މި އަތޮޅުގެ ރަށްރަށުގެ އަންހެނުންނަށް އަމާޒުކޮށްގެން "ތިލައުތުރު ވޮލީ މުބާރާތް - 2025" ނަމުގައި ވޮލީ މުބާރާތެއް މި ކައުންސިލާއި ހޯރަފުށީ ކައުންސިލާ ގުޅިގެން  ހޯރަފުށީގައި ބޭއްވުމަށް ވަނީ ހަމަޖެހިފައެވެ.

މި މުބާރާތުގައި ކޮންމެ ރަށަކުންވެސް ބައިވެރި ވެވޭނީ، އެރަށެއް ތަމްޘީލުކުރާ އެއް ޓީމަށެވެ. މި މުބާރާތް ފެށުމަށް ހަމަޖެހިފައިވަނީ 2025 މެއި 23 ވަނަ ދުވަހުއެވެ. 

މި މުބާރާތުގައި ބައިވެރިވާން ބޭނުންވާ ޓީމްތަކުން، މުބާރާތުގައި ބައިވެރިވުމަށް އެދޭ ފޯމު މި ކައުންސިލްގެ ރަސްމީ އީމެއިލް [email protected] އަށް 2025 އެޕްރީލް 10 ވާ ބުރާސްފަތި ދުވަހުގެ 12:00ގެ ކުރިން މެއިލް ކުރެއްވުން އެދެމެވެ. ފޯމު ހުށަހެޅުމަށް ދީފައިވާ ސުންގަޑީގެ ފަހުން ލިބޭ ފޯމު ބަލައެއް ނުގަނެވޭނެއެވެ.

 އަދި ޓީމްގައި ހިމެނޭ ކުޅުންތެރިން ރަށު ކައުންސިލް އިދާރާއިން ވެރިފައި ކުރުމަށްފަހު، ކުޅުންތެރިންގެ ލިސްޓު (އިތުރު ލިޔުން ހުށަހަޅަންޖެހޭ ކުޅުންތެރިއެއްނަމަ، ލިޔުމާއެކީ) 2025 މެއި 15  ވާ ބުރާސްފަތި ދުވަހުގެ 12:00ގެ ކުރިން ދީފައިވާ ފޯމެޓާ އެއްގޮތަށް މަތީގައި ދެންނެވިފައިވާ އީ-މެއިލަށް ނުވަތަ މި ކައުންސިލް އިދާރާއަށް ހުށަހެޅުއްވުން އެދެމެވެ. މައުލޫމާތު ފުރިހަމަނުވާ ފޯމާއި ސުންގަޑީގެ ފަހުން ހުށަހަޅާ ފޯމު ބަލައި ނުގަނެވޭނެއެވެ. އަދި އެރަށަކަށް ނުވަތަ ކުޅުންތެރިންނަށް މުބާރާތުގައި ބައިވެރި ނުވެވޭނެއެވެ. މުބާރާތުގައި ބައިވެރިވާ ކޮންމެ ޓީމަކުން ޑިޕޮސިޓް ފައިސާގެ ގޮތުގައި 5000.00 ރުފިޔާ (ފަސްހާސް ރުފިޔާ) ޓީމް ލިސްޓް ހުށަހެޅުމުގެކުރިން ހއ. އަތޮޅު ކައުންސިލަށް ދައްކަންވާނެއެވެ.