ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ޤާނޫނު ( ޤާނޫނު ނަންބަރު: 2010/7) ގެ ހަތަރުވަނަ ބާބު، ރަށު ކައުންސިލްތަކަށް މަތިކޮށްފައިވާ މަސްއޫލިއްޔަތާއި ދޭންޖެހޭ ހިދުމަތްތަކުގެ ތެރޭގައި ރޭގަނޑު މަގުމަތި ދިއްލައި ބެލެހެއްޓުމަކީ، ދޭންޖެހޭ ހިދުމަތްތަކުގެ ތެރެއިން އެއް ހިދުމަތެވެ. މިގޮތުން ކުޑަފަރީގައި މިހާރު ޖަހައިފައި ހުރި މަގުބައްތިތަކާއި އަލަށް އާބާދުވާ ސަރަޙައްދުތަކުގައި ޖަހާން ނިންމައިފައި ހުރި މަގުބައްތިތައް ސޯލާ ރޯޑު ލައިޓަށް ބަދަލުކުރުމުގެ މަޝްރޫޢުގެ ދަށުން އެކި ސަރަހައްދުތަކުގައި މިހާރުވާނީ [ސޯލާ ރޯޑު ލައިޓް] ހަރުކޮށްފައެވެ. ބައްތިތަކުގެ ބޭނުން އެންމެ އެދެވޭގޮތެއްގައި ހިފުމަށްޓަކައި ގަސްތަކުގެ ހިޔަލުން ނެއްޓި ފުރިހަމަ އަވިލިބިފައި ހުރުން މުހިންމެވެ. އަދި ހަރުކޮށްފައިވާ ސޯލާ ޕެނަލްގަނޑައަށް ގެއްލުންނުވާނޭހެން އެ ސަރަހައްދު ބޭއްވުން މުހިންމެވެ.

ވީމާ، ސޯލާ ބައްތިތައް ހަރުކޮށްފައިވާ ސަރަހައްދުތަކުގައި ގޭގެއިން ހައްދާފައިވާ ގަސްތަކުގެ އަފިތައް ބައްތިއަށް ގެއްލުންނުވާނޭހެއް ކަނޑަ ބެލެހެއްޓުމަށް ގޯތިތަކުގެ ވެރިފަރާތްތަކުގައި އެދެމެވެ. އަދި ބައްތިތަކަށް ގެއްލުންވާނޭހެން މަގަށް ހުންނަ އަފިތައް ކައުންސިލަށް ފާހަގަވާ ސަރަހައްދުތަކުން ކެނޑުމުގެ މަސައްކަތް ކުރިއަށް ގެންދާނެކަންވެސް މިފުރުޞަތުގައި ފާހަގަ ކުރަމެވެ.