އެއްގަމު އުޅަނދު ދުއްވުމުގެ ލައިސަންސް ދޫކުރުމަށް މިކައުންސިލުން ކުރިޔަށް ގެންދާ މަސައްކަތުގައި ޕިކަޕް އަދި ރަށު ޕިކަޕް (ޓްރައިސައިކަލް) ގެ ލައިސަންސް ދޫކުރަން ފަށައިގަތުމަށްޓަކައި، މި ގިންތި (ކެޓަގަރީ) ގެ ޑްރައިވިންގ ލައިސަންސްދިނުމުގެ ޢަމަލީ އިމްތިޙާންކުރާނެ އެގްޒަމިނަރުން ހޯދަން ބޭނުންވެއެވެ.

ބޭނުންވާ ޢަދަދު:  2 (މަދުވެގެން 1)

އެގްޒަމިނަރެއްގެ ޝަރުތުތައް:

ހ. މަދުވެގެން C4,C3,C1 ގިންތީގެ އުޅަނދު ދުއްވުމުގެ ލައިސަންސް އޮތުން. (ދުއްވުމުގެ ޢަމަލީ ޓެސްޓް ދެވޭނީ އެ އެގްޒަމިނަރަކަށް ލިބިފައިވާ ގިންތީގެ އުޅަނދުތައް ދުއްވުމުގެ ޓެސްޓެވެ.)

ށ. ފާއިތުވި 3 އަހަރުގެ ދުވަހުގެ ތެރޭގައި ޓްރެފިކް ވައެލޭޝަން ކުށެއްކޮށްފައިވާކަން ސާބިތުވެފައިނުވުން.

ނ. ފާއިތުވި 5 އަހަރު ދުވަހުގެ ތެރޭގައި ޖިނާއީ ކުރެއް ސާބިތުވެފައިވާ މީހަކު ކަމުގައިނުވުން.

ރ. މުއްދަތު ހަމަނުވާ އެއްގަމު އުޅަނދު ދުއްވުމުގެ ލައިސަންސް އޮތުން.

ބ. ޢުމުރުން 55 އަހަރު ނުވާ މީހެއްކަމުގައިނުވުން.

ޅ. ލައިސަންސް ދޫކުރާ ސެންޓަރެއްގައި ވަޒީފާއަދާކުރާ މީހެއްކަމުގައިނުވުން.

ކ. ޑްރައިވިންގ ސްކޫލެއްގައި ވޭތުވެދިޔަ 5 އަހަރު އެއްވެސް ހައިޞިއްޔަތަކުން މަސައްކަތްކޮށްފައިނުވުން އަދި މަސައްކަތްކުރަމުންދާ މީހެއްކަމުގައިނުވުން.

                  ވީމާ މިކަމަށް ޝައުޤުވެރިވެލައްވާ ތިރީގައި މި ދަންނަވާ ޝަރުތުތައް ފުރިހަމަވާ ފަރާތްތަކުން 26 ޖެނުއަރީ 2025 ވާ އާދިއްތަ ދުވަހުގެ މެންދުރު 13:00ގެ ކުރިން މި އިދާރާއަށް ސިޓީއަކުން ހުށަހެޅުއްވުން އެދެމެވެ. ސިޓީއާއިއެކު އައިޑީ ކާޑު އަދި ލައިސަންސް ކާޑުގެ ދެފުށުގެ ކޮޕީއެއް ހުށަހަޅުއްވަންވާނެއެވެ.