މިކައުންސިލުން އިންތިޒާމްކޮށްގެން ޤުރުއާން މުބާރާތެއް މިއަހަރުގެ ޖުލައި މަހު ބޭއްވުމަށްވަނީ ހަމަޖެހިފައެވެ. މިމުބާރާތުގެ މަޤުޞަދަކީ ރަށުގައި ޤުރުއާން ކިޔެވުމުގެ ރޫޙު އާލާކޮށް ރީތިކޮށް ޤުރުއާން ކިޔަވާ ފަރާތްތައް އިތުރުކުރުމާއި ، އަތޮޅު ޤުރުއާންމުބާރާތުގައި  މިރަށް ތަމްސީލް ކުރާނެ ބައިވެރިން ހޮވުމެވެ.

            މިމުބާރާތުގައި ބައިވެރިވެވޭނީ  މިރަށުގެ ސްކޫލްތަކުގައި ކިޔަވަމުންދާ ދަރިވަރުންނަށާއި  ، މިރަށުގެ ރަޖިސްޓްރީގައިވާ ކުދިންނާއި ،ޢާންމު ފަރާތްތަކަށެވެ.

            މުބާރާތުގެ މުޤައްރަރާއި ، މުބާރާތް ކުރިޔަށްގެންދާނެ ޢާންމުއުޞޫލްތައް ބިނާވެފައިވާނީ ޤައުމީ މުބާރާތާއި އަތޮޅުމުބާރާތުގެ މުޤައްރަރާއި ، އުޞޫލްތަކުގެ މައްޗަށެވެ. މިގޮތުން މުބާރާތް ހިންގާ ޤަވާއިދު އެކުލަވާލާ ފަހުގެ ތާރީޚެއްގައި ޢާންމުކުރެވޭނެވެ.

            ވީމާ ، މިމުބާރާތުގައި ބައިވެރިވާން ބޭނުންވާ ދަރިވަރުންނާއި ޢާންމު ފަރާތްތަކަށް މުބާރާތައް ދުރާލާ ތައްޔާރުވުމުގެ ފުރުޞަތު ދިނުމުގެ ގޮތުން އަންގާ އިޢުލާން ކުރީމެވެ. އަދި މުބާރާތުގެ ޢުމުރުފުރާތަކާއި ، މުޤައްރަރު އެނގޭނެ ލިޔުމެއް މިއިޢުލާނާއެކު ޢާންމު ކުރެވިފައިވާނެއެވެ. ބޮޑަތި މީހުންގެ މުޤައްރަރަކީ ކީސްޓޭޖް 5 ގެ މުޤައްރަރެވެ.

         މުބާރާތާގުޅޭގޮތުން މަޢުލޫމާތު ސާފުކުރުމަށް ގުޅުއްވާނީ  ކައުންސިލަރ ރިޒުވާނާ އަބޫބަކުރު ( ފޯން 7799581 ) އަދި ސީނިއަރ ކައުންސިލް އޮފިސަރ އަޙުމަދު ނިޔާޒް ( ފޯން 7991054 ) އާއެވެ.     

         މިހެންވެ، މިކަން ޢާންމުކޮށް އެންގުމަށްޓަކައި އިޢުލާން ކުރީމެވެ.