މިރަށުގައި ޤާއިމްކޮށްފައިވާ ފެނާއި ނަރުދަމާގެ ޓެސްޓިން މަރުޙަލާ މިވަނީ 2024 ނޮވެމްބަރ 24 ވަނަދުވަހުން ފެށުގެން ފެށިފައެވެ. ޓެސްޓިން މަރުޙަލާ ފެށިފައިވާތީވެ، މިވަގުތު ފެނާއި ނަރުދަމާ އެޅިފައިވާ ގެތަކުގެ ކަނެކްޝަން ގުޅަމުން ގެންދާނެއެވެ. މި މުއްދަތުގައި ކަނެކްޝަން ގުޅާދެވޭނީ، މިނިސްޓްރީން ހުއްދަދީފައިވާ ކަނެކްޝަން ލިސްޓަށެވެ.

• ޓެސްޓް މަރުހަލާގައި ދޫކުރެވޭ ފެނަކީ ބުއިމަށް އަދި ކެއްކުމަށް އެކަށީގެންވާ ފެނަށްނުވާތީ ހުރިހާ ފަރާތްތަކުންވެސް މިކަމަށް ވަރަށް ބޮޑަށް ސަމާލުކަން ދިނުން އެދެމެވެ. (ބުއިމަށާއި ކެއްކުމަށް ފެން ބޭނުން ކުރެވޭ މިންގަނޑަށް ދިއުމުން ހުއްދަ ދީފައިވާ އޮޕަރޭޓަރ އެކަން އާއްމުކޮށް އަންގާނެއެވެ)
• ޓެސްޓް މަރުޙަލާގައި ފެނާއި ނަރުދަމާގެ ޙިދުމަތް ދެމުންދާނީ ހިލޭ، އެއްވެސް އަގެއް ނެގުމެއްނެތިއެވެ.
• މި މަރުޙަލާގައި ގަސްތަކަށް ފެންދިނުމާއި، ވެހިކަލް ދޮވުމާއި އަދި މިނޫންވެސް ފެން އިސްރާފުވާނެ ފަދަ ކަންކަމަށް ޕްލާންޓްފެން ބޭނުން ނުކުރެއްވުން އެދެމެވެ.
• ޓެސްޓިން މަރުޙަލާގައި ފެންދޫކުރުމަށް ކަނޑައެޅިފައިވާ ލިމިޓްގެ އިތުރަށް އެވެސް ފަރާތަކުން ފެންބޭނުންކޮށްފައިވާ ނަމަ، އެފަރާތަކަށް ދޫކޮށްފައިވާ ފެނުގެ ކަނެކްޝަން ބަންދުކުރެވޭނެއެވެ.
• ޓެސްޓިން މަރުޙަލާގައި ފެންދޫކުރުމަށް ކަނޑައެޅިފައިވާ ލިމިޓް:
• ގޭބިސީތަކަށް މަސްދުވަހަކަށް 5.4 ކިއުބިކް މީޓަރުގެ ފެން.
• ގެސްޓްހައުސްތަކަށް މަސްދުވަހަކަށް / އެނދަކަށް / 4.5 ކިއުބިކް މީޓަރުގެ ފެން.
• ފެނާއި ނަރުދަމާ ކަނެކްޝަން ގުޅުމަށް ބޭނުންފުޅުވާ ފަރާތްތަކުން މި ކައުންސިލްގެ އެސިސްޓެންޓް ކައުންސިލް އޮފިސަރ / ޢަލީ ޖާވިދު ނަންބަރު 7550283 ގުޅުއްވައިގެން ނަން ނޯޓް ކުރެއްވުން އެދެމެވެ.
• ފެނާއި ނަރުދަމާ ކަނެކްޝަން ގުޅުމުގެ ކަންކަން ކުރިއަށް ގެއްދިއުމަށް ހަމަޖެހިފައިވަނީ ނަން ނޯޓްކުރާ ތަރުތީބުން، ހޯނޑެއްދޫ ކައުންސިލް އަދި ކޮންޓްރެކްޓަރގެ ބެލުމުގެ ދަށުންނެވެ.
• ނަރުދަމާ ކަނެކްޝަން ގުޅުމަށް އިންސްޕެކްޝަން ޗެންބަރ ވަށައިގެން ކޮނެ ޗެންބަރއަށް ނަރުދަމާކޮޅު ގުޅުމަކީ ގޭގެ ވެރިފަރާތުގެ ޒިންމާއެކެވެ. އަދި އިންސްޕެކްޝަނަށްފަހު ކޮނެފައިވާ ސަރަޙައްދަށް ފަސްލާނީ ކޮންޓްރެކްޓަރ، ގުޅާފައިވާ ގޮތް ޗެކްކޮށް އެފަރާތުން ހުއްދަ ލިބުމުންނެވެ. އިންސްޕެކްޝަން ޗެންބަރުތަކުގެ މަސައްކަތް ކުރަމުންދާއިރު ހުރިހާ ފަރާތްތަކުންވެސް ހޯނޑެއްދޫ ކައުންސިލުގެ މުވައްޒަފުންނަށް ފުރިހަމައަށް އެއްބާރުލެއްވުން ދެއްވުން އެދެމެވެ.
• ނަރުދަމާގެ ކަނެކްޝަންތައް ގުޅާ ނިމުމުން އެއްވެސް ފަރާތަކުން ކުރިން ބޭނުންކުރަމުންއައި ނަރުދަމާ ނިޒާމަށް ގުޅުމަކީ މަނާކަމެއް ކަމުގައިވެސް ދަންނަވަމެވެ.

 ޓެސްޓިން މަރުޙަލާގައި ފެނާއި ނަރުދަމާގެ ނިޒާމަށް ދިމާވަމުންދާ މައްސަލަތައް މިކައުންސިލްގެ އެސިސްޓެންޓް ކައުންސިލް އޮފިސަރ / ޢަލީ ޖާވިދު ނަންބަރު 7550283 ފޯނަށް ނުވަތަ މި ކައުންސިލްގެ ވައިބަރ ނަންބަރު 9660015 އަށް ހިއްސާކޮށްދެއްވުމަކީ މި ކައުންސިލްގެ ވަރަށްބޮޑު އެދުމެކެވެ.

                              03 ޑިސެންބަރު 2024