ކުޅުދުއްފުށި ސިޓީ ކައުންސިލްގެ އިދާރާއިން ކުރިއަށްގެންދާ މޫސުމަށް އަންނަ ބަދަލުތަކާ ގުޅޭ ހޭލުންތެރިކަން އިތުރުކުރުމުގެ ޕްރޮގްރާމްގެ ދަށުން "ކްލައިމެޓް ޗެމްޕިއަންސް" ގެ ގޮތުގައި މަސައްކަތްކުރަން ޝައުޤުވެރިވާ ފަރާތްތަކަށް މި ފުރުޞަތު ވަނީ ހުޅުވާލެވިފައެވެ.

ޝަރުތުތައް:

• ކުޅުދުއްފުށި ސިޓީގެ ދާއިމީ ރައްވެއްސަކަށްވުން.
• އުމުރުން 16 އަހަރާއި 35 އަހަރާއި ދެމެދުގެ ފަރާތެއްކަމުގައިވުން.
• ތިމާވެށި ރައްކާތެރިކުރުމަށް ޝަޢުޤުވެރިކަން ހުރި ފަރާތަކަށްވުން.
• މުޖްތަމަޢީ ހަރަކާތްތަކުގައި ބައިވެރިވުމުގެ ޝަޢުޤުވެރިކަން ހުރުން.

އަދާކުރަންޖެހޭ މަސްއޫލިއްޔަތުތައް:

• ތިމާވެށި ރައްކާތެރިކުރުމާއި ގުޅޭ ޙަރަކާތްތަކުގައި އިސްނަގައިގެން ބައިވެރިވުން.
• މުޖުތަމަޢުގެ ހޭލުންތެރިކަން އިތުރުކުރުމަށް ބާއްވާ ޕްރޮގްރާމްތައް ރާވައި ހިންގުމުގައި އެހީތެރިވެދިނުން.
• ތިމާވެއްޓާއި ރައްޓެހި އާދަތައް އާންމު ކުރުމަށްމަސައްކަތްކުރުން.
• ކުޅުދުއްފުށި ސިޓީ ކައުންސިލުން ކުރިއަށްގެންދާ ތިމާވެށީގެ މަޝްރޫޢުތަކުގައި އިސްނަގައިގެން ބައިވެރިވުން.
• މުޖުތަމަޢުގެ އެކި ފަންތީގެ މީހުންނާއި އެކު މަސައްކަތްކޮށް، އެމީހުންގެ ބައިވެރިވުން އިތުރުކުރުން.

އެޕްލިކޭޝަން ހުށައެޅުން:

ޝައުޤުވެރިވެލައްވާ ފަރާތްތަކުން 20 އޭޕްރިލް 2025 ވާ އާދީއްތަ ދުވަހުގެ 14:00 ގެ ކުރިން ކުޅުދުއްފުށި ސިޓީ ކައުންސިލްގެ އިދާރާއަށް ތިރީގައިވާ ފޯމް މެދުވެރިކޮށް އެޕްލިކޭޝަން ހުށަހެޅުއްވުން އެދެމެވެ.

އެޕްލިކޭޝަން ފޯމް ލިންކް: https://forms.office.com/r/j01suDDCMb

ކްލައިމެންޓް ޗެމްޕިއަންސް ގެ މަސައްކަތުގެ މަޢުލޫމާތު ނުވަތަ ސްކޯޕް އޮފް ވޯކް މި އިއުލާންއާއިއެކު އެއްކަރުދާސްކުރެވިފައިވާނެއެވެ. އިތުރު މަޢުލޫމާތު ސާފުކުރުމަށް ބޭނުންފުޅުވާނަމަ، ރަސްމީ ބަންދު ނޫން ކޮންމެ ދުވަހެއްގެ 14:00 ގެ ކުރިން 6527196 އާއި ގުޅުއްވައިގެން ކުރިއަށްގެންދެވުން އެދެމެވެ.