ދިވެހިރާއްޖެ
ލ. އިސްދޫއިން ދިރިއުޅުމުގެ ބޭނުމަށް ބަންޑާރަގޯއްޗަށް އެދި ހުށަހެޅުމުގެ ފުރުޞަތު ޢާއްމުކޮށް ހުޅުވާލަމެވެ.
ދޫކުރެވޭ ގޯތިތަކާބެހޭ މަޢުލޫމާތު:
1.1- ގޯތީގެ ޢަދަދު: 150
1.2- ގޯތީގެ ސައިޒް: 3000 އަކަފޫޓް
1.3- ގޯތި ދޫކުރާ ސަރަޙައްދު: މަޖުދީމަގުގެ އިރުމަތީ ފަޅިން
ލ.އިސްދޫ އިން ގޯއްޗަށް އެދި ހުށަހަޅާ ފަރާތުގައި ހުންނަންޖެހޭ ޝަރުޠުތައް؛
- ދިވެހި ރައްޔިތަކު ކަމުގައިވުން.
- ޢުމުރުން 18 އަހަރުވެފައިވުން.
- ބަންޑާރަ ގޯއްޗެއް ނުވަތަ ބައެއް ނުވަތަ އަމިއްލަ ގޯއްޗެއް ނުވަތަ ބައެއް، ގޯއްޗަށް އެދޭ ފަރާތުގެ ނަމުގައި ރަޖިސްޓަރީވެފައި ނެތުން ނުވަތަ ލިބިފައި ނެތުން.
- ރާއްޖޭގެ އެއްވެސް ތަނަކުން 600 އަކަފޫޓަށްވުރެ ބޮޑު ބަންޑާރަ ނުވަތަ އަމިއްލަ ގޯއްޗެއް އެމީހެއްގެ ނަމުގައި ރަޖިސްޓަރީވެފައި ނެތުން ނުވަތަ ލިބިފައި ނެތުން، އަދި 600 އަކަފޫޓަށްވުރެ ކުޑަ ބައެއް ރަޖިސްޓަރީވެފައިވާނަމަ، ނުވަތަ ލިބިފައިވާނަމަ މިފަދަ ބައެއް ގޯތި ދޫކުރުމުގެ އުޞޫލާއި އެއްގޮތްވާ ގޮތުގެމަތިން ދޫކޮށްލަން އެއްބަސްވުން. ( އިޤްރާރު - ގޯތި ދޫކުރުމާބެހޭ އުޞޫލުގެ ޖަދުވަލް 4 ގައި )
- ގޯއްޗަށް އެދޭ ފަރާތަށް ބަންޑާރަ ނުވަތަ އަމިއްލަ ގޯއްޗަކުން ތަރިކައިން ލިބެން އޮންނަ ބައި ގޯތި ދޫކުރުމުގެ އުޞޫލާއި އެއްގޮތަށް ދޫކޮށްލަން އެއްބަސްވުން. އެފަދައިން ދޫކޮށްލަން އެއްބަސްވާކަމުގެ އިޤްރާރު ފޯމާއެކު ހުށަހަޅަންވާނެއެވެ. ( އިޤްރާރު - ގޯތި ދޫކުރުމާބެހޭ އުޞޫލުގެ ޖަދުވަލް 5ގައި )
- ރާއްޖޭގެ އެއްވެސް ރަށަކުން ގޯއްޗެއް ނުވަތަ ސަރުކާރުގެ ބޯހިޔާވަހިކަމުގެ މަޝްރޫޢެއްގެ ދަށުން 600 އަކަފޫޓަށްވުރެ ބޮޑު ފުލެޓެއް،ރޯހައުސްއެއް، އެއްމެދު ޢިމާރާތެއްގެ ފުލެޓެއް ގޯއްޗަށް އެދޭ ފަރާތުގެ ނަމުގައި އޮވެ އެތަން ދޫކޮށްލާފައި ނުވަތަ ވިއްކާފައިވުން.
- ގޯއްޗަށް އެދޭ މީހުންނަށް ޕޮއިންޓް ދޭނެގޮތުގެ މިންގަނޑުގައި ކަނޑައެޅިފައިވާ ޖުމްލަ ޕޮއިންޓު 60 (ފަސްދޮޅަސް) އަށްވުރެ މަތިން ޕޮއިންޓުލިބޭ ފަރާތެއް ކަމުގައިވުން.
ޕޮއިންޓް ދިނުމަށް ކަނޑައަޅާފައިވާ ގޮތް ގޯތި ދޫކުރުމާއިބެހޭ އުޞޫލުގައި ބަޔާންކޮއްފައިވާނެއެވެ. ގޯތި ދޫކުރުމާއި ބެހޭ އުޞޫލު މިއިޢުލާނާއި އެކުގައިވާނެއެވެ.
ގޯއްޗަށް އެދި ފޯމު ހުށަހެޅުން.
- އިސްދޫ ކައުންސިލަށް ފޯމު ހުށަހަޅަން ބޭނުންވާ ފަރާތްތަކުގެ ފޯމުތައް ރަސްމީ ބަންދުނޫން ކޮންމެ ދުވަހެއްގެ ހެނދުނު 09:00 އިން މެންދުރުފަހު 01:00 އަށް ކައުންސިލް އިދާރާއިން ބަލައިގަތުމުގެ އިންތިޒާމް ހަމަޖެހިފައިވާނެއެވެ.
ވީމާ، މިކައުންސިލުން ގެޒެޓުކޮށްފައިވާ "ހައްދުންމަތީ އިސްދޫއިން ދިރިއުޅުމަށް ބަންޑާރަ ގޯތި ދޫކުރުމާބެހޭ އުޞޫލު" އާއި އެއްގޮތަށް ބަންޑާރަ ގޯއްޗަށް ޝަރުތު ހަމަވާ ފަރާތްތަކުން 2024 ޑިސެމްބަރ 17 އިން 2025 ޖެނުއަރީ 19 ވާ އާދިއްތަ ދުވަހުގެ 13:00 އާއި ހަމައަށް ގޯއްޗަށްއެދި ފޯމު ހުށަހެޅުމުގެ ފުރުޞަތު ޢާއްމުކޮށް ހުޅުވާލައި އެކަން އިޢުލާނުކުރަމެވެ. ބަންޑާރަ ގޯއްޗަށް އެދޭ ފޯމް މި އިދާރާގެ ރިސެޕްޝަނުންނާއި، ދިވެހި ސަރުކާރުގެ ގެޒެޓުންނާއި މިއިދާރާގެ ފޭސްބުކް ޕޭޖުން ލިބެން ހުންނާނެއެވެ.