ކުރެންދޫއަށް ރީތިނަން ހޯދައިދޭ ފަރާތްތަކަށް މިއިދާރާއިން އަރުވާ، "އަލްމަރްޙޫމް އިދުރީސް ޢަލީ ހަނދާނީ އެވޯޑް" އަށް ނަން ހުށަހެޅުމުގެ ފުރުޞަތު ވަނީ ހުޅުވާލެވިފައެވެ. މިއެވޯޑަށް ނަން ހުށަހެޅޭ ފަރާތްތަކަކީ މިދަންނަވާ ދަރަޖަތަކަށް ފެތޭ ފަރާތްތަކަށް ވާންޖެހޭނެއެވެ.  

1-     ޖީ.ސީ.އީ އޯލެވެލް، އާއި ޖީ.ސީ.އެސް.ސީ ނުވަތަ އެޑެކްސަލް އޭ ލެވެލް އިމްތިހާނުން އޯލެވެލް ގަދަ 10 ގައި ހިމެނޭ، ޅ. ކުރެންދޫގެ ރަށްވެހިކަން އޮންނަ ދަރިވަރުން

2-     ރާއްޖެއާއި ރާއްޖެއިން ބޭރުގެ ކޮލެޖް / ޔުނިވަރސިޓީގެ ކޯސްތަކުން 01 ވަނަ ދަރަޖަ ޙާޞިލްކޮށްގެން ކޯސް ނިންމާ ކުރެންދޫ ރަށްވެހިން

3-     ބައިނަލްއަޤްވާމީ އަދި ޤައުމީ އެކިއެކި މުބާރާތްތަކާއި، މައުރަޒުތަކުގައި ބައިވެރިވެ، ރަން މެޑެލް، ރިހިމެޑެލް، ލޮއެ މެޑެލް ނުވަތަ 01ވަނަ ނުވަތަ 02 ވަނަ ނުވަތަ 03ވަނަ ޙާޞިލްކުރާ ފަރާތްތައް. (ކުރެންދޫއަށް ނިސްބަތްވާ ކްލަބް، ޖަމްޢިއްޔާ، ޢާއްމު ފަރުދުން)

4-     ޤުރުއާން ހިތުދަސްކޮށް، ހާފިޘްކަމުގެ ސަނަދު ޙާޞިލްކުރާ ކުރެންދޫގެ ރަށްވެހިން. 

5-     ރާއްޖެ އާއި ރާއްޖެއިން ބޭރުގެ ޔުނިވަރސިޓީ/ކޮލެޖު ފަދަ ތަންތަނުން މަތީ ތަޢުލީމު ޙާސިލްކޮށް ޑޮކްޓަރ އޮފް ފިލޯސަފީ (ޕީ.އެޗް.ޑީ) ޙާޞިލްކުރާ ކުރެންދޫގެ ރަށްވެހިން. 

          ވީމާ، މިދެންނެވި ދަރަޖަތަކަށް ފެތޭ ބޭފުޅުންގެ ތެރެއިން، 01 ޖެނުއަރީ 2022 އިން ފެށިގެން 01 މާރޗް 2025ގެ ނިޔަލަށް މިދަރަޖަތައް ޙާޞިލްކުރައްވާފައިވާ ބޭފުޅުންގެ ނަންފުޅުތައް، 10 މާރޗް 2025ވާ ހޯމަދުވަހުގެ 14:00ގެ ނިޔަލަށް މިއިދާރާއަށް ހުށަހެޅުއްވުން އެދެމެވެ. މިގޮތުން ނަން ހުށަހަޅުއްވާއިރު، އީމެއިލްގެ ޖަރީޢާއިން ނުވަތަ، ފޯނުންވެސް ހުށަހެޅުއްވިދާނެއެވެ.  މިކަމާގުޅޭ އިތުރު މަޢްލޫމާތު ބޭނުންފުޅުވާ ފަރާތްތަކުން، 7773649ނަމްބަރު ފޯނާއި ގުޅުއްވުން އެދެމެވެ. މިހެންވެ، މިކަން ޢާއްމުކޮށް އަންގާ އިޢްލާން ކުރީމެވެ.