ދިވެހިރާއްޖެ
އެއްގަމު ތޮށީގައި ދިގަށް އުޅަނދުފަހަރު އެޅުމާއި ގުޅޭ:
ގައްދޫ ބަނދަރު މަޝްރޫޢަކީ ހިންގަމުންދާ އަދި ނިމިފައިނުވާ މަޝްރޫޢަކަށްވާތީ ދެބަނދަރުގެ ތޮއްޖެހުމުން ދިމާވަމުންދާ އުނދަގޫތަކާއި އެހެނިހެންވެސް ތަކުލީފުތައް ބަނދަރު ބޭނުންކުރާ އުޅަނދުފަހަރުތަކުން އުފުލަންޖެހޭކަން ކައުންސިލުން ފާހަނގަކުރެވެއެވެ. ބަނދަރު މަޝްރޫޢު އެއްކޮށް ނިމި ދެބަނދަރު ރަސްމީކޮށް ތަރުތީބުކޮށް ފައްތިޔައަށް އުޅަނދުފަހަރުތައް ދާއިމީ ގޮތަކަށް ލެވުމުން ދެންނެވުނު މައްސަލައަށް ޙައްލުލިބިގެންދާނެއެވެ.
ބަނދަރު ބޭނުންކުރާ ގައްދޫގެ އުޅަނދުތަކާއި އެކިބޭނުންތަކަށް ރަށުން ބޭރުން އަންނަ އުޅަނދުފަހަރަށް ފަސޭހަވާނެ ގޮތަށް ހުރިހާ ފަރާތްތަކުންވެސް ބަނދަރު ބޭނުންކުރުމުގައި އެއްބާރުލުން ދެއްވުމަށް ދަންނަވަމެވެ.
އެހެންކަމުން، ގައްދޫގެ އުތުރު ބަނދަރާއި ދެކުނު ބަނދަރުގައި އެއްގަމު ތޮށީގެ ދިގަށް އަޅާފައިހުރި ލޯންޗްތަކާއި ޑިންގީތައް ރަނގަޅުކޮށްދެއްވުމަށް ދަންނަވަމެވެ. އުޅަނދުފަހަރު އެއްގަމު ތޮށީގެ ދިގަށް އަޅާފައި ހުރުމުގެ ސަބަބުން މުދާ ބޭލުމަށާއި ވަގުތީ ފައްތިޔަ ލުމުގައި އެހެނިހެން އުޅަނދުތަކަށް ޖާގައެއް ނުލިބެއެވެ.
ވީމާ، މިކަން ޙައްލުކޮށްދެއްވުމަށް މިފަދައިން އަޅާފައިހުރި ހުރިހާ އުޅަނދުތަކެއްގެ ވެރިފަރާތަށް ދަންނަވަމެވެ. ރަށުގެ ކަންކަން ރަނގަޅަށް ތަރުތީބުގެ މަގުން ގެންދިއުމަށް ޖަމާޢަތާއި އިންފިރާދީ ގޮތުން ރަޢްޔިތުންގެ ފަރާތުން ކައުންސިލަށް ދެއްވަމުންގެންދަވާ އެއްބާރުލެއްވުމަށް ޝުކުރު ދަންނަވަމެވެ.