ހުޅުދުއްފާރަކީ އަލަށް މީހުން އާބާދުކުރެވިފައިވާ ރަށަކަށްވެފައި، ކޮންމެ އަހަރެއްގެ މާރޗު މަހުގެ 13 ވަނަ ދުވަހަކީ ހުޅުދުއްފާރުގެ އަހަރީ ދުވަސްކަމުގައި ވީހިނދު، މިދުވަސް ރަށުފެންވަރުގައި ފާހަގަކުރެވެމުންދާއިރު މިރަށުގައި ދިރިއުޅޭ ފަރާތްތަކުގެ ތެރެއިން އެކިރޮނގު ރޮނގުން ދިގު މުއްދަތެއްގައި ޚިދުމަތްކޮށްދެއްވާފައިވާ ފަރާތްތަކާއި ހުޅުދުއްފާރަށް ރީތިނަން ހޯދައިދީފައިވާ ފަރާތްތަކަށް އެކަމުގެ އަގުވަޒަންކުރުމުގެ ގޮތުން އެފަދަ ފަރާތްތަކަށް ހަނދާނީފިލައެއް ދިނުމަށްވަނީ ހަމަޖެހިފައެވެ. އެގޮތުން މި ހަނދާނީ ފިލާތަކަށް ނަން ހުށަހެޅުމުގެ ނުވަތަ ނޮމިނޭޓް ކުރުމުގެ ފުރުސަތު ހުޅުވާލަމެވެ.

ހަނދާނީފިލާ ދެވޭ ދާއިރާތައް:

1. ހުޅުދުއްފާރުގެ އެކި މުއައްސަސާ ތަކުގައި 30 އަހަރަށް ވުރެ ދިގު މުއްދަތެއްގައި ޚިދުމަތް ކޮށްދީފައިވާ ފަރާތްތަކަށް ދެވޭ "މާރާދަ އެވޯޑު"
2. ހުޅުދުއްފާރުގެ ރައްޔިތުންގެ ތެރެއިން ވޭތުވެދިޔަ އަހަރު ތެރޭގައި އިންޓަރނޭޝަނަލް ނުވަތަ ޤަޢުމީ ނުވަތަ އަތޮޅު ލެވެލްގައި ބޭއްވޭ އިވެންޓަކުން ރަންވަނައެއް ނުވަތަ އެވޯޑެއް ހާޞިލްކޮށްފައިވާ ފަރާތްތަކާއި ދަރުމަވެރިންގެ ގޮތުގައި މުޖުތަމަޢަށް އަގުނުކުރެވޭފަދަ ޚިދުމަތްތައް ކޮށްދީފައިވާ ފަރާތްތަކަށް ދެވޭ "ރަންނާ އެވޯޑު"
3. ހުޅުދުއްފާރުގެ ރައްޔިތުންގެ ތެރެއިން މަސްވެރިކަމާއި ދަނޑުވެރިކަމާއި ކިއްސަރުވަޑާން، ތެދުއުއި ވަޑާން، ރޭނުން، ފަންވިނުން، ފެހުން، ލިޔުންތެރިކަން ފަދަ ދާއިރާތަކުންދެވޭ "ދާންނާ އެވޯޑު"

ނަން ހުށަހަޅާނެ ނުވަތަ ނޮމިނޭޓް ކުރާނެގޮތް

1. "މާރާދަ އެވޯޑު"

ހުށަހަޅަންޖެހޭ ލިޔުންތައް: އެވޯޑަށް ނަން ހުށަހަޅާ ފޯމް، އައިޑީ ކާޑު ކޮޕީ، ވަނަވަރު (ސީވީ)، އެއްމުއައްސަސާއެއްގައި 30 އަހަރު މަސައްކަތް ކޮށްފައިވާނަމަ އެމުއައްސަސާއެއްގައި 30 އަހަރު ހިދުމަތްކުރި ކަމުގެ ލިޔުމެއް. އެއް މުއައްސަސާއަށްވުރެ ގިނަ މުއައްސަސާގައި މަސައްކަތްކޮށް 30 އަހަރު ހަމަވާނަމަ އެ ހުރިހާ މުއައްސަސާ ތަކުގެ ލިޔުން (އެވޯޑު ދިނުމުގައި މުއްދަތު ކަމުގައި ބަލާނީ އެވޯޑުދޭ އަހަރުގެ ޖެނުއަރީ މަހުގެ ނިޔަލަށެވެ.)  (މި އެވޯޑު ދެވޭނީ ގިނަވެގެން ފަސް ފަރާތަކަށެވެ.)

2. "ރަންނާ އެވޯޑު"

ހުށަހަޅަންޖެހޭ ލިޔުންތައް: އެވޯޑަށް ނަން ހުށަހަޅާ ފޯމް، އައިޑީ ކާޑު ކޮޕީ، ވަނަވަރު (ސީވީ)، ސެޓްފިކެޓް ނުވަތަ އެވޯޑުގެ ކޮޕީ. (މި އެވޯޑު ދެވޭނީ ގިނަވެގެން ދެ ފަރާތަކަށެވެ.)

3. "ދާންނާ އެވޯޑު"

މި އެވޯރޑް ދެވޭނީ ރަށުގެ ރައްޔިތުންގެ ތެރެއިން މިދާއިރާ ތަކުގައި 30 އަހަރަށްވުރެ ގިނަދުވަހު ޚިދުމަތްކޮށްފައިވާ ފަރާތްތަކުގެ ތެރެއިން ކައުންސިލުން ކަނޑައަޅާ 5 ފަރާތަށެވެ.   

މަތީގައިވާ މާރާދަ އަދި ރަންނާ އެވޯޑަށް އެދި ނަން ހުށަހެޅުމަށް ލިޔުންތައް 27 މާރޗް 2025 ވާ ބުރާސްފަތި ދުވަހުގެ 11:15 ގެ ކުރިން މިއިދާރާގެ އީމެއިލް [email protected] އަށް ފޮނުވުން އެދެމެވެ. މިއިޢުލާނާއިއެކު އެވޯޑަށް ނަން ހުށަހަޅާ ފޯމާއި އުސޫލު ޢާންމުކުރެވިފައިވާނެއެވެ. އަދި މީގެ ކުރިން މިދާއިރާތަކުން އެވޯޑު ލިބިފައިވާ ފަރާތްތަކަށް އެވޯޑަށް ކުރިމަތިލުމުގެ ފުރުޞަތު ނޯންނާނެ ވާހަކަ ދަންނަވަމެވެ.

މިހެންވެ މިކަން ޢާންމުކޮށް އަންގާ އިޢުލާންކުރީމެވެ.