މިކައުންސިލުން މިރަށުގެ ރައްޔިތުންނަށް ވިއްކާ ކާށި ވިއްކުމުގައި 3 ފެބްރުއަރީ 2024 ދުވަހުންފެށިގެން އަމަލުކުރެވެމުންދާނެގޮތް ތިރީގައި އެވަނީއެވެ.

1) ކާށި ވިއްކާނި ކާށި ގަތުމަށް އެދި ނަން ނޯޓް ކުރާ ފަރާތްތަކަށް ނަން ނޯޓް ކުރާ ތަރުތީބުން ނެވެ.

2) މީހުން ދިރިއުޅޭ ގޭ ބިސީއަކަށް ފަހަރަކު ވިއްކާނީ 50 ކާއްޓެވެ.

3) ސައިހޮޓާ ރެސްޓޯރަންޓް ތަކަށް ފަހަރަކު ވިއްކާނީ 100 ކާއްޓެވެ.

4) ކާށި ގަތުމަށް ނަންނޯޓް ކޮށްފައިވާ ފަރާތްތަކަށް ކާށީގެ އަގަށްވާ ފައިސާ ދެއްކުމަށް ޗިޓް ނޯޓެއް ފޮނުވޭނެއެވެ.

5) ޗިޓް ނޯޓް ފޮނުވުމަށްފަހު ފައިސާ ދެއްކުމަށް ސަރުކާރު ބަންދު ނޫން 1 ދުވަހުގެ މުއްދަތު ޗިޓް ފޮނުވާ ދުވަސް ނުހިމަނައި ދެވޭނެއެވެ.

6) ދެވުނު މުއްދަތުގެ ތެރޭގައި ފައިސާ ދައްކާ ތަންތަނަށް ފައިސާ ދައްކާ ދުވަސް ހިމަނައިގެން 2 ދުވަހުގެ ތެރޭގައި ކާށި ޑެލިވަރ ކޮށްދެވޭނެއެވެ.

7) ދެވުނު މުއްދަތުގެ ތެރޭގައި ފައިސާ ނުދައްކާ ތަންތަން ކާއްޓަށް ނަން ނޯޓްކުރެވިފައިވާ ލިސްޓުން އުނިކުރެވޭނެއެވެ. އަދި ކާށި ބޭނުންވާ ނަމަ އެފަރާތްތަކުން ޖެހޭނީ އަލުން ނަން ނޯޓްކުރާށެވެ.

8) ކާށި ޑެލިވަރ ކޮށްދިނުމަށްފަހު އެފަރާތްތައް ކާއްޓަށް ނަން ނޯޓްކުރެވިފައިވާ ލިސްޓުން އުނިކުރެވޭނެއެވެ. އިތުރަށް ކާށި ބޭނުންވާ ނަމަ އެފަރާތްތަކުން ޖެހޭނީ އަލުން ނަން ނޯޓްކުރާށެވެ.

9) ކާއްޓަށް އެދި ނަން ނޯޓް ކުރެވޭނީ ގޭ ބިސީއެއްނަމަ އެގޭބިސީގައި ދިރިއުޅޭ ފަރާތަކަށެވެ. އަދި ހޮޓާ ރެސްޓޯރަންޓް ތަކަށް ނަން ނޯޓް ކުރެވޭނީ އެފަދަ ތަންތަން ހިންގުމުގެ މަސައްކަތް ކުރާ ފަރާތަކަށެވެ.

10) ކައުންސިލްގެ އިދާރާ ގެ ނަންބަރ 6680539 ފޯނަށް ގުޅައިގެންނާއި ކައުންސިލްގެ އިދާރާގެ ކައުންޓަރ އަށް ވަޑައިގެން ނަން ނޯޓް ކުރެވޭނެއެވެ.

11) އެއްވެސް ފަރާތަކަށް 2 ގޭ ބިސީއެއްގެ ނަން ނޯޓްކޮށެއް ނުދެވޭނެއެވެ.

12) ނަން ނޯޓްކޮށްފައިވާ ތަން ފިޔަވައި އެހެން އެއްވެސްތާކަށް ކާށި ޑެލިވަކޮށް ނުދެވޭނެއެވެ.

ވީމާ، މިކަން އާންމުކޮށް އަންގާ އިއުލާންކުރީމެވެ.