ދިވެހިރާއްޖެ
މިރަށު ވަލުތެރޭގައި ހުރި އަމިއްލަފަރުދުންގެ ރުއްގަހުގެ ދަފްތަރު އެކުލަވާލުމުގެ ބޭނުމަށް، ވަލުތެރޭގައި ހުރި އަމިއްލަފަރުދުންގެ ރުއްގަހުގެ މަޢުލޫމާތު މިއިދާރާއަށް ހިއްސާކުރުމަށް އަންގާ ކުރިން މިއިދާރާއިން ވާނީ އެކިފަހަރުމަތިން އިޢުލާންކުރެވިފައެވެ. ނަމަވެސް އަދިވެސް ގިނަ ފަރާތްތަކަކުން ދެންނެވުނު މަޢުލޫމާތު މިއިދާރާއަށް ހިއްސާކޮށްފައިނުވާކަން ހިތާމައާއެކު ފާހަގަކުރަމެވެ. އަދި އެކިއެކި ބޭނުންތަކަށް ދޫކުރާ ނުވަތަ ނަގާ ބިންތަކުގައި ހުންނަ ރުއްގަހަށް ބަދަލުދެވޭނީ މިއިދާރާގެ އަމިއްލަފަރުދުންގެ ރުއްގަހުގެ ދަފްތަރުގައި ރަޖިސްޓްރީ ކުރެވިފައިވާ ތަކެއްޗަށްކަންވެސް ކުރިން ވާނީ ދެންނެވިފައެވެ.
އެހެންކަމުން ވަލުތެރޭގައި ހުރި އަމިއްލަފަރުދުންގެ ރުއްގަހުގެ މަޢުލޫމާތު މިއިދާރާއަށް ކުރިން ހިއްސާކޮށްފައިނުވާ ފަރާތްތަކުން އެ މަޢުލޫމާތު، 23 ޖަނަވަރީ 2025 ވާ ބުރާސްފަތި ދުވަހުގެ 14:00 ކުރިން މިއިދާރާއަށް ހިއްސާކުރުމަށް ދަންނަވަމެވެ. ކުރިން މި މަޢުލޫމާތު ހިއްސާކުރުމަށް އެތައް ފަހަރަކު އެންގިފައިވުމާއެކު މިދެންނެވުނު މުއްދަތާހަމައަށް، މިއިދާރާގައި އޮންނަ އަމިއްލަފަރުދުންގެ ރުއްގަހުގެ ދަފްތަރުގައި ނުޖައްސާ މިރަށު ވަލުތެރޭގައި ހުންނަ އެންމެހައި ރުއްގަސް ބެލެވޭނީ އެއީ ރައްޔިތުންގެ ތަކެތި ކަމުގައެވެ.
ރުއްގަހުގެ މަޢުލޫމާތު ހިއްސާކުރާއިރު ރުއްގަހުގައި ހުންނަންވާނީ އެތަކެތީގެ ވެރިފަރާތް ނިސްބަތްވާ ގޭގެ ނަންބަރު ރަނގަޅަށް ފާހަގަވާނެހެން ޖަހާފައެވެ. އަދި ރުއްގަހުގެ މަޢުލޫމާތު ހިއްސާކުރާނީ އެކަމަށް ކަނޑައެޅިފައިވާ ފޯމުންނެވެ. ރުއްގަހުގެ މަޢުލޫމާތު ހިއްސާކުރާ ފޯމު މިއިދާރާއިން ރަސްމީގަޑީގައި ލިބެންހުންނާނެއެވެ.
ވީމާ، މިކަން އާންމުކޮށް އަންގާ އިޢުލާންކުރަމެވެ.