އިޢުލާނު

މަޤާމު:

ހިފްޒް ކިލާސް މުދައްރިސް

ބޭނުންވާ އަދަދު:

1

މަޤާމުގެ ގިންތި:

ކޮންޓްރެކްޓް  ( 23 މަސްދުވަސް )

ވަޒީފާ އަދާކުރަން ޖެހޭ ތަން:

ތިނަދޫ ސިޓީ ކައުންސިލްގެ އިދާރާ

އެލަވަންސް:

3000 (ތިންހާސް ރުފިޔާ)

މަސައްކަތް ކުރަންޖެހޭ ގަޑިތައް:

ރަސްމީ ބަންދު ދުވަސްތަކާއި ސްކޫލް ބަންދު ނޫން ކޮންމެ ދުވަހަކު 05:30 އިން 06:30 އަށެވެ. އަދި ރަމަޟާންމަހު ރަސްމީ ބަންދު ދުވަސްތަކާއި ސްކޫލް ބަންދު ނޫން ކޮންމެ ދުވަހަކު 05:30 އިން 07:30 އަށެވެ.

މަޤާމުގެ މައިގަނޑު މަސްއޫލިއްޔަތުތަކާއި ވާޖިބުތައް:

1. ކަނޑައެޅިފައިވާ ގަޑިޔަށް ފަރުވާތެރިކަމާއެކު ހާޟިރުވެ ކިލާސް ނަގައިދިނުން.
2. ހިފްޟު ކިލާސް ހިންގުމަށް ތިނަދޫ ސިޓީ ކައުންސިލް އިދާރާއިން ކަނޑައަޅާ މުވައްޒަފުގެ އިރުޝާދާއި އެއްގޮތަށް ދަރިވަރުންގެ ފިލާވަޅުތައް މުތާލިޔާ ކުރުމުގައި އެހީތެރިވުން.
3. ހަފްތާއިން ހަފްތާއަށް އަދި މަހުން މަހަށް ހިތުން ދަސްކޮށް ކިޔައިދޭންޖެހޭ މިންވަރު ބަލައި ރިޕޯޓު ތައްޔާރުކުރުން. އަދި ކޮންމެ ހަފްތާއެއްގެ ރިޕޯޓް ކިލާސް ހިންގުމަށް ހުންނަވާ މުވައްޒަފާއި ހަވާލުކުރުން.
4. ހިފްޟް ކިލާހުގެ ދަރިވަރުންނަށް ކޮންމެ ހަފްތާއަކު އެއްދުވަހު ތަޖުވީދު ފިލާވަޅެއް ނަގައިދޭންވާނެއެވެ.
5. ހިފްޟް ކިލާހުގެ ދަރިވަރުންގެ ތެރެއިން މަހުން މަހަށް ކިޔަވައިދިނުމަށް ކަނޑައެޅިފައިވާ މިންވަރު ކިޔައިދޭ ދަރިވަރުންގެ ރިކޯޑް ބަލަހައްޓާ އަދި ތިންދޫ ސިޓީ ކައުންސިލްގެ އަހަރީ ޤުރުއާން މުބާރާތުގެ އިނާމް ދިނުމުގެ ޖަލްސާ ބޭއްވުމުގެ އެއް ހަފްތާކުރިން އެކުދިންގެ މުރާޖަޢާ ނިންމުމަށްފަހު ރިޕޯޓް ކައުންސިލް އިދާރާއަށް ހުށަހަޅަންވާނެއެވެ.
6. ދަރިވަރުންގެ ހާޟިރީ ރިކޯޑް ބަލަހައްޓާ މަހުން މަހަށް ކައުންސިލް އިދާރާއަށް ހުށަހެޅުން. 
7. އަހަރުތެރޭގައި ދަރިވަރު ފިލާވަޅު ހިތުން ދަސްކޮށްފައިވާ މިންވަރު ބެލުމަށް އިމްތިޙާން ނެގުން. (ހިތުން ކިޔުއްވުން)

މަޤާމުގެ ޝަރުޠުތައް:

ވަޒީފާގެ މަސްއޫލިއްޔަތު އަދާކުރުމަށް ބޭނުންވާ ތައުލީމީ ޢިލްމީ ސިފަތަކާއި ތަޖުރިބާ:

-          ޤުރުއާނުގެ ރޮނގުން ޤައުމީ ސަނަދުތަކުގެ އޮނިގަނޑު ލެވެލް 3 ގެ ސަނަދެއް ޙާޞިލްކޮށްފައިވުން.

މަސައްކަތުގެ ތަޖުރިބާ:

-          އަމިއްލަ އިސްނެގުމާއެކު ދަރިވަރުންނަށް ކިޔަވައިދިނުމުގެ ޝައުޤުވެރިކަން ހުރުމާއެކު ކިލާސް ރާވައި ހިންގަން އެނގުން.

މަޤާމުގެ މަސައްކަތަށް ބޭނުންވާ އެހެނިހެން ސިފަތައް:

-          މަސައްކަތުގައި އުޅެވޭނެ ފަދަ ޞިއްޙަތެއްގައި ހުރުން.

-          ކުދިންނާއި ރީތިބަހުން މުޢާމަލާތު ކުރަން އެނގުމާއި، އަދި ކުދިން ގޮވައިގެން އުޅެން އެނގުން.

ހުށަހަޅަންޖެހޭ ލިޔުންތައް:

1. ފުރިހަމަ ކޮށްފައިވާ ކޮންޓްރެކްޓް ވަޒީފާއަށް އެދޭ ފޯމު (ގދ. ތިނަދޫ ސިޓީ ކައުންސިލް އިދާރާގެ ކައުންޓަރުން ލިބެންހުންނާނެއެވެ.)
2. ވަޒީފާއަށް އެދޭ ފަރާތުގެ ވަނަވަރު (ގުޅޭނެ ފޯނު ނަންބަރާއި އީ-މެއިލް އެޑްރެސް ހިމެނޭގޮތަށް).
3. ވަޒީފާއަށް އެދޭ ފަރާތުގެ ދިވެހި ރައްޔިތެއްކަން އަންގައިދޭ ކާޑުގެ (މުއްދަތުހަމަވެފައިވީ ނަމަވެސް) ދެފުށުގެ ލިޔުންތައް ފެންނަ، ލިޔެފައިވާ ލިޔުންތައް ކިޔަން އެނގޭ ފަދަ ކޮޕީއެއް. ނުވަތަ އައި.ޑީ. ކާޑު ގެއްލިފައިވާ ނަމަ، އެ ފަރާތެއްގެ އުފަންދުވަހުގެ ސެޓްފިކެޓު، ޕާސްޕޯޓް ނުވަތަ ޑްރައިވިންގ ލައިސަންސް.
4. ސިވިލް ސަރވިސްއަށް / ސަރުކާރަށް ޚިދުމަތްކުރުމުގެ އެއްބަސްވުމެއް އޮތް މުވައްޒަފުން ކުރިމަތިލާ މަޤާމަށް ހޮވިއްޖެ ނަމަ، އަދާކުރަމުންދާ ވަޒީފާއިން ވީއްލުމާމެދު އިއުތިރާޒެއްނެތްކަމަށް، ވަޒީފާ އަދާކުރާ އޮފީހުން ދޫކޮށްފައިވާ ލިޔުން.
5. ލިބިފައިވާ ތަޢުލީމީ ސެޓުފިކެޓުތަކުގެ ކޮޕީ؛
6. މަސައްކަތުގެ ތަޖުރިބާ އަންގައިދޭ ތިރީގައިވާ މިންގަނޑަށް ފެތޭ ލިޔުންތަކުގެ ކޮޕީ:

ވަޒީފާއަށް އެންމެ ޤާބިލު ފަރާތެއް ހޮވުމަށް ބެލޭނެ ކަންތައްތައް:

• އަސާސީ ޝަރުތު ހަމަވުން (50%)
• އަސާސީ ޝަރުތަށް ވުރެ އިތުރަށް ލިބިފައިވާ ތަޢުލީމް (5%)
• އަސާސީ ޝަރުތަށްވުރެ އިތުރަށް ލިބިފައިވާ ތަޖުރިބާ (5%)
• އިންޓަވިއު (40%)

މަޤާމަށް އެދެންވީގޮތާއި ސުންގަޑި:

މަޤާމަށް އެދި ހުށަހަޅަންޖެހޭ ތަކެތި ހުށަހަޅާނީ 03 ފެބްރުއަރީ 2025 ގެ 13:30 ގެ ކުރިން، ތިނަދޫ ސިޓީ ކައުންސިލް އިދާރާއަށެވެ. ވަޒީފާއަށް އެދޭފޯމާއި ލިޔުންތައް އީ-މެއިލް [email protected]  މެދުވެރިކޮށް ވެސް ބަލައިގަނެވޭނެއެވެ. އަދި އިޢުލާނުގެ ސުންގަޑި ހަމަވުމުގެ ކުރިން ސަރުކާރުން އަލަށް ބަންދު ދުވަހެއް ކަނޑައަޅައިފި ނަމަ، އެ ކަނޑައަޅާ ދުވަހުގެ އަދަދަށް ވަޒީފާއަށް އެދޭ ފޯމު ބަލައިގަނެވޭނެއެވެ.

ޝޯޓްލިސްޓުކުރުން:

މި ވަޒީފާއަށް އެދި ހުށަހަޅާ ފަރާތްތަކުގެ ތެރެއިން ތަޢުލީމީ ފެންވަރާއި ތަޖުރިބާއަށް ބަލައި، ވަޒީފާއަށް ކުރިމަތިލާފައިވާ ފަރާތްތަކުގެ ތެރެއިން އެންމެ މަތިން ޕޮއިންޓު ލިބޭ 05 ފަރާތްތައް ޝޯޓްލިސްޓުކުރެވޭނެއެވެ.

އިންޓަރވިއު (އެސެސްމަންޓް،އިމްތިޙާން ނުވަތަ ޕްރެޒެންޓޭޝަން ) އޮންނާނެ ތަނާއި، މުއްދަތު:

މި މަޤާމަށް މީހަކު ހޮވުމަށް ބޭއްވޭ އިންޓަވިއު އޮންނާނީ،05 ފެބްރުއަރީ 2025 އާއި 9 ފެބްރުއަރީ 2025 އާއި ދެމެދު، ތިނަދޫ ސިޓީ ކައުންސިލް އިދާރާގައެވެ.

"ވަޒީފާއަށް ކުރިމަތިލީ ފަރާތްތަކަށް ޕޮއިންޓު ލިބުނު ގޮތުގެ ޝީޓް (A2 ޝީޓު)" އާންމުކުރުން

އިންޓަވިއު ބާއްވާތާ ރަސްމީ ބަންދު ނޫން 3 ދުވަހުގެ ތެރޭގައި "ވަޒީފާއަށް ކުރިމަތިލީ ފަރާތްތަކަށް ޕޮއިންޓު ލިބުނު ގޮތުގެ ޝީޓް (A2 ޝީޓު)" އާންމުކޮށް ފެންނާނެހެން މި އިދާރާގެ ނޯޓިސް ބޯޑުގައި އަދި އިދާރާގެ ވެބްސައިޓްގައި އާންމުކުރެވޭނެއެވެ. ވަޒީފާއަށް ކުރިމަތިލީ ފަރާތްތަކަށް ޕޮއިންޓު ދެވިފައިވާ ގޮތާމެދު ޝަކުވާއެއް އޮތްނަމަ A2 ޝީޓު އާންމުކުރާ ދުވަހުން ފެށިގެން ރަސްމީ ބަންދު ނޫން 3 ދުވަހުގެ ތެރޭގައި އެ ޝަކުވާއެއް މި އިދާރާއަށް ހުށަހަޅަންވާނެއެވެ.

މި އިޢުލާނާ ގުޅިގެން މަޢުލޫމާތު ސާފުކުރުމަށް ގުޅާނީ 6841718 އަށެވެ. އީ-މެއިލް ކުރާނީ  [email protected]  އަށެވެ. ސިވިލް ސަރވިސްގެ ވަޒީފާތަކަށް މީހުން ހޮވުމާއި އައްޔަންކުރުމުގެ މިންގަނޑުތަކާއި އުޞޫލުތައް އަދި އެ އުޞޫލުތަކާ ގުޅުންހުރި އެންމެހައި ލިޔުންތައް ސިވިލް ސަރވިސް ކޮމިޝަނުގެ ވެބްސައިޓްގެ ޑައުންލޯޑްސްގެ "އައްޔަންކުރުމުގެ އުޞޫލާގުޅޭ" (http://www.csc.gov.mv/dv/recruitment-usoolu) އިން ލިބެން ހުންނާނެއެވެ.