ދަނޑުވެރިކަމާއި ދިރޭ ތަކެއްޗާ ބެހޭ ވުޒާރާގެ އެނިމަލް ވެލްފެއަރ ޑިޕާޓްމަންޓުން ކުރިއަށްގެންދާ މަޝްރޫޢުތަކުގައި މި މިނިސްޓްރީއާ ގުޅިގެން މަސައްކަތްކުރަން ޝައުޤުވެރިވާ އެންޖީއޯތައް/ޖަމްޢިއްޔާތައް ހޯދުމަށް ކުރިން ކުރި ނަންބަރު (IUL)VS/492/2025/16) އިޢުލާނާ ގުޅިގެން އެންމެ ފަރާތަކުން ކުރިމަތިލާފައިވާތީ، އަލުން މި ފުރުޞަތު ހުޅުވައިލަމެވެ. މިގޮތުން، މިފުރުސަތު ހުޅުވައިލަނީ ހަމައެކަނި ހިލޭސާބަހަށް މަސައްކަތްކުރާ އެންޖީއޯ/ޖަމްޢިއްޔާތަކަށެވެ.

މިކަމަށް ޝައުޤުވެރިވެ، ކުރިމަތިލާ އެންޖީއޯތަކުން ތިރީގައި ބަޔާންކުރާ ލިޔެކިޔުންތައް ހުށަހަޅަންވާނެއެވެ.

□ އެންޖީއޯ/ޖަމްޢިއްޔާގެ  ރަޖިސްޓަރީ ކޮޕީ. 

□ އެންޖީއޯ/ޖަމްޢިއްޔާގެ ޕްރޮފައިލް. 

□ އެންޖީއޯ/ޖަމްޢިއްޔާގެ ހިންގާ ޤަވާޢިދު. 

□ އެންޖީއޯ/ޖަމްޢިއްޔާގެ ހިންގާ ކޮމިޓީގެ މެންބަރުންގެ މަޢުލޫމާތު.  

□ ބައިނަލްއަޤުވާމީ ރެކޮގްނިޝަނެއްވާނަމަ، އެކަމުގެ ލިޔުން. 

□ މީގެކުރިން ކޮށްފައިވާ، މިދާއިރާއާ ގުޅުންހުރި މަސައްކަތްތަކުގެ ތަފުޞީލު (ތަޖުރިބާ).

□ ގުޅޭނެ ފަރާތެއްގެ ނަމާއި ފޯނު ނަންބަރު.

    ވީމާ، މި މިނިސްޓްރީގެ އެނިމަލް ވެލްފެއަރ ޑިޕާޓްމަންޓާ ގުޅިގެން މަސައްކަތްކުރަން ބޭނުންވާ އެންޖީއޯތަކުން، 04 މެއި 2025  ވާ އާދީއްތަ ދުވަހުގެ 14:00 ކުރިން މި މިނިސްޓްރީގެ (ވެލާނާގެ 7 ވަނަ ފަންގިފިލާ) ކައުންޓަރަށް ނުވަތަ، އީމެއިލް [email protected] އަށް ލިޔެކިޔުންތައް ހުށަހެޅުއްވުން އެދެމެވެ. އިތުރު މަޢުލޫމާތު ހޯއްދެވުމަށް 3339288 ނަންބަރު ފޯނާ ގުޅުއްވުން އެދެމެވެ.