ގައްދޫގެ ރަށްވެހިކަމުން އެހެން ރަށަކަށް ބަދަލުކުރުމާއިގުޅޭ؛

ދިވެހިރާއްޖޭގެ ޖުމްހޫރިއްޔާގެ ޤާނޫނުއަސާސީގެ 41 ވަނަ މާއްދާ(ދަތުރުފަތުރުކުރުމާއި ވަޒަންވެރިވުމުގެ މިނިވަންކަން) ގެ (ށ) އާއި 7/2010 (ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުޞޫލުން ހިންގުމުގެ ޤާނޫނު) ގެ (ތ) އާއި 28/2024 (އަރބަން ޑިވެލޮޕްމަންޓްގެ ޤާނޫނު) ގެ 10 ވަނަ މާއްދާ (އަރބަން ސަރަޙައްދުގެ އިޚްތިޞާޞް) ގެ (ށ) ގައި ބަޔާންކޮށްފައިވާ ގޮތުގެ މަތިން ގައްދޫގެ ރަށްވެހިކަމުން އެހެން ރަށަކަށް ބަދަލުވުމުގައި ތިރީގައިވާ ގޮތުގެ މަތިން މިއަދުން ފެށިގެން ޢަމަލުކުރުމަށް  މިކައުންސިލްގެ 187 ވަނަ ޢާންމު ބައްދަލުވުމުން ނިންމާފައިވެއެވެ.

1. ރަށްވެހިކަން ބަދަލުކުރުމަށް އެދެނީ ސިޓީ ކައުންސިލަކަށް ކަމުގައިވާނަމަ ޚިދުމަތުގެ ފީއެއް ގޮތުގައި ގައްދޫ ކައުންސިލަށް ފަސްހާސް ރުފިޔާ ދެއްކުން،
2. ރަށްވެހިކަން ބަދަލުކުރުމަށް އެދެނީ  ރަށު ކައުންސިލަކަށް ކަމުގައިވާނަމަ ޚިދުމަތުގެ ފީއެއް ގޮތުގައި ގައްދޫ ކައުންސިލަށް ދެހާސް ފަސްސަތޭކަ ރުފިޔާ ދެއްކުން،
3. ރަށްވެހިކަން ބަދަލުކުރުމުގައި ގައްދޫ ކައުންސިލަށް ދައްކަންޖެހޭ ޚިދުމަތުގެ ފީ ޚިދުމަތަށް އެދޭ ފަރާތުން ނުވަތަ ރަށްވެހިކަން ބަދަލުކުރުވޭ ކައުންސިލަކުން ދެއްކިދާނެއެވެ.
4. ރަށްވެހިކަން ބަދަލުކުރުމުގެ މަރުޙަލާ ފުރިހަމަކުރެވޭނީ، ޚިދުމަތަށް އެދޭ ފަރާތުގެ ގައްދޫގައި ހުރި ގޯތި ގެދޮރާއި މުދާފަދަ ތަކެތި ސާފުކުރުމާއި ބެލެހެއްޓުމުގެ މަސްޢޫލިއްޔަތާއި ޒިންމާ އަދާކުރާނެ ނުވަތަ ހަވާލުކުރާ އެއްބަސްވުމެއްގައި ސޮއިކުރުމަށް އެއްބަސްވާނަމައެވެ.

ވީމާ، މިކަން ޢާންމުކޮށް އަންގާ އިޢުލާންކުރީމެވެ.