ދިވެހިރާއްޖެ
ކައުންސިލަށް ލިބެންޖެހޭ ބިމުކުއްޔާއި އެހެނިހެން ފީތަކާއިގުޅޭ؛
ދިގުމުއްދަތަށް އެކި ފަރާތްތަކަށް ކައުންސިލުން ލީސްކޮށްފައިވާ ބިންތަކާއި ޢިމާރާތްތައް އަދި ހޯދާފައިވާ ޚިދުމަތްތަކުން ކައުންސިލަށް ލިބެންޖެހޭ ބިމުކުއްޔާއި ފީތައް ބަރާބަރަށް ދައްކަމުން ނުދާ ފަރާތްތަކަށް ކަނޑައެޅިފައިވާ އުޞޫލުތަކާއި އެއްގޮތަށް ފިޔަވަޅުއެޅުމަށް ކައުންސިލުން ނިންމާފައިވާތީ ދަންނަވަމެވެ.
ދެންނެވުނު ފައިސާތަކަކީ، ކޮންމެ އަހަރެއްގެ އާމްދަނީ ޙަރަކާތެއްގެ ގޮތުގައި ކައުންސިލްގެ ބަޖެޓުގައި ހިމެނޭ ބައެކެވެ. އަދި ކައުންސިލުން އެއަހަރަކު ތަންފީޒުކުރުމަށްޓަކައި ރާވައި ހިންގާ ޙަރަކާތްތަކާއި ޕްރޮގްރާމްތައް ހިންގުމަށްޓަކައި ބަޖެޓަށް ވަންނަންޖެހޭ ފައިސާތަކެއްވެސްމެއެވެ.
ކައުންސިލަށް ލިބެންޖެހޭ ދެންނެވުނު ފައިސާތަކަކީ ދައުލަތުގެ އާމްދަނީއާއި މާލިއްޔަތުގެ އުޞޫލުތައް ހިނގާ ކަމަކަށްވުމުން ދައުލަތުގެ އޮޑިޓަރ ޖެނެރަލްގެ އޮފީހުން އޮޑިޓްކޮށްފައިވާ މިކައުންސިލްގެ އޮޑިޓް ރިޕޯޓްތަކުގައި މިފަދަ ފައިސާތައް ހޯދުމަށް އަންގައި ބާރުއަޅާފައިވުމާއިއެކު މަތީގައި ދެންނެވުނު ލީސްކޮށްފައިވާ ބިންތަކާއި ޢިމާރާތްތައް އަދި ހޯދާފައިވާ ޚިދުމަތްތަކުން ކައުންސިލަށް ލިބެންޖެހޭ ބިމުކުއްޔާއި ފީތައް ދައްކަންޖެހޭ ފަރާތްތަކަށް އެކަން ހަނދުމަފުޅުކޮށްއަރުވަމެވެ.
މިގޮތުން ލީސް އެއްބަސްވުންތަކާއި، ފީތައް ދައްކަން ކަނޑައެޅިފައިވާ އުޞޫލާއި އެއްގޮތަށް ޢަމަލުނުކުރާ ފަރާތްތަކުގެ ކުލީ ބިންތައް ކައުންސިލަށް ނެގުމާއިއެކު، ބިމުކުއްޔާއި ފީތައް ހޯދުމަށްޓަކައި ޤާނޫނީގޮތުން ކޯޓަށް މައްސަލަ ހުށަހަޅާނެ ވާހަކަވެސް ހަނދާންކޮށް ދެންނެވީމެވެ.