މި ކޯޓުން ހިންގާ ކާވެންޏަށް ހޭލުންތެރިކުރުމުގެ ޕްރޮގްރާމުގައި ތިރީގައި މިވާ ދާއިރާތަކުން މަޢުލޫމާތު ދެއްވާނެ ލެކްޗަރަރއިން ބޭނުންވެއެވެ.

ވީމާ، މިކަމަށް ޝައުޤުވެރިވެލައްވާ ބޭފުޅުން ތަޢުލީމާއި ތަޖުރިބާ ބަޔާންކޮށްދޭ ލިޔުންތަކާއެކު 2015 ސެޕްޓެންބަރު 17 ވަނަ ދުވަހުގެ 14:30ގެ ކުރިން އެ ބޭފުޅަކު ޝައުޤުވެރިވާ ދާއިރާ ބަޔާންކޮށް ސިޓީއަކުން ހުށަހެޅުއްވުން އެދެމެވެ.

ޝަރުޠު: މަޢުލޫމާތު ދެއްވާ ދާއިރާއަކުން ތަޢުލީމު ހާސިލުކޮށްފައިވުން.

އުޖޫރަ: މަޢުލޫމާތު ދެއްވުމަށް ވަޑައިގަންނަވާ ކޮންމެ ގަޑިއަކަށް -/250 ރުފިޔާގެ ރޭޓުން ފައިސާ ލިބިވަޑައިގަންނަވާނެއެވެ.

މަޢުލޫމާތު ދެއްވުމަށް ހަމަޖެހިފައިވާ ދާއިރާތައް:

އިސްލާމްދީނުގެ ހިދާޔަތުގެ އަލީގައި ޢާއިލާއެއް ބިނާކުރުން: އިސްލާމްދީނުގައި ދެމަފިރިންނަށް ދެވިފައިވާ މަޤާމާއި އެމީހުންގެ ދައުރު ހާމަކޮށްދީ ދީނުގައި އަންގަވާފައިވާ ގޮތުގެ މަތިން ޢާއިލީ ދިރިއުޅުން ބިނާކުރާނެގޮތް

އިޖުތިމާޢީ ބައި: އަލަތު ކާވެންޏެއްކުރަން ބޭނުންވާނެ އިޖުތިމާޢީ ކަންތައްތަކާއި، އިޖުތިމާޢީ ގޮތުން ދިމާވާ ކަންކަން ހައްލުކުރާނެ ގޮތް

ޞިއްޙީ ބައި: ޞިއްޙީގޮތުން ދެމަފިރިންނަށް އެނގެންޖެހޭ ކަންކަމާއި ދިމާވާ މައްސަލަތައް ހައްލުކުރާނެގޮތް.

10 ޛުލްޤަޢިދާ 1436