުރުން.
6. ތެލަސީމިއާ ކުދިންގެ ފަރުވާގެ ނިޒާމް ހަރުދަނާކުރުމަށާއި ތެލެސީމިއާ ކޮންޓްރޯލްކުރުމަށާއި ތެލެސީމިއާއަށް ހޭލުންތެރިކަން އިތުރުކުރުމަށް ރާއްޖޭގެ އަތޮޅުތަކުގައި ހިންގޭ ޕްރޮގްރާމްތަކުގައި ބައިވެރިވުން.
7. ހިލޭސާބަހަށް ލޭހަދިޔާކުރުމަށް އާންމުން ހޭލުންތެރިކަން އިތުރުކުރުމަށް އެޑިޔުކޭޝަން، އިންފޮމޭޝަން، ކޮމިއުނިކޭޝަން މެޓީރިއަލްސް ތައްޔާރުކުރުމާއި ބްލަޑް ޑޮނޭޝަން ކޭމްޕްތަކުގައި ބައިވެރިވުން.

މަޤާމުގެ ޝަރުޠުތަކާއި އިނާޔަތްތައް

އިތުރު އިނާޔަތްތައް: އިތުރުގަޑީގައި މަސައްކަތްކުރާނަމަ ހަމަޖެހިފައިވާ އުސޫލުން އިތުރުގަޑީގެ ފައިސާ ލިބޭނެއެވެ.

މަޤާމު: ލެބޯޓްރީ ޓެކްނޮލޮޖިސްޓް

ބޭނުންވާ އަދަދު: 1 (އެކެއް)

މަސައްކަތް ކުރަންޖެހޭ އޮފީސް: މޯލްޑިވިއަން ބްލަޑް ސަރވިސަސް

މަޤާމުގެ ގިންތި: ދާއިމީ

ވަޒީފާ އަދާކުރާ ސެކްޝަނާއި ތަން: ލެބޯޓްރީ

މުސާރައާއި އިނާޔަތްތައް:

ވަޒީފާގައި ކުރަންޖެހޭ މައިގަނޑު މަސައްކަތްތައް

1. ޕޭޝަންޓުންނާއި ޑޯނަރުންގެ ބްލަޑް ސާމްޕަލް ނެގުން.
2. ޑޯނަރުންނާއި ޕޭޝަންޓުންގެ ޓީ.ޓީ.އައި ސްކްރީނިންގް ކުރުމާއި އެންޓިބޮޑީ ސްކްރީންކުރުމައި، ރިޕޯޓު ތައްޔާރުކުރުމާއި، ރިޕޯޓުތައް ފައިލްކޮށް ބެލެހެއްޓުން
3. ޕޭޝަންޓުންގެ ކްރޮސް މެޗް ހަދާ ރިޕޯޓު ތައްޔާރުކުރުމައި ރިޕޯޓުތައް ފައިލްކޮށް ބެލެހެއްޓުން.
4. ލެބޯޓްރީގައި ބޭނުންކުރަމުންދާ ހުރިހާ އިކުއިޕްމަންޓްސްތައް ދުވަހުން ދުވަހަށް ސާފުކޮށް ބެލެހެއްޓުން
5. ލެބޯޓްރީން އުކާލަންޖެހޭ ކުނި އޮންނަ އުސޫލުތަކާ އެއްގޮތަށް ނައްތާލުން.
6. ލެބޯރެޓަރީއަށް އަލަށް ބޭނުންވާ ޕްރޮޓޮކޯލްސްތަކާއި، ގައިޑްލައިންސްތަކާއި، އެސް.އޯ.ޕީތައް ލިޔެ ތައްޔާރުކުރުމުގައި ރިވައިޒްކުރުމުގައި އެހީތެރިވެދިނުން.
7. ލެބޯޓަރީއަށް ބޭނުންވާ ތަކެތީގެ ސްޓޮކް ބެލެހެއްޓުން.
8. ލެބޯޓަރީގެ މަސައްކަތްތަކާ ގުޅޭ ދިރާސާތައް، އެކިއެކި ފަރާތްތަކާ ގުޅިގެން ކުރުމަށް ބޭނުންވާ އެހީތެރިކަން ދިނުން.
9. ލޭ ހަދިޔާ ކުރުމާބެހޭ ގޮތުން ޢާންމު ހޭލުންތެރިކަން އިތުރުކުރުމާއި، އަލަށް ލޭ ހަދިޔާކުރުމަށް އެދޭ ފަރާތްތައް އިތުރުކޮށް ދާއިމީ ގޮތެއްގައި ލޭ ހަދިޔާކުރުމަށް ބާރުއެޅުމުގެ ގޮތުން ހިންގަންޖެހޭ ޕްރޮގްރާމްތަކުގައި ބައިވެރިވުން.
10. ލޭ ބޭނުންވާ ފަރާތްތަކަށް ބޭނުންވާ ލޭ ހޯދުމަށްޓަކައި ހިންގޭ ބްލަޑް ކޭމްޕްތަކުގައި ބައިވެރިވުން

މަޤާމުގެ ޝަރުޠު ތަކާއި އިނާޔަތްތައް

އިތުރު އިނާޔަތްތައް: އިތުރުގަޑީގައި މަސައްކަތްކުރާނަމަ ހަމަޖެހިފައިވާ އުސޫލުން އިތުރުގަޑީގެ ފައިސާ ލިބޭނެއެވެ.

ވަޒީފާއަށް އެންމެ ޤާބިލު މީހަކު ހޮވުމަށް ބެލޭނެ ކަންތައް

• ހާސިލުކޮށްފައިވާ ތަޢުލީމާއި ތަމްރީނަށް ބަލައިގެން
• މަސައްކަތުގެ ދައިރާއިން ލިބިފައިވާ އަޖުރިބާއަށް ބަލައިގެން
• ޤާބިލްކަން ކަށަވަރުކުރުމަށް އިންޓަރވިއުކޮށްގެން
• މީގެ އިތުން ކޮމްޕިއުޓަރަށް އަހުލުވެރިވެފައިވާ މިންވަރު ބެލޭނެ.

ހުށަހަޅަންޖެހޭ ލިޔުންތައް

1. ސިވިލް ސަރވިސްގެ ވަޒީފާއަށް އެދޭ ފޯމު މިއޮފީހުންގެ ކައުންޓަރުން ލިބެން ހުންނާނެއެވެ. އަދި ސިވިލް ސަރވިސް ކޮމިޝަނުގެ www.csc.gov.mv ވެބްސައިޓުން މި ފޯމު ޑައުންލޯޑް ކުރެވެން ހުންނާނެއެވެ.
2.  ސިވިލް ސަރވިސްއަށް/ ސަރުކާރަށް ޚިދުމަތްކުރުމުގެ އެއްބަސްވުމެއް އޮތް މުވައްޒަފުން، ކުރިމަތިލާ މަޤާމަށް ހޮވިއްޖެނަމަ، އަދާކުރަމުންދާ ވަޒީފާއިން ވީއްލުމާމެދު އިއުތިރާޒެއް ނެތްކަމަށް، އެ މުވައްޒަފު ވަޒީފާ އަދާކުރާ އޮފީހުގެ ލިޔުން.
3. ވަޒީފާއަށް އެދޭ ފަރާތަށް ލިބިފައިވާ ތަޢުލީމާއި ތަމްރީނު ދެނެގަތުމަށް ބޭނުންވާ ލިޔުންތައް. (މޯލްޑިވްސް ކޮލިފިކޭޝަން އޮތޯރިޓީން އެކޮރެޑިޓް ކޮށްފައިވާ ސެޓުފިކެޓުގެ ކޮޕީ)
4. މަސައްކަތުގެ ތަޖުރިބާ ދެނެގަތުން، މަސައްކަތްކޮށްފައިވާ އިދާރާތަކުން ދޫކޮށްފައިވާ ލިޔުންތަކުގެ ކޮޕީ.
5. ވަޒީފާއަށް އެދޭ ފަރާތުގެ ކާކުކަން އަންގައިދޭ ކާޑުގެ ދެފުށުގެ ކޮޕީ (ލިޔެފައިވާ ލިޔުންތައް ކިޔަން އެނގޭފަދަ ކޮޕީ)
6. ވަޒީފާއަށް އެދޭ ފަރާތުގެ ވަނަވަރު/ ސީވީ

މަޤާމަށް އެދެންވީގޮތާއި ސުންގަޑި

ވަޒީފާއަށް އެދި ހުށަހަޅަންޖެހޭ އަކެތި ހުށަހަޅާނީ މޯލްޑިވިއަން ބްލަޑް ސަރވިސަސްއަށެވެ. ތަކެތި ހުށަހެޅުމުގެ ސުންގަޑިއަކީ 06 ސެޕްޓެންބަރު 2015 ވާ އާދީއްތަ ދުވަހުގެ 14:30 އެވެ.

އިންޓަވިއު ކުރުން

މިވަޒީފާއަށް މީހުން ހޮވުމަށް ކުރެވޭ އިންޓަވިއު އޮންނާނީ، 07 ސެޕްޓެންބަރު 2015 އާއި 10 ސެޕްޓެންބަރު 2015 އާ ދެމެދު މޯލްޑިވިއަން ބްލަޑް ސަރވިސަސްގައެވެ.

ނޯޓް: މިވަޒީފާއަށް އެދިފައިވާ ޝަރުޠު ހަމަވާ ފަރާތްތަކުގެ އަދަދު 10 އަށްވުރެ ގިނަނަމަ ތަޢުލީމީ ފެންވަރާއި ތަޖުރިބާއަށް ބަލައި 10 ފަރާތެއް ޝޯޓްލިސްޓް ކުރެވޭނެއެވެ.