ނިލަންދެއަތޮޅު ދެކުނުބުރީ ރިނބުދޫ ކައުންސިލްގެ އިދާރާ.

ރިނބުދޫ. ދ.   

ދިވެހިރާއްޖެ.   

ނަމްބަރ: (IUL)377/377/2025/1

އިޢުލާން

ދ.ރިނބުދޫ ބަނދަރުމަތިން ވިޔަފާރި ބޭނުމަށް ބިން ދޫކުރުމަށް ކަނޑައަޅާފައިވާ ސަރަޙައްދުން (ފުޓްބޯޅަ ދަނޑުގެ ދެކުނުން) މީލާދީ 15 އަހަރު ދުވަހުގެ މުއްދަތަށް 7 (ހަތެއް) ބިން ދޫކުރުމަށް ހަމަޖެހިފައިވާތީ، އެބިންތައް ކުއްޔަށް ހިފުމަށް އެދޭ ފަރާތްތަކުން އެކަމަށް އެދި ހުށަހެޅުމުގެ ފުރުޞަތު ޢާއްމުކޮށް ހުޅުވާލަމެވެ. މި ބިންތައް ޚާއްޞަކުރެވެނީ އެބިންތަކުގައި ނުކުރެވޭނެކަމަށް ކަނޑައަޅާފައިވާ ވިޔަފާރިތައް ފިޔަވައި އެހެނިހެން ހޯލްސޭލް ، ރީޓެއިލް ނުވަތަ ކެފޭ ރެސްޓޯރެންޓް ހިންގުން ފަދަ ވިޔަފާރިތަކަށެވެ.

- މި ބިންތަކުގައި ނުކުރެވޭނެ ވިޔަފާރިތައް:

(1) މަސްކައްކާ ހިއްކުން ނުވަތަ ރިހާކުރު ކެއްކުން.

 (2) ލޮނުމަސް އެޅުމުގެ މަސައްކަތް / ރޯމަސް ވިއްކުން.

       (3) ފައިބަރު މަސައްކަތް؛

 (4) ތެޔޮ ޝެޑް ނުވަތަ ތެޔޮ ވިއްކުމާއި ގުދަންކުރުމާއި ބެހެއްޓުން.

                   (5) ލަނޑާ ކައްކައި ހިއްކުމުގެ މަސައްކަތް؛

                (6) ސިމެންތި، ހިލަ، ހިލަވެލި، ދަގަނޑު ފަދަ ބާވަތްތައް ވިއްކުން

ރަޖިސްޓްރީ ކުރުން:

          މިކަމަށް ޝައުޤުވެރިވެލައްވާ ފަރާތްތަކުން ދ.ރިނބުދޫ ކައުންސިލް އިދާރާގައި  ރެޖިސްޓަރ ކުރަންވާނެއެވެ.ރެޖިސްޓްރޭޝަން ކުރިއަށްދާނީ 30 ޖެނުއަރީ 2025 އިން 09 ފެބްރުއަރީ 2025 ގެ ނިޔަލަށް ސަރުކާރު ބަންދުނޫން ކޮންމެ ދުވަހަކު ހެނދުނު 09:30 އިން މެންދުރުފަހު 13:00 އަށެވެ. ރަޖިސްޓްރީ ކުރުމަށް އެދޭ ފޯމް މިއިދާރާއިން ލިބެން ހުންނާނެއެވެ. ރަޖިސްޓްރީ ކުރުމަށް އެދޭ ފޯމް ފުރިހަމަ ކުރެއްވުމަށް ފަހު ދ.ރިނބުދޫ ކައުންސިލް އިދާރާއަށް ނުވަތަ  [email protected] އަށް މެއިލް ކޮށްދެއްވުން އެދެމެވެ. ބީލަން ހުށަހެޅުމަށް ދ.ރިނބުދޫ ކައުންސިލް އިދާރާގައި ރެޖިސްޓަރ ނުކުރާ ފަރާތްތަކަށް ބީލަން ހުށަހެޅުމުގެ ފުރުސަތު ނޯންނާނެ ވާހަކަ ދެންނެވީމެވެ.

މައުލޫމަތު ދިނުމުގެ ބައްދަލުވުން:

            މި މަސައްކަތުގެ މައުލޫމާތު ދިނުމަށް ބާއްވާ ބައްދަލުވުން އޮންނާނީ 10 ފެބްރުއަރީ 2025 ވާ ހޯމަ ދުވަހުގެ 11:00 ގައި ދ.ރިނބުދޫ ކައުންސިލް އިދާރާގައެވެ. މި ބައްދަލުވުމުގައި ބައިވެރި ވެވޭނީ ބީލަން ހުށަހެޅުމަށް ދ.ރިނބުދޫ ކައުންސިލް އިދާރާގައި ރެޖިސްޓަރ ވެފައިވާ ފަރާތްތަކަށް އެކަންޏެވެ.

ބީލަން ހުށަހެޅުމާއި ބަލައިގަތުން :

            ބީލަން ބަލައިގަތުން އޮންނާނީ 20 ފެބްރުއަރީ  2025  ވާ ބުރާސްފަތި ދުވަހުގެ 13:00 ގައި ދ.ރިނބުދޫ ކައުންސިލް އިދާރާގައި ބީލަން  ހުށަހަޅާ ފަރާތްތަކުގެ ޙާޟިރުގައެވެ. ބީލަން ހުށަހަޅަންވާނީ '' ދ.ރިނބުދޫ ބަނދަރު ސަރަޙައްދުން ވިޔަފާރި ބޭނުމަށް ބިން ކުއްޔަށް ދޫކުރުން '' މި މައުލޫމާތު ކަރުދާހުގައި ވާގޮތަށެވެ.

އިތުރު މަޢުލޫމާތު ސާފުކުރުން:

            މި އިޢުލާނާ ގުޅޭގޮތުން އެއްވެސް މައުލޫމާތެއް ސާފުކުރަން ބޭނުންފުޅުވާނަމަ 19 ފެބްރުއަރީ 2025 ވާ ބުދަ ދުވަހުގެ  12:00 ގެ ކުރިން 6760047 ނަމްބަރު ފޯނަށް ގުޅުއްވުން އެދެމެވެ.

                  މިހެންވެ މިކަން އާއްމުކޮށް އެންގުމަށްޓަކައި އިޢުލާން ކުރީމެވެ.

30   ރަޖަބު     1446

30   ޖެނުއަރީ    2025