ދިވެހިރާއްޖެ
ނ. މަނަދޫ އިން ދަނޑުވެރިކަން ކުރުމަށް ވަގުތީ ދަނޑުބިން ދޫކުރުމުގެ 3 ވަނަ ފުރުސަތު ހުޅުވާލުން
ނ.މަނަދޫ ކައުންސިލްގެ ބެލުމުގެ ދަށުގައިވާ ބައެއް ބިންތައް ނ. މަނަދޫގައި ދަނޑުވެރިކަން ކުރުމަށް ޝައުޤުވެރިވާ މަނަދޫގެ ރައްޔިތުން ވަގުތީ ގޮތުން ދަނޑުވެރިކަން ކުރުމަށްޓަކައި ދޫކުރުމުގެ 3 ވަނަ ފުރުސަތު ހުޅުވާލަމެވެ. ވީމާ ، މިކަމަށް އެދޭ ފަރާތްތަކުން ބޭނުންވާ ބިން އެނގޭގޮތަށް ބިން ހޯދުމަށް އެދި ސިޓީއަކުން 19 ޑިސެމްބަރ 2024 ގެ ކުރިން މިއިދާރާއަށް ހުށަހެޅުއްވުން އެދެމެވެ. އެއް ބިމަކަށް އެއްފަރާތަށްވުރެ ގިނަ ފަރާތްތަކުން ހުށަހަޅުއްވައިފިނަމަ ބިން ދޫކުރެވޭނީ އެބިމަކަށް ގުރުއަތުން ހޮވޭ ފަރާތަކަށެވެ. ބިންތަކާބެހޭ އިތުރު މަޢުލޫމާތު ސާފުކުރައްވަން ބޭނުންފުޅުވެލައްވާ ފަރާތްތަކުން ރަސްމީގަޑީގައި މިއިދާރާއަށް ހާޟިރުވެދެއްވުން އެދެމެވެ. މި ބިންތައް ދޫކުރެވޭނީ އެއްވެސް ކުއްޔަކާނުލާ ހަމައެކަނި ވަގުތީ ދަނޑުވެރިކަމަށެވެ. ބިން ޙަވާލުކުރުމުގައި ޝަރުތުކުރެވޭނެ ކަންކަން ތިރީގައި ދެންނެވިފައި އެވަނީ އެވެ.
- ބިން ސާފުކޮށް ބެލެހެއްޓުން ( ބިމާ ގުޅިފައިވާ މަގާއި ގޯޅިއާއެކު ނޮޅާ ސާފުކޮށް ބެލެހެއްޓުން )
- ބިމުގައި އިންދަން ހުއްދަކުރާ ބާވަތްތައް ފިޔަވާ އިތުރު އެއްވެސް ބާވަތެއް ބިމުގައި ނީންދުން.
- · ދޫކުރަން ހަމަޖެހިފައިވާ ބިންތައް
- ހުޅަނގުކޮޅުގައި ވައިލެޓްމަގާއި ، ލިލީމަގަށް ވާގޮތަށް ޕާކަށް ޚާއްސަކުރެވިފައިވާ ބިމުގެ ދެކުނުފަޅި ( ނަމްބަރ 6 )
- ހުޅަނގުކޮޅުގައި ވައިލެޓްމަގުގެ އުތުރަށް ނާމަގު ހިނގުމަށްވާގޮތަށް ޕާކަށް ޚާއްސަކުރެވިފައިވާ ބިން ( ނަމްބަރ 10 )
- ހުޅަނގުކޮޅުގައި އޯކިޑްމަގާއި ގޯޅިއަށްވާގޮތަށް ވިޔަފާރިއަށް ޚާއްސަކުރެވިފައިވާ ބިން ( ނަމްބަރ 13 )
- ހުޅަނގުކޮޅުގައި ޗާންދަނީމަގާއި ، ނާމަގު ހިނގުމަށްވާގޮތަށް ޕާކަށް ޚާއްސަކުރެވިފައިވާ ބިން ( ނަމްބަރ 22 )
މިހެންވެ މިކަން ޢާއްމުކޮށް އެންގުމަށްޓަކައި އިޢުލާން ކުރީމެވެ.