އިޢުލާން

ވަޒީފާގެ ފުރުޞަތު:
މޯލްޑިވްސް ޕޮލިޓެކްނިކަށް، ތިރީގައިމިވާ މަޤާމަށް މީހަކު ހޯދުމަށް އިޢުލާން ކުރަމެވެ.

މަޤާމް: އެޑްމިނިސްޓްރޭޓިވް އޮފިސަރ

ބޭނުންވާ އަދަދު: 1 (އެކެއް)                 

މަޤާމުގެ ގިންތި: ދާއިމީ

މަޤާމުގެ ރޭންކް: ޖީ. އެސް. 4

މަޤާމުގެ ކްލެސިފިކޭޝަން: އޮފިސަރ ގްރޭޑް 2

މުސާރަ: -/5020 ރުފިޔާ

ސަރވިސް އެލަވަންސް: -/1500 ރުފިޔާ

ވަޒީފާ އޮތް އޮފީސް: މޯލްޑިވްސް ޕޮލިޓެކްނިކް، މާލެ

ވަޒީފާއަދާކުރާ ސެކްޝަނާއި ތަން: ފިނޭންސް އެންޑް ފެސިލިޓީސް, މޯލްޑިވްސް ޕޮލިޓެކްނިކް

ވަޒީފާގައި ކުރަންޖެހޭ މައިގަނޑު މަސައްކަތްތައް:

1- ޕޮލިޓެކްނިކުގެ އަހަރީ ބަޖެޓް ތައްޔާރުކުރުމަށް ބޭނުންވާ މަޢުލޫމާތު ހޯދައި، ބަޖެޓް ތައްޔާރުކުރުމަށް ކަނޑައެޅޭ ސުންގަޑީގެ ކުރިން ތައްޔާރުކޮށް، ފޮނުވަންޖެހޭ އިދާރާތަކަށް ފޮނުވުން.

2- ޕޮލިޓެކްނިކަށް އެންމެ ބޭނުންވާ ހަރަކާތްތަކަށް އިސްކަންދީގެން، ކަނޑައެޅިފައިވާ އުސޫލުތަކުގެ ތެރެއިން ބަޖެޓް މެނޭޖްކުރުން.

3- ޚިދުމަތް ހޯދާ ބިލްތަކަށް ލަސްނުކޮށް ފައިސާ ދެއްކުމުގެ އިންތިޒާމް ހަމަޖެއްސުން.

4- ކަނޑައެޅިފައިވާ އުސޫލުތަކުގެ މަތިން މުވައްޒަފުންގެ މުސާރަ ދިނުމުގައި، ފައިނޭންސް ސެކްޝަނާ ގުޅުންހުރި އެންމެހައި ހަރަކާތްތައް ފުރިހަމަކުރުން.

5- ފައިސާ ދެއްކުނު ބިލުތަކާއި، ފައިސާ ނުދެއްކި ހުރި ބިލްތައް ތަފްސީލް އަޕްޑޭޓްކޮށް ބެލެހެއްޓުމާއި، އެ މަޢުލޫމާތު ހިއްސާކުރަންޖެހޭ އޮފީހުގެ ވެރިންނާ ހިއްސާކުރުން.

6- ޕޮލިޓެކްނިކުން ދެވޭ ޚިދުމަތްތަކަށް ބުރޫއަރާފަދަ ބިލްތަކަށް ފައިސާ ދެއްކުމުގެ އިންތިޒާމް ހަލުވިކޮށް ކުރިއަށްގެންދިޔުން.

7- ބަޖެޓުގެ ކޯޑްތަކުން ކުރުވާ ޚަރަދުގެ ތަފްސީލާއި، ކޯޑްތަކުގައި ހުރި ބާކީ، ދުވަހުން ދުވަހަށް އަޕްޑޭޓްކޮށް ބލެހެއްޓުމާއި، ބަޖެޓް ކޮންޓްރޯލް ހަދަންޖެހޭ އާލާތްތަކުގައި އޮފީހުން އިސްކަންދޭ ތަރުތީބުން އެކަން ކުރުން.

8- ބަޖެޓާ ގުޅުންހުރި އަހަރީ ހިސާބިތައް އެކުލަވާލައި، ފޮނުވަންޖެހޭ އިދާރާތަކަށް، ކަނޑައެޅޭ ސުންގަޑީގެ ތެރޭގައި ފޮނުވުން.

9- ބަޖެޓް ސެކްޝަނުގެ އިސްވެރިޔާގެ ލަފާގެމަތިން ބަޖެޓްގެ އެންމެހައި ހަރަކާތްތައް ފުރިހަމަކުރުން.

10- އޮފީސް ޑިއުޓީ އަދާކުރުމާއި، އޮފީސް ހުޅުވައި ލެއްޕުން (އޮފީސް ބަންދުކުރާއިރު ތަޅުލަންޖެހޭ ތަންތަން، ޒިންމާދާރުގޮތެއްގައި ބަލައި ޗެކްކުރުން)

11- އަދާކުރާ ވަޒީފާއާ ގުޅޭގޮތުން އިސްވެރިޔާ ހަވާލުކުރާ މަސައްކަތްތައް ކުރުން.

މަޤާމުގެ ޝަރުޠު:

ތަޢުލީމީ ފެންވަރު:

1. އެޑްމިނިސްޓްރޭޝަން/ ބިޒްނަސް/އެކައުންޓިންގ ދާއިރާއަކުން ދިވެހިރާއްޖޭގެ ޤައުމީ ސަނަދުތަކުގެ އޮނިގަނޑުގެ ލެވެލް 4 ގެ ސަނަދެއް ހާސިލްކޮށްފައިވުން. ނުވަތަ؛

2. މަތީ ސާނަވީ އިމްތިޙާނަކުން 2 މާއްދާއިން ދަށްވެގެން 'އީ' ގްރޭޑް ލިބިފައިވުމާއެކު، އޭގެ އިތުރުން، ހަޔަރ ސެކެންޑަރީ  ސްކޫލް ސެޓްފިކެޓް އިމްތިޙާނުގައި 'ދިވެހި' މި މާއްދާއިން ދަށްވެގެން 'ސީ' ގްރޭޑް ލިބިފައިވުން. ނުވަތަ؛

3. ސާނަވީ  އިމްތިޙާނަކުން  2  މާއްދާއިން  ދަށްވެގެން  'ޑީ'  ގްރޭޑް  ލިބިފައިވުމާއެކު،  އޭގެ  އިތުރުން،  ސެކެންޑަރީ  ސްކޫލް  ސެޓްފިކެޓް  އިމްތިޙާނުގައި  'ދިވެހި'  މި  މާއްދާއިން  ދަށްވެގެން  'ސީ'  ގްރޭޑް  ލިބިފައިވުމާއެކު،  މަޤާމުގެ  މަސައްކަތުގެ  ދާއިރާއެއްގައި  2  އަހަރު  ދުވަހުގެ  މަސައްކަތުގެ  ތަޖުރިބާ  ލިބިފައިވުން.

ވަޒީފާއަށް އެންމެ ޤާބިލް ފަރާތެއް ހޮވުމަށް ބެލޭނެ ކަންކަން:

 ހ. ހާސިލްކޮށްފައިވާ ތަޢުލީމާއި ތަމްރީނަށް ބަލައިގެން.

ށ. މަސައްކަތުގެ ދާއިރާއިން ލިބިފައިވާ ތަޖުރިބާއަށް ބަލައިގެން.

ނ. ޤާބިލުކަން ކަށަވަރުކުރުމަށް އިންޓަވިއު ކޮށްގެން.

ރ. ކޮމްޕިއުޓަރަށް އަހުލުވެރިވެފައިވާ މިންވަރަށް ބަލައިގެން.

ބ- މީގެ އިތުރުން، ގިނަވަގުތު މަސައްކަތުގައި އުޅެވޭ ފަރާތަކަށްވުން.

އިންޓަވިއު ކުރުން:

ހ. މި މަޤާމަށް މީހަކު ހޮވުމަށް އިންޓަވިއު އޮންނާނީ، 27 އޮގަސްޓު 2015 އިން 3 ސެޕްޓެންބަރު 2015 އާ ދެމެދުގެ ތާރީޚެއްގައެވެ.

ށ. އިންޓަވިއުއަށް ކިޔާނީ، ވަޒީފާއަށް ކުރިމަތިލާ ފަރާތްތައް ޝޯޓްލިސްޓް ކުރުމަށްފަހު އެފަރާތްތަކަށް އެކަންޏެވެ.

ނ- މި މަޤާމުގެ އިންޓަވިއުއަށް ހާޒިރުވާއިރު، ހުށަހެޅިފައިވާ ސެޓްފިކެޓްތަކުގެ އަސްލާއި، ސެޓްފިކެޓްތަކުގެ އެކްރެޓިއޭޓްކޮށްފައިވާ އަސްލުކޮޕީ ގެންނަންވާނެއެވެ.

ހުށަހަޅަންޖެހޭ ލިޔުންތައް:

ހ- ފުރިހަމަކޮށްފައިވާ އެޕްލިކޭޝަން ފޯމު (ސިވިލް ސަރވިސްގެ ވަޒީފާއަށް އެދޭ ފޯމު، މޯލްޑިވްސް ޕޮލިޓެކްނިކުގެ ކައުންޓަރުން ލިބޭނެއެވެ. އަދި މޯލްޑިވްސް ޕޮލިޓެކްނިކްގެ www.polytechnic.edu.mv ވެބްސައިޓުން ޑައުންލޯޑް ކުރެވޭނެއެވެ.   

ށ- ލިބިފައިވާ ތަޢުލީމާއި ތަމްރީނު ދެނެގަތުމަށް ބޭނުންވާ ލިޔުންތައް (މޯލްޑިވްސް ކޮލިފިކޭޝަންސް އޮތޯރިޓީން ފެންވަރު ބަލައި، ތައްގަނޑު ޖަހާފައިވާ ލިޔުމުގެ ކޮޕީ)

ނ- މަސައްކަތުގެ ތަޖުރިބާ ދެނެގަތުމަށް، މަސައްކަތް ކޮށްފައިވާ އިދާރާތަކުން ދޫކޮށްފައިވާ ލިޔުންތައް.

ރ- ވަޒީފާއަށް އެދޭފަރާތުގެ ދިވެހި ރައްޔިތެއްކަން އަންގައިދޭ ކާޑުގެ ދެފުށުގައިވާ ލިޔުންތައް ފެންނަ، ލިޔެފައިވާ ލިޔުންތައް ކިޔަން އެނގޭފަދަ ކޮޕީއެއް.

ބ- ވަޒީފާއަށް ކުރިމަތިލާ ފަރާތުގެ ވަނަވަރު / ސީ.ވީ (ގުޅޭނެ ފޯނު ނަންބަރާއެކު)

ތަކެތި ހުށަހަޅަންޖެހޭ އޮފީހާއި ސުންގަޑި:

- މި ވަޒީފާއަށް އެދި ހުށަހަޅަންޖެހޭ ތަކެތި ހުށަހަޅާނީ، މޯލްޑިވްސް ޕޮލިޓެކްނިކުގެ (ގ. ރެހެންދި ހިނގުން 1 ވަނަ ފަންގިފިލާ) ކައުންޓަރަށެވެ.

- ތަކެތި ހުށަހެޅުމުގެ ސުންގަޑިއަކީ، 2015 އޮގަސްޓު 26 ވަނަ ދުވަހުގެ 15:00 އެވެ.

ނޯޓް:

މި އިޢުލާނާ ގުޅިގެން މި މަޤާމަށް ކުރިމަތިލާ ފަރާތްތަކުގެ ތެރެއިން ޝަރުޠު ހަމަވާ ފަރާތްތަކާ އިންޓަވިއު ކުރުމަށްފަހު، އޭގެ ތެރެއިން އެންމެ މަތީ މާކްސް ލިބޭ، އަދި އެންމެ ޤާބިލުކަމަށް ފެންނަ ފަރާތަކަށް މި ވަޒީފާ ހަމަޖައްސައިދެވޭނެއެވެ.

އިތުރު މަޢުލޫމާތު:

މި އިޢުލާނާ ގުޅިގެން އިތުރު މަޢުލޫމާތު ސާފުކުރަން ބޭނުންވާ ފަރާތްތަކުން، މޯލްޑިވްސް ޕޮލިޓެކްނިކުގެ 3305401 ނަންބަރު ފޯނަށް ނުވަތަ 3305405 ނަންބަރު ފޯނަށް ގުޅުން އެދެމެވެ.

2 ޛުލްޤަޢިދާ 1436