ދިވެހިރާއްޖެ
އިޢުލާން
އިންނަމާދޫ ހުކުރު މިސްކިތުގެ އޭސީތައް ސާރވިސްކޮށް ބަދަލުކޮށްދޭނެ ފަރާތެއް ހޯދުން:
ތިރީގައި ބަޔާންކޮށްފައިވާ ގޮތުގެ މަތިން ރ. އިންނަމާދޫ ހުކުރު މިސްކިތް (މަސްޖިދުލް ތަޢާވުން)ގެ އޭސީތައް ސާރވިސް ކޮށް، ހަލާކުވެފައިވާ އެސީތައް ބަދަލުކޮށްދޭނެ ފަރާތެއް ހޯދަން ބޭނުންވެއްޖެވެ.
ކުރަންޖެހޭ މަސައްކަތް:
- މަޖިސުލް ތަޢާވުން (ހުކުރު މިސްކިތުގައި) ހަރުކުރެވިފައިވާ 24,000 ބީޓީޔޫގެ 11 (އެގާރަ) އޭސީ ސާރވިސް ކުރުން
- މަސްޖިދުލް ތަޢާވުން (ހުކުރު މިސްކިތުގައި) ހަރުކުރެވިފައިވާ އޭސީތަކުގެ ތެރެއިން ސާރވިސް ކުރެވޭވަރަށްވުރެ ބޮޑަށް ހަލާކުވެފައިވާ 2 (ދޭއް) އޭސީ ނަގައި އައު އެސީއާއި އައުޓްޑޯ ހަރުކޮށް ޓެސްޓް ކުރުން
- އޭސީތައް ސަރވިސް ކުރާއިރު ގޭސް އަޅަންޖެހޭ ކަން ފާހަގަ ކުރެވިއްޖެނަމަ ގޭސް އަޅާ ހަމަކުރުން
- އެއްވެސް ލީކެއް އުޅޭކަން ފާހަގަ ކުރެވިއްޖެނަމަ އެކަން ޙައްލުކޮށް ރަނގަޅު ކުރުން
- މީގެ އިތުރުން އޭސީތަކުން އިތުރު މައްސަލައެއް ފާހަގަ ކުރެވިއްޖެނަމަ އެ މައްސަލައެއް ހައްލު ކުރުން
ސަމާލު ކަންދޭންޖެހޭ ކަންކަން:
- ފަރުޟު ނަމާދުގެ ޖަމާޢަތަށް ޚާއްޞަ ކުރެވިފައިވާ ވަގުތުގައި (ނަމާދަށް ބަންގި ގޮވުމުގެ 20 މިނެޓު ކުރިން ފެށިގެން ސަލާމް ދިނުމަށްފަހު 20 މިނެޓުގެ ވަގުތު) ގައި މިސްކިތުގައި އެއްވެސް މަސައްކަތެއް ނުކުރުން.
- މިސްކިތާއި މިސްކިތުގެ ގޯތިތެރޭގެ ސާފު ތާހިރުކަން ނުގެއްލޭ ގޮތަށް މަސައްކަތް ކުރުން
- މިސްކިތަށް ނަމާދަށް އަރާފައިބާ މީހުންނަށް ދަތި ނުވާނެ ގޮތަށް މަސައްކަތް ކުރުމާއި ތަކެތި ބެހެއްޓުމާއި އަދި ތަކެތި ގެންގުޅުން
- މިސްކިތު އެތެރެއަށް އެޅޭ ކުންޏާއި ހިރަފުސް ފަރުޟު ނަމާދުތަކަށް ބަންގި ގޮވުމުގެ 20 މިނެޓު ކުރިން ސާފުކުރުން
- މަސައްކަތް ނިންމާ، މަސައްކަތް ކުރަން ބޭނުންކުރި ތަކެތިނަގާ ރީތިކޮށް ސާފުކޮށް ތަރުތީބު ކުރުން.
- މަސައްކަތް ކުރުމުގެ ތެރޭގައި ލިބޭ ގެއްލުމުގެ ޒިންމާވުން.
މަސައްކަތަށް ބޭނުންވާ ތަކެތި:
- މި މަސައްކަތަށް ބޭނުންވާ ހުރިހާ ތަކެއްޗެއްވެސް ހޯދާނީ މަސައްކަތް ކުރުމަށް ހަވާލުކުރެވޭ ފަރާތުންނެވެ.
- މަސައްކަތަށް ބޭނުންވާ ކަރަންޓް، ފެން އަދި ބަދަލުކުރުމަށް ބޭނުންވާ 2 އޭސީ ކައުންސިލުން ފޯރުކޮށް ދެވޭނެއެވެ.
އެހެނިހެން ބައިތައް:
- މި މަސައްކަތަށް ހުށައަޅާ އަގު 35,000 (ތިރީސް ފަސްހާސް ރުފިޔާ) އަށްވުރެ ބޮޑުވެގެން ނުވާނެއެވެ.
- މި މަސައްކަތަށް ހުށައަޅާ ކޮޓޭޝަންގައި މި މަސައްކަތް ފުރިހަމަކޮށް ނިންމޭނެ މުއްދަތު ހިމަނަންވާނެއެވެ.
- ކޮޓޭޝަންތައް އިވެލުއޭޓް ކުރުމުގައި މަސައްކަތުގެ އަގަށް %90، ހުށައަޅާ މުއްދަތަށް އަދި މަސައްކަތުގެ ތަޖުރިބާއަށް ގެ މަގުން މާކްސް ދެވޭނެއެވެ.
- މި މަސައްކަތް ހަވާލުކުރެވޭނީ އިވެލުއޭޝަންގައި އެންމެ މަތިން މާކްސް ލިބޭ ފަރާތަކާއެވެ.
- މި މަސައްކަތަށް ކޮޓޭޝަން ހުށައެޅޭނީ ތިރީގައި މިވާ ފަރާތްތަކަށެވެ.
- ވިޔަފާރި ރަޖިސްޓްރީ ކުރުމުގެ ޤާނޫނު (ޤާނޫނު ނަންބަރު: 18/2014) ގެ ދަށުން ރަޖިސްޓްރީކޮށްފައިވާ ފަރާތްތަކަށް.
- އަމިއްލަ ފަރުދުންގެ ވިޔަފާރީގެ ޤާނޫނު (ޤާނޫނު ނަންބަރު 19/2014) ގެ ދަށުން ރަޖިސްޓްރީ ކޮށްފައިވާ ފަރާތްތަކަށް.
- ކުލަބު ޖަމުއިއްޔާތަކަށް.
- ޤާނޫނީ ހައިސިއްޔަތު ލިބިފައިވާ ކޮމެޓީތަކަށް.
ވީމާ، މި މަސައްކަތް ކޮށްދިނުމަށް ޝައުޤުވެރިވެވަޑައިގަންނަވާ ފަރާތްތަކުން، 09 ފެބްރުވަރީ 2025 ވާ އާދިއްތަ ދުވަހުގެ 11:00 ގެ ކުރިން މަސައްކަތްކޮށްދެވޭނެ އަގަކާއި މުއްދަތު ބަޔާންކޮށް ކޯޓޭޝަނެއް ހުށައެޅުއްވުން އެދެމެވެ. އަދި ކޯޓޭޝަނާއެކު ހުށަހަޅާ ފަރާތުގެ މަސައްކަތުގެ ތަޖުރިބާގެ ލިޔުންތަކުގެ ކޮޕީ، ހުށަހެޅުއްވުން އެދެމެވެ. ކޮޓޭޝަން އީމެއިލް ކުރައްވަން ބޭނުންފުޅުނަމަ [email protected] އަށް މެއިލް ކުރެއްވުން އެދެމެވެ. ހުޅައަޅާ ކޮޓޭޝަންގައި މި މަސައްކަތް ފުރިހަމަކޮށް ނިންމުމަށް ހުށައަޅާ މުއްދަތު ހިމަނާފައިނުވާ އެންމެހާ ކޮޓޭޝަންތައް ބާތިލުކުރެވޭނެ ކަމުގައިވެސް ދަންނަވަމެވެ.
މިހެންވެ މިކަން އާންމުކޮށް އެންގުމަށްޓަކައި އިޢުލާން ކުރީމެވެ.