މި އޮފީހުގައި ހުރި ބާވެ ހަލާކުވެފައިވާ ބައެއް ތަކެތި ނީލަން ކިޔުމަށް ކޮށްފައިވާ މި އޮފީހުގެ ނަންބަރު  (IUL)200-A/200/2025/3 (04 ފެބްރުވަރީ 2025) އިޢުލާނަށް އެއްވެސް ފަރާތަކުން ޝައުގުވެރިކަން ފާޅުކޮށްފައިނުވާތީ، ދެވަނަ ފަހަރަށް އެ ތަކެތި ނީލަންކިއުމަށް ހުޅުވާލަމެވެ. ނީލަން ކިޔުން އޮންނާނީ 26 ފެބްރުވަރީ 2025 ވާ ބުދަ ދުވަހުގެ މެންދުރު 14:00 ގައި ބުރުޒު މަގުގައި ހުންނަ މި އޮފީހުގައެވެ. މި ތަކެތި ބަލަން ބޭނުންވާ ފަރާތްތަކުން، 25 ފެބްރުވަރީ 2025 ވާ އަންގާރަ ދުވަހުގެ މެންދުރު 14:00 މި ޓުރައިބިއުނަލަށް ޙާޟިރުވުން އެދެމެވެ. ނީލަން ކިޔުމަށް ހަމަޖެހިފައިވާ ތަކެތީގެ މަޢުލޫމާތާއި، ނީލަން ފެށޭ އަގު، މި އިޢުލާނާއެކު އެޓޭޗްކޮށްފައިވާނެއެވެ.

ވީމާ، ނީލަމުގައި ބައިވެރިވުމަށް ބޭނުންވާ ފަރާތްތަކުން، ދިވެހިރައްޔިތެއްކަން އަންގައިދޭ ކާޑު، ކުންފުނި ނުވަތަ ވިޔަފާރި ނުވަތަ އިންވެސްޓްމަންޓްގެ ރަޖިސްޓްރޭޝަން ސެޓްފިކެޓްގެ ކޮޕީއާއިއެކު 26 ފެބްރުވަރީ 2025 ވާ ބުދަ ދުވަހުގެ މެންދުރު 14:00 އަށް މި ޓުރައިބިއުނަލަށް ޙާޟިރުވެ، ނީލަމުގައި ބައިވެރިވުން އެދެމެވެ.

މިހެންވެ، މިކަން ޢާންމުކޮށް އެންގުމަށްޓަކައި އިޢުލާނު ކުރީމެވެ.