ދަނޑުވެރިކަމާއި ދިރޭ ތަކެއްޗާ ބެހޭ ވުޒާރާގެ އެނިމަލް ވެލްފެއަރ ޑިޕާޓްމަންޓާއެކު މަސައްކަތްކުރުމަށް ޝައުގުވެރިވާ އެންޖީއޯތައް ހޯދުމަށް ފުރުޞަތު ހުޅުވައިލުން

ދަނޑުވެރިކަމާއި ދިރޭ ތަކެއްޗާ ބެހޭ ވުޒާރާގެ އެނިމަލް ވެލްފެއަރ ޑިޕާޓްމަންޓުން ކުރިއަށްގެންދާ މަޝްރޫޢުތަކުގައި މި މިނިސްޓްރީއާ ގުޅިގެން މަސައްކަތްކުރަން ޝައުޤުވެރިވާ އެންޖީއޯތައް/ޖަމްޢިއްޔާތައް ހޯދުމަށް ފުރުޞަތު ހުޅުވައިލަމެވެ. މި ފުރުސަތު ހުޅުވާލަނީ ހަމައެކަނި ހިލޭސާބަހަށް މަސައްކަތްކުރާ އެންޖީއޯ/ޖަމްޢިއްޔާތަކަށެވެ.  

 މިކަމަށް ޝައުޤުވެރިވެ، ކުރިމަތިލާ އެންޖީއޯތަކުން ތިރީގައި ބަޔާންކުރާ ލިޔެކިޔުންތައް ހުށަހަޅަންވާނެއެވެ.  

□ އެންޖީއޯ/ޖަމްޢިއްޔާގެ  ރަޖިސްޓަރީ ކޮޕީ. 

□ އެންޖީއޯ/ޖަމްޢިއްޔާގެ ޕްރޮފައިލް. 

□ އެންޖީއޯ/ޖަމްޢިއްޔާގެ ހިންގާ ޤަވާޢިދު. 

□ އެންޖީއޯ/ޖަމްޢިއްޔާގެ ބޯޑު މެންބަރުންގެ މަޢުލޫމާތު.  

□ ބައިނަލްއަޤުވާމީ ރެކޮގްނިޝަނެއް ވާނަމަ، އެކަމުގެ ލިޔުން. 

□ މީގެކުރިން ކޮށްފައިވާ، މިދާއިރާއާ ގުޅުންހުރި މަސައްކަތްތަކުގެ ތަފުޞީލު (ތަޖުރިބާ).

□ ގުޅޭނެ ފަރާތެއްގެ ނަމާއި ފޯނު ނަންބަރު.

 ވީމާ، މިމިނިސްޓްރީގެ އެނިމަލް ވެލްފެއަރ ޑިޕާޓްމަންޓާ ގުޅިގެން މަސައްކަތްކުރަން ބޭނުންވާ އެންޖީއޯތަކުން، 27 ފެބުރުވަރީ 2025 ވާ ބުރާސްފަތި ދުވަހުގެ 14:00 ކުރިން މި މިނިސްޓްރީގެ (ވެލާނާގެ 7 ވަނަ ފަންގިފިލާ) ކައުންޓަރަށް ނުވަތަ، އީމެއިލް [email protected] އަށް ލިޔެކިޔުންތައް ހުށަހެޅުއްވުން އެދެމެވެ. އިތުރު މަޢުލޫމާތު ހޯއްދެވުމަށް 3339288 ނަންބަރު ފޯނާ ގުޅުއްވުން އެދެމެވެ.